مش لاقي قطع غيار لنيسان صني2009
 

شركة كبيرة زي نيسان ومش لاقي قطع غيار..........
حصلت مشكلة في abs رحت لتوكيل نيسان في شبين الكوم قالولي ان السنسور بتاع الفرامل سايح و لازم يتغير قلتلهم غيروة قالوا سيب العربية هنجيب السنسور بكرة وحجزوا العربية عندهم عشان مفيش القطعة اللازمة عندهم.
جيت تاني يوم قالولي مالقيناش طلبك في فرع القاهرة شوفهالنا انت في المصنع الموجود في 6 اكتوبر اتصلت بالمصنع قالولي اننا لسة ماجبناش حاجة زي كدة .
مع العلم ان العربية نيسان صني 2009 abs لسة شريها في ابريل الماضي .
والعربية دلوقتي ماشية من غير abs.

رد: مش لاقي قطع غيار لنيسان صني2009
 

ازاي الكلام دا؟؟
العربيه تجميع مصري و اكيد قطع غيارها موجوده علي الاقل علشان يستعملوها في عمليه التجميع
من رأيي خد العربيه و روح الفرع الرئيسي و اطلب انك تدخل لمدير الصيانه
و لو معملش حاجه زعق و اعمل فضيحه هناك و قولهم حروح لجهاز حمايه المستهلك
و انا حسيب العربيه مش عاوزها و انا ما اركبش عربيه زيرو و بعدين تبوظ في 4 شهور
انا حبعت لنيسان في اليابان حشتكيهم
بص اطلع فيهم بمعني الكلمه ما تسكتش
و هما حيخافوا ويصلحوا المشكله

رد: مش لاقي قطع غيار لنيسان صني2009
 

ده صحيح لان الموظفين ساعات كتير بتسوح ومبتاخودش المشاكل ديه المسؤلية الازمة

كلم الاول النمر اللى فى الموضوع ده سواء فى ابوغالى او موزعين نيسان زى مودرن موتورز

قطع غيار نيسان الاصلية (ابو غالي)

(توكيل نيسان) تليفونات وعنواين ومراكز الخدمة وقطع الغيار

واذا فعلا ملقيتهاش موجودة يبقى عليك وعلى المصنع لازم تكلمهم بنفسك وتاخد منهم ميعاد لتوفيرها وتفهمهم انك هتبلغ الشركة الام والجهات القانونية وتشوط فيهم زى ماقال حازم
بس اساس المشكلة مع المصنع

رد: مش لاقي قطع غيار لنيسان صني2009
 

رد: مش لاقي قطع غيار لنيسان صني2009
 

طيب مجرد سؤال ! ازاى الواحد يعرف ان اللايه بى اس اتصلح فعلا !

وامتى يعرف انه باظ ؟ وازاى تعرف ان أى عربيه بها الآوبشن ده من غير سؤال أو كاتالوج ؟؟



Dr. Bolbolan :HAPPY_~211:

رد: مش لاقي قطع غيار لنيسان صني2009
 

طيب مجرد سؤال ! ازاى الواحد يعرف ان اللايه بى اس اتصلح فعلا !






بيبقي لل ABS لمبه بنتور اول ما بتفتح الكونتاكت بتعرفك ان العربيه فيها ABS
و بعدين لو اللمبه دي نورت و انت ماشي يبقي ال ABS فيه مشكله و مش بيشتغل.
غير كده و كده لو عاوز تشوف ماعليه ال ABS في العربيه
تشوف شارع يكون فاضي و يكون مرمل شويه بسيطه او فيه تراب
و تحاول و انت ماشي علي 40 مثلا تدوس فرامل جامد
حتحس بصوت الABS كأنه حديد بيخبط في حديد كده و تلاقي العربيه بتترج رجه بسيطه
و العربيه مش حتزحف في الرمل طالما ال ABS اشتغل