|
ابيع السيفيك و اجيب ايه؟؟؟
السلام عليكم يا شباب
معايا هوندا سيفيك 2008، بس مطلعه عيني في المطبات و قطع الغيار ناوي ان شاء الله ابيعها و اجيب تيريوس ايه راي الشباب في الموضوع ده مع العلم اني ممكن ازود 30000 على تمن العربيه بعد مابيعها يا ريت الرجاله يفيدوني شكراً مقدماً :) |
رد: ابيع السيفيك و اجيب ايه؟؟؟
جيب تويوتا افنيسيس عجيبة وجلوة وتويوتا بالاخر...
|
رد: ابيع السيفيك و اجيب ايه؟؟؟
هوا أصلا تمن السيفيك بتاعتك كام ياباشا عشان نعرف نرشح.........بس بصراحة و ممكن يكون تحيز ضد التيريوس ......معلش مافيش حد ينزل من سيفيك يركب تيريوس حرام عليك يا راجل أنت هاتحس أنك بدل ما كنت بتاكل تفاح قلبت على طعم الفول السودانى .....مع الإعتذار للفول طبعا .....وده رأى شخصى و ممكن يكون الأخوة الأفاضل ليهم رأى تانى
|
رد: ابيع السيفيك و اجيب ايه؟؟؟
مالها الجيتا أو الأوكتافيا .... فكر فيهم كده
لو بتحب أداء فكر في جيتا ولو بتحب عربيه عاليه بزياده عن الأرض يبقى أوكتافيا وبلاش تيريوس نهائيا ...... حتحس بغلطة عمرك إنك فرط في العزيز (مع إن إرتفاعه فعلا يضايق) لكن مع كل ده حتحس إنك نزلت نزله كبيره ومش حترتاح فيها نهائي كلام إتش مظبوط ميه في الميه |
رد: ابيع السيفيك و اجيب ايه؟؟؟
الف شكر يا رجاله على الكلام المعقول ده
بس نقول انا هيكون معايا حوالي 170 او 180 الف تفتكرو ممكن اجيب ايه تكون عاليه و قطع غيارها معقوله عشان السيفيك بتستعبط اوي في قطع الغيار ناااااااااااااار و مش موجودة كمان (اخوكم اصله كييف حوادث) :) |
رد: ابيع السيفيك و اجيب ايه؟؟؟
و تكون كمان عفشه قوية عشان انا وزني تقيل شويتين ..... او تلت اربع شويات :)
|
رد: ابيع السيفيك و اجيب ايه؟؟؟
اوكتافيا
اعلا من الجيتا و اوسع وشنطتها اكبر عفشتها انشف من الجيتا لكن أبطاء منها لأنها اتقل وطبعا الشكل اذواق .. لكن الجيتا شكل و برستيج و سبورتي اكتر من الاوكتافيا و الاتنين فولكس جروب ... لكن الجيتا الوريث الشرعي لعلامه VW علشان كده الجيتا شكلها بنت ناس .. و الاوكتافيا شكلها بنت الداده :) |
| الساعة الآن 11:05 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017