|
مساعده فى سكودا فليشيا 96
السلام عليكم ورحمة الله وبركاته عندى استفسار كده الصبح لما جيت ادور العربيه بتدى مرش بطى جداااا وحاسس انها بتشحر بعدين فتحت الكابوت ببص لقيت سلكة البطاريه بتطلع دخان اللى واصله ناحيه الماتور جيت احط ايدى على السلكه لقيتها سخنه بعدين حاولت ادور تانى بعد محاولات لقطت مره فضلت مزود بنزين لقيت الماتور بيترج جامد جداااا سبت رجلى من على البنزين بطلت مش عارف فى ايه وعايز اعرف ده شغل ميكانيكى ولا كهربابى مع العلم ان العربيه كانت شغاله كويس جدااااااا بس الحوارات دى كلها حصلت بعد ما غسلت العربيه من جواه مابقتش راضيه تدور خاااالص المهم هو خلع الغطاء بتاع الاسبلتير وخلع بوجيه معين ونظفه وعمل شوية حاجات وبقت شغاله زى الفل ومشيت بيها يوم بعديها بقى حصل اللى حصل ده الصبح |
رد: مساعده فى سكودا فليشيا 96
دا غير ان وارد البطارية تكون ضعيفة
ممكن برضه بسبب الميه بوجيه او اكتر فاصلين يفضل تروح لميكانيكى يجفف الاسبراتير تانى كويس و سلوك البوجيهات من الطرفين |
رد: مساعده فى سكودا فليشيا 96
الحمدلله جبت ميكانيكى قالى البطاريه نايمه وخدنا وصله والعربيه دارت قالى العربيه بتشرق
ممكن يكون فى الكرابتير حاجه ؟؟؟؟ مع العلم ان الكرابتير لسه منظفه من شهر عند ميكانيكى هو الميكانيكى بيقولى ممكن يكون الرشااش بتاع الكرابتير فيه مشكله تروح لبتاع كرابتير افضل هو هيتصرف وكمان انا عندى السخان بتاع الكرابتير مش شغاله فيه مشكله مملح بقالى فتره لما بدور العربيه الصبح لازم افضل دايس على البنزين بتاع دقيقتان عشان لو سبتها هتبطل مش بقى ايه المشكله |
رد: مساعده فى سكودا فليشيا 96
اقتباس:
فى الغالب ... شرقان الكربراتير ده سببه ان الابرة مبتقفلش كويس لما حوض الكربراتير يتملى ... ليه مش بتقفل كويس ؟ احتمالات كتير .... منها ... وجود قطعة كاوتشوك صغيرة جدا او حتة تراب صغيرة ...تحت الابرة تمنع الاغلاق الكامل للابرة تاكل الابرة حدوث ثقب صغير فى العوامة مما يجعلها غير كافية لرفع الابرة بالكامل اعراض شرقان الكربراتير بتختلف من كاربراتير للتانى .. المهم ان حضرتك تحاول تعرف الاعراض دى علشان تعرف تتعامل معاه ازاى عايز تريح دماغك .... روح لحد كويس يظبطلك الكربراتير .. و ممكن كمان يظبطلك موضوع السخان انا عايش فى المشكلة دى بقالى شهور |
رد: مساعده فى سكودا فليشيا 96
اطلع على معتز بتاع الكربراتير إللى فى دار السلام (إللى رشحهولنا الأستاذ سيد عصام مشرف قسم الفيات) و إن شاء الله هتنسى الكربراتير و مشاكله
========================= ==== كربراتير ====== بيانات البشمهندس معتز المصرى تليفون:01222648701 العنوان :12ش زهير العتال من مصر حلوان الزراعى بجوار الشبراويشى وامام كشرى كهرمان - دار السلام من الكورنيش, هتدخل فى الشارع إللى بين المحكمة الدستورية و مستشفى القوات المسلحة (إللى كانوا بيهدوا فيه العمارات المخالفه) و آخر الشارع هتدخل شمال فى الشارع الزراعى لحد متلاقى ألبان رزة على شمالك, تدخل الشارع اللى قدامه (يمين هتلاقى الورشة (عالم الكربراتير) |
رد: مساعده فى سكودا فليشيا 96
الف مليون شكر ياجماعه طيب انا سئلت على الكاربتير فى دير الملاك عن محل بيبع قطع غير اسكودا بيقولى الكاربتير الاصلى بتاع الاسكودا عندى 550 على الكلام ده صح ولا اشتغله وهل لو جبت الكاربتير ده هيريحنى من الحوارات دى تقصد ايه حضرتك بالعوامه قصدك العوامه بتاعت البنزين ؟؟؟؟؟؟ |
رد: مساعده فى سكودا فليشيا 96
أكيد الكربراتير أبو 550 جنية ده صينى
الصينى مش حلو و مش وحش, حسب ضمير المستورد, و بختك يا أبو بخيت الأصلى غالباً هيعدى الـ 1000 أنا عارف إن إصلاح الكربراتير مش هيرجعه 100% بس إحنا بنحاول ندل الناس على الصنايعى الأفضل فى المجال ده عندك للكربراتير مكانين بس فى مصر مقتنع بيهم غير كده (معرفش) 1- مركز الصفا لتحليل العادم (ده مركز متخصص و ناس كتير شكرت فى شغله) بس أسعاره غالية 2- معتز بتاع دار السلام, ده شاب متعلم, و محترف كربراتير و عنده مكنه الخراطه بتاعته بيشتغل بنفسه يعنى كل مسمار جوة الكربراتير بيربطه على ضمانته و طبعاً أسعارة أقل بكتير من مركز الصفا مش عاوز أقولك بتوع شبرا المشهورين (نصابين) من كلام ناس كتير و من تجارب شخصية مع كذا واحد منهم. --------------------------- يبقى أنت قدامك 3 خيارات شوف الأفضل بالنسبالك 1- إصلاحه 2- شراء جديد صينى و انت و حظك 3- شراء الأصلى جديد بس غالى و إوعى تشترى استيراد أو مستعمل -------------------------- اقتباس:
دى إبرة جود الكربراتير عليها عوامة بنزين صغيرة (غير إللى فى تانك العربية دى حاجه تانية خالص) العوامة مع الإبرة بيضبطو مستوى البنزين فى حوض الكربراتير علشان الكربراتير ميشرقش (يبقى فيه بنزين و مفيش هواء) أعانكم الله |
| الساعة الآن 11:31 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017