فكرة تكييف قد تتطور...شارك برأيك
 

السلام عليكم
طبعاً فيه عربيات بتنزل مكيفه, و دى قضيتها منتهية
و فيه عربيات مفيهاش تكييف و عاوز يركب تكييف بس طبعاً فيه شروط مكلفه من عزل كامل للكابينه و ثمن التكييف نفسه يعنى الموضوع ممكن يوصل لأكثر من 4000 جنية علشان يعمل الحوار ده

دخلت عالنت و دورت عاليوتيوب DIY أو Do It Yourself
فيه تكييفات صناعه يدوية زى فكرة التكييف الصحراوى
بيعتمد على مروحه بتسحب هوا من صندوق مغلق (بإستثناء فتحات صغيرة) و مملوء بالثلج أو الماء المثلج

- و ده موفر طبعاً فى الكهربا و لو ركب عالعربية مش هيأثر على المكنه نهائى, بس ليه عيبين: 1- هيملأ الجو رطوبه هتكسر جسمك و مفاصلك و يسرع فى صدأ السيارة من الداخل (لإن الرطوبه هتتكثف على جسم العربية)
2- كل شوية قبل أى مشوار لازم تأخد شنطه تطلع فيها زجاجات الثلج الفارغه و تبدلها بزجاجات من الفريزر مليانه ثلج و الثلج هيسيح بسرعه !!!

http://2.bp.blogspot.com/-uXQFdS0UCh...%D8%A1+(2).jpg

http://1.bp.blogspot.com/-MlZvQisWR2...PI/s1600/1.jpg
بإختصار : حوار مش عملى
==================
فيه فكرة تانية عجبتنى بس محتاج حد يقولى رأيه فيها
و هى استخدام أشباه الموصلات فى التبريد (تأثير بلتيير)
و دى بإختصار نفس فكرة تبريد البروسيسور فى الكمبيوتر
بيكون فيه شريحة زى دى
http://i01.i.aliimg.com/wsphoto/v0/9...-b-Cooling.jpg

لما بتتوصل بكهربا (من بطارية العربية أو الباور سبلاى بتاع الكمبيوتر)
جنب فيها بيسخن جداً و الجنب الثانى بيبرد جداً
الجزء الساخن أكيد بيركب علية مشع (رادياتور) زى قطعة الألومنيوم اللى تحت مروحة البروسيسور, فية فيديوهات أستخدمت اطباق الفويل و تعريضها للهوا من مروحة أو ملأها بالماء, المهم تحاول تبرد الجزء الساخن
http://www.razorconcepts.net/img/peltier/peltier01.jpg

الجزء البارد هتحط أمامه مروحه صغيرة تسحب الهوا البارد و تدخله من خلال خراطيم أو مواسير إلى داخل الكابينه (من الهوايات إللى فى التابلوه مثلاً)

ساعتها إنت مش محتاج كباس و لا فريون و لا تسريب و لا الليله دى كلها

فيه أى أفكار نطور بيها المشروع ده

رد: فكرة تكييف قد تتطور...شارك برأيك
 

الفكرة التانية ممتازة جدا انا لقيت واحد حاطط جهاز صغير فيه الشريجة دى ومتوصل ع الولاعة وقافل الازاز ف الحر أكيد عامل شغل وتبريده حلو
الصراحة ماكنتش مصدق المنظر لكن كدا اتضحت الرؤية
وفكرة الكولمان كويسة بس ف البيت وتجيب ترانس او مروحة بلاور قوية هتفرق جامد برضو
التكييف الصحراوى ده ب 700 جنيه لواحده والكولمان والمروحة مش هيعدى ال 250 جنيهلو حجم وسط والكبير ب 450

رد: فكرة تكييف قد تتطور...شارك برأيك
 

امبارح كلمت واحد صاحبى مهندس اتصالات و عرضت عليه الموضوع
قالى قطعة الغيار دى (شبه الموصل) تآخد رقمها و تجيبها من النخيلى أو المحلات اللى جنبه فى نفس الشارع - باب اللوق

بس مش متصور قوة التبريد ممكن تكفى كابينة عربية و لا لأ
و دى مش هتظهر غير بعد التجربه

رد: فكرة تكييف قد تتطور...شارك برأيك
 

أنا لاقيت واحد موصل كذا واحده مع بعض يعنى مكبر مساحة التبريد برضو هحأول أشوف الموضوع آخره إيه؟

رد: فكرة تكييف قد تتطور...شارك برأيك
 

متابعين معاك يا باشا

رد: فكرة تكييف قد تتطور...شارك برأيك
 

نزلت سألت على قطعة الغيار دى إمبارح
موجوده عند النخيلى اللى فى باب اللوق
اسمها :
Thermo-electric Cooler
و سعرها :154 جنية

مراوح كمبيوتر بالمشع النحاس أو الألومنيوم , الواحده من 10 : 25 حسب الحجم و الكفاءة
و طبعاً بيشتغلوا على 12 فولت, أخذت واحده من واحد صاحبى مش محتاجها و جربتها على ادابتور Adaptor بس حسيت إنها مش بتخرج هوا جامد
هحاول أجربها عالبطارية يمكن الأمبير يفرق (رغم إنى أعرف إن الأمبير لمعدل الإستهلاك مش للقوة بس برضو نجرب)
لو المروحه كويسة و بتجيب هواء كافى هأبدأ أحوش و لا أعمل جمعية أو أخد قرض من أى بنك و أجيب القطعة المبرده دى !!!

رد: فكرة تكييف قد تتطور...شارك برأيك
 

بالنسبة لقوة التبريد
فى الويكيبيديا بيقولوا تبريد القطعة دى (قطعة بلتيير) بيكون حوالى 70 درجة سليزية بين الجانب الساخن و الجانب البارد
و حوالى 20 درجة أقل من الجو المحيط, و تتحكم فى درجة الحرارة عن طريق قوة التيار الكهربى اللى داخل عليه - يا حلاوة يا ولاد ده ممكن يبقى تكييف سرعات كمان :)

اللينك أهو بس إنجليزى طبعاً
http://en.wikipedia.org/wiki/Thermoelectric_cooling

أعتقد كده الفكرة ممكن تنجح, بس عاوز آراء يا جماعه