|
مقارنة بين فيات بونتو ورينو لوجان
عاوزة اشترى عربية فى حدود الستينات
وتوصلت الى الفيات بونتو لانها ايطالى بس خايفة من التوكيل والصيانة سمعت انهم مش اوى ومفيش قطع غيار متوفرة بره التوكيل ثانيا اللوجان سمعت انها كويسة بس سمعت انها 8 صباب مش 16 مش عارفة ده عيب ولا ايه انا مش بفهم فى العربيات اوىوسمعت برضه ان تقفيلها مش اوى ايه رأيكم وهل يوجد عربية موديل تانى احسن |
رد: مقارنة بين فيات بونتو ورينو لوجان
الأخت العزيزة رحاب أولا المقارنة غريبة جدا ....سيارة هاتشباك و أخرى سيدان .....سيارة إيطالية الصنع و الأخرى تقفيل و مكونات تركية......لازم تحددى الأول فئة السيارة التى تناسبك ...يعنى أنت عايزاها شبابية ولا رياضية و لا عائلية ....على الاساس دة يتم تحديد نوعية السيارة من سيدان لهاتشباك لستاشن....ألخ
أما بالنسبة لقطع غيلر البونتو موجودة ولا لأ ....لا موجودة و بكثرة و جوا وبرا التوكيل و إستيراد و جديد أنا كان عندى برافا و زوجتى ما زالت تقتنى الفيات البونتو....و أنا بعمل صيانتى عند ميكانيكى كان شغال جوا أوماترا و سبها ....وبيعمل كل حاجة صح الصح للى محتاج يعرف الراجل ده و للأمانه هوا والله العظيم أحسن من التوكيل نفسه أما عن ال 8 صباب لها عيب و ميزة - أولا موفرة فى البنزين و عيبها أنها مش هاتكون سيارة سحب و جرى إلا إذا كان حجم الصباب نفسه هوا اللى كبير كما الحال فى السيات الليون 8 صباب بس كل صباب حجمه أد ال الصباب فى السيارات ال 16 صباب مرتين على الأقل و لو حضرتك قولتى ميزانيتك كام ممكن نرشحلك عربيات تانية كتير....و الأخوة هنا ماشاء الله كل واحد موسوعة متحركة هايفيدوكى أكيد |
رد: مقارنة بين فيات بونتو ورينو لوجان
انا بردة محتااااااااار ما بين الأثنين البونتو و ال لوجان
من حيث المتانة و استهلاك البنزين و قطع الغيار و سعر اعادة البيع - و هل البونتو ايطالى 100% ولا اية بالظبط ؟ |
رد: مقارنة بين فيات بونتو ورينو لوجان
اقتباس:
اللوجان مش تقفيل ومكونات تركى اللوجان مكونات فرنسيه وتقفيل اما رومانى(مصنع داتشيا التابع لشركه رينو) او مغربى مصنع سوماكا (مصنع رينو فى المغرب) الفرق فى الكماليات مش فى الاساسيات (موتور وشاسيه واحد فرنسى الصنع مش تركى) ومفيش اساسا لوجان تركى وبالنسبه للمقارنه المقارنه غريبه شويه لانها بين عربيه سيدان 1600 90 حصان وبين عربيه هاتش باك 1200 65 حصان يعنى واضح ان العربيه دى غير دى وكل حاجه وليها استخدام حضرتك حددى استخدامك بتسافرى كتير محتاجه شنطه واسعه وهكذا محتاجه ايه من العربيه عشان نقدر نفيدك |
رد: مقارنة بين فيات بونتو ورينو لوجان
انا بردة محتااااااااار ما بين الأثنين البونتو و ال لوجان
من حيث المتانة و استهلاك البنزين و قطع الغيار و سعر اعادة البيع - و هل البونتو ايطالى 100% ولا اية بالظبط ؟ - و هل البونتو فول اوبشنز و لا اية ؟ |
رد: مقارنة بين فيات بونتو ورينو لوجان
اقتباس:
حضرتك محددتش ايه اللى يفرق معاك اكتر عشان نقدر ننصح حضرتك يعنى مينفعش انى اقول لحضرتك البونتو تمام وانت عندك اسره صغيره وبتسافر كتير مقلا هتبقى محتاج شنطه واسعه وموتور كبير عشان يستحمل السفر كتير او انك شاب ومش محتاج شنطه مثلا وممكن لو كانت موجوده تلغيها هى والكنبه وتحط مكانهم سماعات وجى امات والكلام ده وتستفيد بأن البونتو حجمها صغير وسحبها كويس على حجمها وموفره فى البنزين حضرتك حدد احتياجاتك وقولنا وبأذن الله نقدر ننصحك |
رد: مقارنة بين فيات بونتو ورينو لوجان
انا اسف معلش و شكرا على الأهتمام
انا مش محتاج الشنطة تكون كبيرة اوى انا اهم حاجة عندى المتانة و التقفيل و استهلاك الوقود و سعر اعادة البيع و الكماليات - و مش هتفرق معايا السعة و الحجم فى الأتنين لان السعة و الحجم لهما مناسبين معايا - و مش هتفرق الهاتشباك - و هل البونتو ايطالى 100% ولا اية بالظبط ؟ - و هل البونتو فول اوبشنز و لا اية ؟ |
| الساعة الآن 01:43 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017