مسجد عمرو بن العاص ثانى اقدم مساجد افريقيا
 

جامع عمرو بن العاص في دمياط هو ثاني مسجد بني في مصر و يعد من أشهر مساجد دمياط وأقدمها أنشأه المسلمون بعد فتح المدينة عام 21 هجرية، تم بناؤه عام 642 ميلاديا علي طراز جامع عمرو بن العاص بالفسطاط بمصر القديمة وبه كتابات كوفية و أعمدة يعود تاريخها إلي العصر الروماني. يطلق عليه أيضاً (مسجد الفتح) نسبه إلي الفتح العربي. قام بانشائه الصحابي الجليل المقداد بن الأسود في عهد عمرو بن العاص.
البنيان المعماري
المسجد يتكون من قبة في وسطه، يحيط به أربعة إيوانات ويوجد بالجهة الغربية المدخل الرئيسي للمسجد وهو مدخل بارز عن جدرانه وبالقرب من الباب توجد قاعة المئذنة المربعة التي تهدمت إثر زلزال في العصور القديمة.
أعجب ما في تاريخ هذا الجامع أنه تحول من مسجد إلي كنيسة إلي مسجد بضع مرات. فحينما استولي (جان دي برين )علي دمياط 1219 ميلاديا جعل هذا المسجد إلي كنيسة ولما خرج الصليبيون من دمياط عام 1221 ميلاديا تحول لمسجد.
في عام 1249 ميلاديا حينما دخل لويس التاسع دمياط جعل المسجد كاتدرائية وأقام بها حفلات دينيه عظيمة كان يحضرها نائب البابا ومنها تعميد الطفل الذي ولدته زوجة لويس التاسع واسمه يوحنا ولقبته (أثريستان) أي الحزين لما أصاب ولادته من أهوال الحرب وما برح المسجد قائماً منذ جدده الفاطميون عام 1106 ميلاديا.

http://i735.photobucket.com/albums/w...o/Image010.jpg
http://i735.photobucket.com/albums/w...Image013-1.jpg
http://i735.photobucket.com/albums/w...o/Image014.jpg
http://i735.photobucket.com/albums/w...Image018-1.jpg
http://i735.photobucket.com/albums/w...Image019-1.jpg

الترميم

قامت المحافظة بالتنسيق مع المجلس الأعلى للآثار بعمل الترميمات اللازمة لهذا المسجد الأثري، بدأت وزارة الثقافة متمثلة في المجلس الأعلى للآثار بتنفيذ مشروع تطوير شامل لآثار مدينة دمياط بتكلفة اجمالية قدرها 66 مليون جنيه نظرا لما تواجهه المنطقة من زيادة في المياه الجوفية وتدهور في حالة آثارها.[1] تم ترميم مسجد عمرو بن العاص والذي على غرار مسجد عمرو بن العاص بالفسطاط وهو عبارة عن صحن مكشوف يحيط به أربعة أروقة أكبرها رواق القبلة أي الرواق الجنوبي الشرقي وتم تجديده وزيادة مساحته عام 500 هجرية 1106م، ظل المسجد قائما بعد التجديد الفاطمي حتى 1250م حتى أصدر أمراء المماليك أمرهم بتخريب دمياط لكنهم أبقوا على هذا المسجد. كان المسجد يعاني من ارتفاع منسوب مياه الرشح بالمنطقه المجاوره‏,‏ وقد بدا منذ عده سنوات مشروع لخفض هذا المنسوب وتقرر البدء في رفع ارضيه المسجد‏.
المسجد يضم ايوانات تحيط بالصحن المفتوح أكبرها ايوان القبله وفيه عدد من الاعمده المصنوعه من الرخام تعود الي العصر الروماني وتهبط قواعد تلك الاعمده نحو ثلاثه اقدام تحت مستوي افريز الصحن‏.‏ ويضم أيضا اعمده من الحجر القاتم والمرمر السماقي‏ وقد تمت إعاده إفتتاح المسجد أمام المصلين في يوم الجمعه 8 مايو 2009 و الذى يوافق عيد دمياط القومى الذى يوافق انتصار شعب دمياط على الحمله الصليبيه بقياده لويس التاسع ملك فرنسا.

