|
نقص مياه الردياتير 128 بالله ضرورى
2 مرفق
السلام عليكم منذ حوالى اكثر من ثلاث شهور غيرت جوان وش السلندر وخرط الوش وغيرت كوعة المياه علشان المياه كانت بتخرج من الشكمان لكن بعد الذهاب من عند الميكانيكى وجدت ان المياه مازالت تنقص اتصلت قال شوية الوش هيقرط انتظرت حوالى شهرين ولم يحدث شىء ذهبت له من اسبوعين قرط على مسامير وش السلندر وقالى كدة تمام لكن للاسف مازالت المياه تنقص بصورة كبيرة جدا ممكن كل مشوار ازود بعدها لتر او اكثر وبمجرد النظر لا اجد مكان للتسريب الملاحظ 1- عند بدء تشغيل السيارة فى غالبية الاوقات تنزل مياه ليست بالقليلة اسفل السياره من عند المكان المشار اليه فى المرفقات 2- عند تزويد المياه اثناء نقص المياه اجد انه يوجد كالصداء كما بالمرفقات 3- بسبب هذا الامر السياره تسخن بشده بالله عليكم تدلونى اعمل اية علشان انا تعبت نفسيا دة غير المصاريف |
رد: نقص مياه الردياتير 128 بالله ضرورى
السلام عليكم دي صورة الريداتير ولا ايه ممكن يكون عايز يتلحم او يتربط على القفيز شويه والله المستعان |
رد: نقص مياه الردياتير 128 بالله ضرورى
جزاك الله خيرا على الرد
إية الاحتمالات اللى ممكن تكون هى السبب |
رد: نقص مياه الردياتير 128 بالله ضرورى
فعلا انت كنت حقول الرادياتير
من الواضح ان شغل الميكانيكى فى الوش كان سليم لان من وصفك معدتش بتجيب ميه من الشاكمان |
رد: نقص مياه الردياتير 128 بالله ضرورى
الاحتمال ان الرادياتير كان ضعيف و لما الدورة اتصلحت و الضغط اتظبط الرادياتير مستحملش
اكشف عليه كويس |
رد: نقص مياه الردياتير 128 بالله ضرورى
وانت بتدور على السبب ركز مع طلمبة المياة وخلى الميكانيكى يتاكد من عدم تسريبها للمياة
|
رد: نقص مياه الردياتير 128 بالله ضرورى
طيب متنضف الريداتير و دورة المياة و تتأكد من كل الوصلات و تجرب
بص يا أخى إملأ الريداتير خل (خل بتاع الأكل من أى سرجه أو حتى محل بقاله عادى) خد مشوار عادى خالص , الطبيعى بتاعك يعنى وآخر اليوم تكون مجهز أفايز (كوليهات) جديده بنفس المقاسات اللى فى الخراطيم المتصلة بالريداتير - خلى المكنه تهدى شويه , بلاش تشتغل و هيا سخنه - فك الخرطوم الى داخل من المكنه على الريداتير من فوق (إللى تحت خرطوم القربه فى الصورة) - سم الله و دور العربية, و خلى المكنه دايرة - تشغل خرطوم مياة من أى حنفيه و تفتح غطا الريداتير و تحطه جواه (بس متفتحش المياة عالآخر خليها وسط) - الطبيعى دلوقتى إن الخل شال الصدا و الأملاح و الزيوت و الشحومات و التراب كمان و كل ده بيخرج من الريداتير و مجارى المياه جوه البلوك للخرطوم إللى إنت فكيته, هتلاقى المياه خارجه كلها صدأ سيب الكلام ده شغال لحد متلاقى المياة خارجه نضيفه بيضاء. - بطل المكنه و إقفل خرطوم المياه - فك كل الوصلات و الأفيزات إللى على الخراطيم بين الريداتير و المكنه و حط شعرة أمينت (كتان بتاع السباكه) أو لفتين تافلون على الزور و ركب الخرطوم تانى بالكوليه الجديد (لو القديم متأكد إنه مش مفوت يبقى شغال مفيش مشاكل) - طبعاً كده المكنه تقريباً مفيهاش مياة خالص (بعد فك الخراطيم) يفضل تملاها مياة مقطرة (من عند محلات البطاريات) أو من أى تكييف ملحوظة: أحياناً بيكون فيه طبه فى الريداتير من تحت فى المكان إللى وصفته بينزل مياه, إتأكد منها راكبه و مقفوله كويس و مش متآكله. أعانك الله |
| الساعة الآن 07:11 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017