مصر موتورز مجتمع السيارات - اشتريت نوبيرا عاوز رأيكم في السعر

مصر موتورز مجتمع السيارات (https://www.masrmotors.com/vb/index.php)

- نوبيرا (https://www.masrmotors.com/vb/forumdisplay.php?f=157)

- - اشتريت نوبيرا عاوز رأيكم في السعر (https://www.masrmotors.com/vb/showthread.php?t=128911)

اشتريت نوبيرا عاوز رأيكم في السعر

الحمد لله اشتريت دايو نوبيرا مو 2000 اتوماتيك صاحب العربيه كان طالب فيها 44000 بس بعد المعاينه اكتشفت انها كانت واخده خبطه في الباب الشمال باب السواق وتم ظبطها المهم فاصلت معاه لغايه ماوصلنا ل40000 العربيه مكيفه - زجاج كهربا -اتوماتيك(عاوزه تظبط العفشه لأن فيه اصوات من قدام-الصالون حالته جيد جدا-تكييف عاوز شحن-وشويه حاجات صغيره)

رد: اشتريت نوبيرا عاوز رأيكم في السعر

لو امكن ممكن اعرف افضل مكان اشتري منه قطع الغيار من حيث الجوده والسROSE4UROSE4Uعر انا من الهرم

رد: اشتريت نوبيرا عاوز رأيكم في السعر

ايه يجماعه 16 مشاهدة ومحدش قال رأيه كنت عاوز اعرف السعر ده كويس ولا لا والموديل ده كويس ولا ايه؟

رد: اشتريت نوبيرا عاوز رأيكم في السعر

أولاً وحشتنا أوى يا أستاذ أحمد, بقالى كتير نفسى أتابع موضوعاتك القيمه
ثانياً 1000 مبروك عالعربية, ربنا يباركلك فيها و يمتعك بخيرها و يحفظك من شرها
- السعر ممتاز بالنسبة للحاله اللى حضرتك وصفتها
- الكورى قطع غيارة فى كل حته مش زى السيتروين, و خاصة اللانوس و النوبيرا و الفيرنا (بسبب الانتشار)
- معرفش بصراحه حد معين فى قطع الغيار, بس اعتقد لو نزلت التوفيقية هتلاقى بدل الواحد مليون
ربنا يكرم و حد من الإخوه هنا يفيدك فى حد حاجته مضمونه
- بالنسبة للتكييف: احمد حنفى اللى فى المعادى (نص ساعه من الهرم عالدائرى) متكسلش و تستقرب, الراجل ده ناس كتير جربته و شكروا فى شغله جداً.

اقتباس:

لاسم : احمد حنفى
رقم التليفون:01065020100
العنوان : شارع التعاون بالمعادى قريبا من نادى المعادى و جامع الفتح الاسلامى و مكتب صحة المعادى
التخصص : كهرباء وتكيف لجميع انواع السيارات بمختلف انواعها وموديلاتها واكثر من ممتاز فعلا بتجربة كثير من اعضاء المنتدى سواء تكيف او كهربا بمعنى اصح محترف فى شغلة فعلا

ده وصف اخونا الفاضل الأستاذ سيد عصام مشرف قسم الفيات, اللى دلنا عليه, جزاه الله خيراً
- برضوا كان مرشحلنا واحد متخصص عفشه فى منيل شيحه ( منطقة عالنيل فى الجيزة أمام المعادى)

اقتباس:

عفشه
طبعا فى العفشه فلا منافس مع الاسطورة بمعنى الكلمه
الاسطى :مدحت الباشا
تليفون : 01001514998
العنوان منيل شيحه على الطريق الرئيسى اسئل اى ميكانيكى على الطريق فين مركز مدحت الباشا للعفشه و الف مين هيدلك عليه بس اهم حاجه تروح بدرى من الساعه 9 الصبح علشان تلحق مكان علشان متستناش كتير لانه المركز بيشيل حوالى 20 سياره فقط لا غير وهتروح تلاقى طابور اطول من طابور البنزين وناس هتلاقيها واقفه من الفجر اقف فى الطابور ده

أعانك الله

رد: اشتريت نوبيرا عاوز رأيكم في السعر

العربيه سعرها كويس وحكايه خبطه الباب لو ماثره عليه ممكن تجيبه استيراد وممكن تلاقيه نفس اللون وشحن التكيف سهل وحسن واحد لقطع الغيار فى الهرم هو المنير فيصل
قبل مطلع الكوبرى بحوالى نصف كيلو عند العماره اللى وقعت

رد: اشتريت نوبيرا عاوز رأيكم في السعر

أولا ألف مبروك على شراء العربية
واختيارك العربية الافضل من وجهة نظرى
انت عارف سعر العربية دى معاقين عامل كام دلوقتى تخيل 38000 جنية وواخدة دعم 20000 جنية كمان
انت بقى اشتريت ب 40000 جنية ألف ألف مليون مبروك والعربية دى تستاهل أكتر من كدا كمان
ربنا يديك خيرها ويكفيك شرها

رد: اشتريت نوبيرا عاوز رأيكم في السعر

الف شكر يحبيبي علي المعلومات الجميله وانشاء الله اروح للعفشجي لاني شحنت التكييف والحمد لله تمام وشغال زي الفل علي درجه 2 ومتلج العربيه