المشاركة الأصلية كتبت بواسطة POP EL GAMED (المشاركة 76121)

حضرتك ممكن تنتظر رأى الاستاذ خالد
وهو معاه العربيه ال1300 ووالده معاه ال1600
يعنى يقدر يحكملك على الاتنين واكيد اللى بيمتلك عربيتين من نفس الموديل اكيد هيواجه اى مشكله وهيبقى اوضح فى كلامه
وانا هحاول اخليه يجاوب حضرتك فى اقرب فرصه

المشاركة الأصلية كتبت بواسطة mada pro (المشاركة 76030)

1- الافضل انك تجيبها بكماليتها الاصلي ( اصلها هتفرق اوي ما كله صيني )ptmnlo123per172
2- العربيه لسه جديده و محدش يقدر يحكم عليها ( لسلها 25 سنه ولا حاجه عشان تنتشر )ptmnlo123per111
3- معرفش حد جايبها والله ( انا مبعرفش ناس بتركب صيني هههههه )
4- في نفس الفئه السعريه لانوس ب 70 الف كامله عاده ......... فيرنا 1600 ب 68 الف عاده برضه ......... فيات بونتو 1200 سي سي ( مش 1300 ) ب72 الف كامله عاده (في حاجات تانيه كتير بس ده اللي جاي في دماغي دلوقتي )
5- تكنولوجيا يعني اشراف من شركه ميتسوبيشي خلال تصنيع المحرك بس الخامات صيني اما كلمه محرك ميتسوبيشي من غير كلمه تكنولوجيا يعني شارين المحرك من ميتسوبيشي و حطينه في العربيه ( يعني تكنولوجيا و خامات ياباني ) و العربيه دي تكنولوجيا ميتسوبيشي و بس ( خامات وتصنيع صيني )ptmnlo123per1106
6- الشاسيه مفيهوش خربشه او خبطه و التابلوه يكون سليم و فرش الشنطه تمام و تجرب كل حاجه فيها ( المحرك والتكييف و الازاز الكهربا و كل حاجه ) و طبعا المساحات الخ الخ الخ وتاخد معاك حد بيفهم في العربيات (هااااااااام جدا )
7- لو هتشتري يبقي تشتري من التوكيل احسن و موضوع التقسيط اسال عليه هناك بس طبعا لو قسط معاهم يبقي ميه ميه:HAPPY_~211: ( الفايده 4 % بس )
انا معرفش حاجه تانيه ومن الواضح في ردودي اني منصحكش تجيب حتي موبايل صيني
و لا تنسي صلاه الاستخاره

المشاركة الأصلية كتبت بواسطة waelbaha (المشاركة 75585)

الاخوة اعضاء المنتدى الكرام
ارجو ان تستفتوني في هذا الموضوع لاني عاوز اشتري العربية دي بصراحه لانها عاجباني بس لسه محتار شوية وعندي شوية استفسارات وياريت اللي عنده خبرة في العربيات واللي اشترى العربية دي يفيدني بخبرته

1- هل اشتري الموديل اللي نازل جميع الكماليات 1600 سي سي ابو 90000 جنيه ولا اشتري اللي من غير كماليات واركبها انا بعد كده؟
بالنسبة للموديل داه هوا الfrv1600 اتوماتيك ستب ترونك(يعنى بتحرق زى المانيوال) ب90000جنية وهاف اوبشن (تكييف تاتش-2-زجاج كهربائى)
2- هل العربية ظهر فيها عيوب كبيرة تخللي الواحد يغير رايه عنها ولا مشاكلها عادية ويمكن علاجها في التوكيل؟
بالنسبالى الحمد لله كل المشاكل الى ظهرت هيا اصوات تزييق فى باب الشنطة وبتتحل فى التوكيل
3- اذا كان فيها عيوب ظهرت مع الجماعه اللي اشتروها بالفعل ممكن يتكرموا ويقولولنا عليها وعن طريقة معالجتها وعن العيوب اللي مالهاش علاج لحد الوقت حتى في التوكيل
مافيش مشكلة ومالهاش حل والحمد لله التوكيل بيحل كل حاجة
4- ايه هي العربية الموجوده في السوق وتعتبر في نفس مستوى او احسن من البريليانس frv
انا لغاية انهاردة مش شايف احسن منها وانا شايف انها الافضل
5- عاوزين راي ناس متخصصه يعني واحد مهندس سيارات يقولنا هل فعلا الموتور ميتسوبيشي ولا تكنولوجيا بس وايه الفرق بين الكلمتين؟ وبرده العفشه والكهرباء وكده يعني - باختصار يقولنا مكونات العربية محترمه وتستاهل ولا مجرد كلام دعايه؟
الموتور بتاع الميتسوبيشى لانسر 2008 البومة ولكن متصنع فى الصين
بالنسبة للعفشة فهيا مناقصة اخدتها شركة اسبيرانزا من شركة بورش العالمية وقطع غيارها موجودة ومميزاتها الثبات الممتاز فى المنحدرات والملفات الضيقة وزاوية ميل العجل عامل زى المرسيدس بالظبط والفوانيس بتتعمل تحت اشراف شركة هيليون الى بتعمل عدسات الbmw يعنى من الاخر مجمعين افضل الحاجات فى العربيات المحترمة وكمان وزن العربية 1330كجم
6- ياريت برده اي حد متخصص في كيفية فحص اي عربية قبل الشراء يقولنا لما الواحد يروح المعرض علشان يشتري اي عربية ايه الحاجات اللي يدقق في فحصها وتجربتها علشان مايلبسش في الحيط بسبب عدم خبرته في الفحص
لو العربية جديدة مش هتفرق اى حاجة
ولو مستعملة روح اكشف عليها فى التوكيل
ودي نقطه مهمه جدا ياريت حد يشرحهالنا بالتفصيل ويبقى جزاه الله خيرا
7- بالنسبة لموضوع التقسيط هل اشتري العربية من البافاريه نفسها ولا من معرض سيارات؟ وهل البافارية بتقسط ؟ وهل عندهم نظام تقسيط بعيد عن البنوك؟
بالنسبة للبفارية هيا الارخص يعنى اشتريت ال1600 من معرض المتحدون العرب ب80000 فى حين انها كانت عند الوكيل ب75000
وعنده تقسيط بعيد عن البنك بس لو انتا دافع اكتر من 75%من ثمن السيارة وداه كلام قديم بس انا معرفش دلوقتى عاملين ايه

واخيرا احب اشكر كل من سيقدم لي النصيحه في هذا الموضوع وجزاكم الله خيرا