رد: مسجد عمرو بن العاص ثانى اقدم مساجد افريقيا
 

الجامع ده فيه شوية اجات متناقضه ومميزه زى الأعمدة الرخاميه اللى ع الطراز الرومانى والصحن و الشغل اللى على السقف ع الطراز الفاطمى والكتابه الخشبيه ع الجدران من ايام ماكان العربى بيتكتب من غير نقط بس اول مرة اشوف جامع عواميده رومانى بالشكل ده

رد: مسجد عمرو بن العاص ثانى اقدم مساجد افريقيا
 

بالنسبه لموضوع الاعمده فده طبيعي ...
لأنه عند بدايه بناء المساجد كان بيتم الاستعانه بالاعمده الموجوده إن امكن ..
وبالتالي كانت الاعمده في وقتها رومانيه وفرعونيه واعمده فرعوني على روماني !!!
غير ان العماره الاسلاميه استخدمت الزخارف النباتيه و الهندسيه .. و بالتالي أي اعمده بزخارف نباتيه لا تتعارض مع العماره الاسلاميه
عماره الكاتدرائيات كان ليها تأثيرها على عماره الكنائس و المساجد
وربنا يستر على الكلمتين دول ptmnlo123per1127

الف شكر على الصور و المعلومات

رد: مسجد عمرو بن العاص ثانى اقدم مساجد افريقيا
 

موضوع جميل
بس جديده حتة انه أتحول لكنيسه أكتر من مرة ... مكنتش أعرفها بصراحه؟
و لكن السؤال الآن ؛ ما هو أول جامع في افريقيا ؟؟؟؟ عشان عاوز فعلا أعرف مين هو؟

رد: مسجد عمرو بن العاص ثانى اقدم مساجد افريقيا
 

خلى بالك يا استاذ سام رام ان ف العصر ده كانت العمارة الإسلاميه فى بدايتها فكان لابد من الإقتباس وماكنش فيه جديد الا الإستايل الرومانى بس انا مش متفق معاك ان "عماره الكاتدرائيات كان ليها تأثيرها على عماره الكنائس و المساجد" لأن العكس هو الصحيح لأن العمارة الأوربيه مابداتش الا بعد وقت طويل نسبيا جدا وممكن تتابع سلسلة العمارة الإسلاميه على قناة الجزيرة الوثائقية حاتعرف ان ف عصر بداية نهضة الدولة العثمانيه عصر ماقبل محمد الفاتح كانت اوربا عبارة عن قلاع والناس عايشة ف اكواخ وبعد سقوط الأندلس تم تحويل المساجد فى مالطه وصقلية واسبانيا الى كاتدرائيات وتم بناء كنائس جديدة بواسطة العمال المهرة المسلمين اللى كانوا عايشين ف الأندلس بس لما اتفرجت عليها فى الجزيرة الوثائقية كنت بشوف حاجات غريبة جدا زى مثلا صورة السيدة مريم لابسه ملابس عليها الشهادتين بخط دهبى صغير فى حدود الملابس الخارجية وكمان الأشكال الهندسية الإسلاميه على ابواب الكنيسه و الحيطان وهوايات الكنيسة والمحراب

خايف من ايه ده تاريخ لا خلاف عليه ولا يمكن انكاره واحنا بناقش التاريخ مش بناقش تحويل الكنايس الى جوامع والعكس دى حاجة طبيعية فى الظروف دى

اول جامع هو مسجد عمرو بن العاص ف القاهرة وهو مبنى على نفس التصميم والمساحة والإسم كمان للمسجد اللى فى دمياط

رد: مسجد عمرو بن العاص ثانى اقدم مساجد افريقيا
 

جامع ايه صوفيا بتركيا .. واللي اتأثر بتصميمه عندنا هنا مسجد محمد علي بالقلعه

كان في الاساس كنيسه سانتا صوفيا ...
علشان مطولش عليك حضرتك بص على الموضوع ده .. وحتعرف ليه بتجنب النقاش في الجزئيه دي بالذات

http://www.masrmotors.com/vb/showthread.php?t=10538

بس واضح ان عندك معلومات اثريه و معماريه ؟؟

رد: مسجد عمرو بن العاص ثانى اقدم مساجد افريقيا
 

انا اسف يا روميو ..
كان قصدي ان العماره الاسلاميه و الكنائس أو الكاتدرائيات تأثروا بما قبلهم ( فارسي - روماني - بيزنطي )

مأخدتش بالي منها الا دلوقتي ..