|
مشكلة بعد تغيير الجوان وطرمبه المياه فيات 128
السلام عليكم من حوالى ثلاث شهور تقريبا غيرت جوان وش السلندر وخرطت الوش لان كانت المياه بتنزل جامد من الشكمان وبعد التغيير مازالت تنقص اتصلت بالميكانيكى قالى شوية الجوان هيقرط مع الوش استنيت حوالى اسبوع نفس الكلام رحت له قام قرط على الوش وقالى كدة تمام بعدها بيوم تقريبا المياه بتنزل على الارض برضو تتبعتها علشان اعرف المياه بتنزل منين لغاية ما وصلت ان طرمبه المياه بينزل منها سرسوب كدة قومت اشتريت طرمبه إيطالى ورحت غيرتها الحمد لله المياه مش بقت بتقل غير مثلا حوالى ربع لتر بعد المشوار اللى قالقنى إنه فية زى مياه بسيطة بتنزل من الشكمان وانا صورته فيديو علشان توضحو لي إية المشكلة وإليكم الرابط https://www.youtube.com/watch?v=TxfR...ature=youtu.be |
رد: مشكلة بعد تغيير الجوان وطرمبه المياه فيات 128
الي عندك دة مش تعريق
المياة دي كدة زيادة ياريت تعرف تعمل كبس لدورة التبريد او تعمل مشوار حلو وتركن في حتة هادية وتستني شوية وتفتح الغطاء الريداتير بالراحة شوف في هوا خارج ولا لا وتابع منسوب الزيت وشوف لونة قريب يبءي طحينة ولا لا بس انا اعتقد انة تسريب تاني من الوش لان ربع لتر في مشوار كتير وخلي بالك اوعي تستهتر بية حيبوظ المكنة من جوا |
رد: مشكلة بعد تغيير الجوان وطرمبه المياه فيات 128
للاسف كمية المياه الخارجة من الشكمان كتيرة فعلا
الجو اليومين دول حر فدماغى مش رايحة انة يكون بخار ماء كدة اعتقد فى قطع فى جوان وش السلندر |
رد: مشكلة بعد تغيير الجوان وطرمبه المياه فيات 128
اقتباس:
اقتباس:
إنا لله وإنا إلية راجعون انا الجوان مكلفنى حوالى 350 جنية ولسة مغير كبالن وطرمبه وشويه حاجات بحوالى 650 جنية بجد مش عارف اقول إية حسبى الله ونعم الوكيل فى كل صنايعى لا يتقى الله فى عمله لان فك الماتور ليس بالسهل وليس بالبسيط |
رد: مشكلة بعد تغيير الجوان وطرمبه المياه فيات 128
اخى الكريم مؤمن
كل المشاكل اللى عندك دى هى مشاكل منطقية بحكم عمر العربية ونوعها صدقنى كل اللى معاه عربية قديمة دنيته ماشية زيك كدة بالظبط حتى العربيات الجديدة لما بيتعمل فيها شغل بتفضل تعطل بنفس العيب المشكلة مش فى الصنايعى اللى عملك الوش صدقنى المشكلة اكبر بكتير عارف حتى لو قلنا نجيب وش استيراد برضة مش حل سليم كل الحلول لاصلاح اى نوع عربيات ما هى الا مسكنات عمرى ما بشوف مشكلة بتتحل بنسبة 100 % وانما كلها نسب بتختلف على حسب كتيير من المتغيرات اللى ابرزها موديل ونوع السيارة انت ربنا يكرمك ويوسع عليك وتجيب اى عربية موديل حديث شوية انما عشان ما تزعلش لازم تعرف ان عربيتك هاتفضل كدة طول مهى معاك |
رد: مشكلة بعد تغيير الجوان وطرمبه المياه فيات 128
اقتباس:
هى أرزاق ساعات العربية مش بتبقى عاوزة تكمل مع صاحبها فبتعمل معاه اى حركة بحيث يفضل يدفع كل اللى فى جيبه وساعات ربنا يعافينا بتخلص على صاحبها ربنا يعطيك خيرها ويكفيك شرها عموما انا ماشوفتش الفديو معلش لأن معنديش نت بس الجوان اكيد هو السبب لو مكانش وش السلندر نفسه مشروخ وعلى فكرة مصنعية تغيير الجوان 100 جنيه مش اكتر انا مشعارف فين الأسعار السياحى 350 جنيه ؟؟ يمكن أروح افتح محل عندكوا وفى ظرف سنة :fun_36_1_51[1]: حسبى الله ونعم الوكيل فى الظالم والمفترى وابن الحرام والنصاب تقبلوا مرورى |
رد: مشكلة بعد تغيير الجوان وطرمبه المياه فيات 128
اقتباس:
بمعني كلمه صنيعي يعتي يكون خبره واشتغل في المواضيع كتير مش واحد مبتادئ انا عشان اعمل عمره لعربيتي اعت شهر ادور علي صنيعي مش اي حد اخليه يحط ايده في العربيه خصوصا في الحجات الجامده التقيله والحجات الصغيره انا الي بعملها |
| الساعة الآن 09:01 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017