الحمد لله اشتريت كيا برايد وعندي شوية اسئلة
الحمد والتوفيق لله اشتريت كيا برايد كوري موديل 98 1300 سي سي هي مانيول وفيها تكيف نازل من بلادها وعلى فكرة هي سيدان مش عصفورة
كنت متحتاج الكتالوج بتاعها لو عند اي حد منكم لو سمحتوا كمان مش لاقي اي جروب ليها على الفيس والرابطة اللي هنا الناس مش موجوده علطول ودي اسعار قطع الغيار اللي جبتها من عند حلمي سليمان طقم اربع مساعدين كوري 800 كبالن تايواني 250 سلك سرعة 50 طرمبة مايه 150 كوري سير كاتينة 60 فلتر بنزين 20 طقم بوجيهات 40 سير الدينامو الكوري ب 20 وكنت عاوز اعرف الدركسيون بتاعها باور ولا لأ افضل انواع الزيوت اللي بتستعملوها المناسبة لاداء العربية ؟؟ |
رد: الحمد لله اشتريت كيا برايد وعندي شوية اسئلة
الف مبروك ربنا يهبك خيرها ويكفيك شرها وبالنسبة للبرايد احنا يمكن اكتر موقع على الانترنت فيه موضوعات عنها ، فاسئل انت بس ومتشيلش هم :)
الاسعار ديه كويسة وبالنسبة للزيت انا كنت بفضل الشيل الجركن الاصفر |
رد: الحمد لله اشتريت كيا برايد وعندي شوية اسئلة
الف مبروك ربنا يعطيك خيرها و يكفيك شرها
|
رد: الحمد لله اشتريت كيا برايد وعندي شوية اسئلة
اقتباس:
اقتباس:
انا كنت عاوز اعرف اذا كان الدركسيون باور سترينج ولا لأ كمان كنت عاوز اعرف ايه افضل مقاس للكوتش بتاعها لو من غير جنوط ولو هاحط جنوط يبقى المقاس كام |
رد: الحمد لله اشتريت كيا برايد وعندي شوية اسئلة
هو الدركسيون بيلف بسهولة و انت واقف ؟
هل فيه علبة زيت فى الماتور الغطا مكتوب عليه power steering ؟ |
رد: الحمد لله اشتريت كيا برايد وعندي شوية اسئلة
لا هي كده تبقى مش باور سترينج
طيب لو سمحتوا عايز اعرف احسن مقاس للكاوتش بتاعها من غير جنوط ؟ ولو هاركب جنوط يبقى احسن مقاس للكاوتش والجنوط كام |
رد: الحمد لله اشتريت كيا برايد وعندي شوية اسئلة
هو الموديل ده غالباً كان بينزل مصر من غير باور الا حاجات نادرة جداً كانت بتيجى خليجى او معاقين وزى ما قالك الباشمهندسين ابسط حاجة تجرب الدريكسيون والعربيه دايرة بس واقفة مكانها لو بيتحرك بنعومة يبقى باور لو تقيل وبيخف بس لما تمشى تبقى عادة بس عموماً البرايد دريكسيونها مش تقيل وسهل
وبالنسبة للكاوتش المقاس الاصلى 165/65/r13 وانا جربت معاها مقاس 14 بس كان بيحك فاحسن تخليك على مقاس الفابريكا |
الساعة الآن 05:14 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017