|
زهقت من كتر الاراء .. ونبي حد يساعدني
دلوقتي انا زهقت من كلام الناس الكتير وبقيت متردد ومش عارف حاجة في اى حاجة انا معايا 30 الف جنيه .. هكمل عليهم 20 الف قرض يتسدد علي سنه ويبقي انا كدا معايا 50 الف جنيه تقريبا المشكلة كل ما افكر في عربية في الرينج دا ادور عليها هنا فى المنتدي الاقي ليها عيوب بالهبل ومن قراءة اراء الناس بكره العربية واللي عملها اساسا!! دلوقتي انا عاوز عربية اوتوماتيك ومحتار بين نوعين - لانسر كرستالة بس مش عارف المبلغ اللي معايا هيجيب عربية حالتها حلوة ولا لأ عشان كدا فكرت في اللانسر الميراج ( البطة ) - دايو نوبيرا ودي خوفوني من الفتيس الاوتوماتيك بتاعها جدا في عربيات تانية بقي مدورتش وراها بصراحة زي هيونداي الاكسنت وهوندا سيفيك انا دلوقتي عاوز حد بيفهم ينصحني نصيحة لوجه الله اعمل ايه بالظبط وياريت اللي يرد يكون عن تجربة مش مجرد انه بيسمع كلام من الناس وخلاص ملحوظة : انا شاب جامعي خبرتي في العربيات ضعيفة جدا .. محتاج العربية اروح بيها الجامعة ومشاوير يومية والعربية استخدامها مش هيكون عائلي اوي يعني ومتشكر جدا مقدما لكل الناس المحترمة اللي هتهتم وترد انصحونــييييييييييييييييي ييييييييييييييي |
رد: زهقت من كتر الاراء .. ونبي حد يساعدني
شوف يا باشا نصيحتى ليك كالتالى:
الانسر الكرستاله محترمه جدا و كل حاجة و لكن لا انصحط بها لانك بتقول انك لسه فى الجامعة و كده قطع غيارها هتبقى غاليه عليك لو لقيت لانوس اوتوماتيك يبقي 100% بس لازم تكون بحالة ممتازة وان كنت انا بفضلها مانيوال وعلى فكرة ال 50 الف ميجبوش كرستاله اتوماتيك و فابريقة بره وجوه :CHICKA~11: |
رد: زهقت من كتر الاراء .. ونبي حد يساعدني
اقتباس:
هيا قطع غيار الكريستالة غالية ولا ايه ؟؟؟ انا اسمع انها رخيصة ومتوفرة يعني .. واسمع كمان ان عفشتها محترمة يعني مش هتقرفني وكدا ولا ايه ؟؟ انا بس قلقان منها لانها واطية شوية ؟؟ وايه رايك يا باشا انا قدامي كريستالة 1300 فبريقا دواخل في معرض جمبي مطلوب فيها 55 الف ؟؟ |
رد: زهقت من كتر الاراء .. ونبي حد يساعدني
النوبيرا عربية محترمة وقطع غيارها رخيصة جدا
والاتوماتك فيها ما بيخوفش كانت مع واحد صحبي واعدت اربع سنين وبعدين الفتيس باظ وجبلها فتيس بالتركيب ١٠٠٠جنية |
رد: زهقت من كتر الاراء .. ونبي حد يساعدني
اقتباس:
طب النوبيرا انا سامع برده ان عفشتها فيها حاجة في المقصات بتبوظ كل شوية .. ايه النظام؟؟؟ بس لو زي ما حضرتك بتقول هغير فتيس بعد 4 سنين ب 1000 جنيه .. انا مش شايفها مشكلة اوي وايه رايك كريستالة 1300 افضل ولا نوبيرا .. عشان انا قدامي كريستالة ب 55 الف ؟؟ وشكرا يا باشا علي ردك واهتمامك |
رد: زهقت من كتر الاراء .. ونبي حد يساعدني
اقتباس:
بيركب عليها نوع جلب تانى زى الفيرنا وبتبقى كويسة راى فى الكريستالة عربية ممتازة لكن الحالات المعروضة منها معظمها مش كويس .... كمان اللى حضرتك بتقول عليها 1300 ما بفضلهاش بالنسبة لفتيس النوبيرا المدة كانت اكتر من 4 سنين لانة اشترى العربية مستعملة والـ 1000 جنية تمن الفتيس ساعات بيجيب مثلا جوز مساعدين فى عربية يابانى النوبيرا فيها عيب تانى هو حساس الشكمان تملة بيبوظ برضة لكن تمنة كام انا اشتريتة بالفرن بـ 100 جنية ولما فكيت الفرن القديم وديتة للتاجر عشان لما بيتفك ممكن يتكسر وانت بتفكة عربية ممتازة وحاجتها رخيصة جدا ثباتها على السرعات العالية معقول جدا صالونها واسع ومريح استخير ربنا |
رد: زهقت من كتر الاراء .. ونبي حد يساعدني
اقتباس:
|
| الساعة الآن 08:54 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017