|
مشكله غريبه في السرعه...160 مش اكتر من كدا
السلام عليكم اولا كل سنه وحضراتكم بخير.. الحمدلله ربنا كرمني ورزقني بنوبيرا 2 استيراد كوريا موديل 1999 وبصراحه عجباني جدا وعملت لها طقم سيرفيس (بوجهات + سير كاتينه+سير مجموعه+فلتر بنزين +فلتر زيت ) المشكله :- ان العربيه بتوصل لسرعه 160 ومبتزيدش عن كدا نهائي لو حتى هنزل ابوس الكوتش ملحوظه بسيطه عندي علبه الشكمان محتاجه تتغير ارجوكم لو في اي حل للمشكله دي ياريت حد يعرفني على قد ما العربيه مريحه وسحبها معقول مش اللي هوا قوي يعني بس مقبول لكن السرعه معايا تقف عند 160 دي بصراحه مخلياني مخنوق وحاسس اني متكتف |
رد: مشكله غريبه في السرعه...160 مش اكتر من كدا
من الافضل الكشف بجهاز كمبيوتر لمعرفه الحاله العامه واكتشاف اي عيوب، ومن الممكن ملاحظه الفتيس لو اوتوماتيك كام نقله وهل بينقل لاخر نقله ولا لأ
|
رد: مشكله غريبه في السرعه...160 مش اكتر من كدا
بصراحه دي اول مره اركب اوتوماتيك واظن انها اربعه نقلات ... لكن حكايه الكشف بالكومبيوتر دي هحاول بأذن الله والف شكر على الرد يا افندم
|
رد: مشكله غريبه في السرعه...160 مش اكتر من كدا
اولا العربيه بالتعود بتجيب اكتر مرة بعد مرة
لكن يا اخى 160 كويس وبلاش اكتر من كدة وكتير والله حتى لو الطريق يسمح بلاش العربيه على لحظة ربنا يسلم طريقك |
رد: مشكله غريبه في السرعه...160 مش اكتر من كدا
الحمدلله طبعا كويس بس الهدف هنا حضرتك مش اني اطير ولا اللعب بالعربيه ....الهدف انك تكون عارف قدرات العربيه ومميزاتها والغريب اني لاقيت انها ممكن تجيب اكتر فا ليه بقي 160 دي بس غريبه بصراحه وعشان كدا حبيت استفسر واعرف جايز يكون في مشكله اللحق احلها بدل ما تكبر معايا وانا مش واخد بالي ...فهمت قصدي يا افندم
|
رد: مشكله غريبه في السرعه...160 مش اكتر من كدا
ممكن اعرف اما توصل 160 بتفصل ولا بتكون صوتها عالى
بص لو بتفصل . ازاى يعنى بتفصل اما الكيلو متر بيوصل 160 بيرجع ولا بيفضل على الرقم لو بيفصل دا عادى لان بعض السيارات بيكون فيها نظام انها ما تتعدا 160 ودى بتتحل عن طريق كبيوتر متخصص فى نظام فصل السرعه لو المشكله التانيه اول شئ تعملو تبص على فلتر الهواء وتنظف البوابه وتشوف الخراطيم الهواء اللى فى الماتور كلها راكبه وبعد كدة تعمل الشكمان وان شاء الله المشكله تتحل معاك ولو محتاج اى استفسار انا موجود فى الخدمه |
رد: مشكله غريبه في السرعه...160 مش اكتر من كدا
الف شكر استاذ على ...
متشكر جدا على ردك والماتور الحمد لله مش بيفصل ولا حاجه بالعكس هوا بيثبت على السرعه والصوت بيزيد فعلا ... شكلها كدا اني اشوف حد كويس بقي بيتعامل بالكومبيوتر ...متعرفش بقي حد كويس |
| الساعة الآن 04:51 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017