لو سمحتوا استفسار بخصوص كابلات السيارات
عايز اعرف اسماء الكابلات اللى بتتوصل باللاب لكشف الاعطال وتكون شغالة على الانواع اللى فى واجهة الموفع
وايه الجهاز او الوسيط اللى بيركب بين الوصلة والسيارة لان الملاحظ ان مدخل الكنترول بيختلف من سيارة لاخرى وهل كل وصلة ليها برنامج ........ ولكم جزيل الشكر |
رد: لو سمحتوا استفسار بخصوص كابلات السيارات
الوصله شغلتها انها وصله فقط وليها مواصفة من عدد الوصلات (السلوك) وشكلها مش مهم صناعة ايه المهم البرنامج
وفيه كابلات بتشتغل على اكتر من نوع بس مفيش كابل يشتغل على كل نوع وغير الكابلات فيه محولات او وصلات تخلى الاتصال بلوتوث وتوصلها بالكمبيوتر او الموبايل الخلاصة تجيب الكابل بالمواصفه الخاصة بعربيتك والبرامج كتير بعد كدة |
رد: لو سمحتوا استفسار بخصوص كابلات السيارات
يعنى انا عايز اكشف اعطال الهيونداى والاسكودا والمرسيدس والهوندا والكيا والمتسوبيشى هل المطلوب كابل العربيات دى فقط او يلزم جهاز بالاضافة للكابل واشتريهم منين انا مبتدأ على فكرة
|
رد: لو سمحتوا استفسار بخصوص كابلات السيارات
بص
انا اشتريت وصلة بـ 600 جنية ونزلت قوووووووووول مثلا 20 برنامج الوصلة اشتغلت على الاوبل حلو اوى على الصينى حلو اوى انما الدايو ما شفتهوش اصلا وخلى بالك كل العربيات اللى جربت عليها موديلات حديثة عشان الفرق بين الـ OBD & OBD2 خلاصة التجربة هى الفشل كل البرامج ضعيفة جداااااااااا ويجبلك بس اشتباه فين العطل مرة فصلت فيشة حساس الكرنك بتاع عربية سبرانزا وشغلت الوصلة وقلت اشوف هايدينى عيب اية طلعلى عيب ان بتاع الشاى اللى فاتح على ناصية الشارع مش موجود من الاخر موضوع فاشل عشان تشتغل فى الموضوع دة تجيب جهاز بجد وتمنة مش اقل من 20 الف |
رد: لو سمحتوا استفسار بخصوص كابلات السيارات
يوجد لدينا جميع ما تريده والكثير من المنتجات المناسبة لك 01008889088
|
رد: لو سمحتوا استفسار بخصوص كابلات السيارات
منا اشتريت منك يا عم pop
|
رد: لو سمحتوا استفسار بخصوص كابلات السيارات
مستر استرا فعلا كلامك صح جدا
بس دا ميمنعش ان فيه اجهزة قيمة جدا وباقل من السعر دا بكتير وفيه مراكز كتير في مصر بتاكل عيش بيها وطبعا متحاولش تشتري من مصر - طبعا لان السعر مغالي فيه جدا وكمان الدعم الفني = صفر وانا كمان ليا تعليق فني علي موضوع حساس الاكسجين عشان اي جهاز يقرأ الحساس لازم تكون الدائرة مغلقة والموتور واصل لدرجة الحرارة العادية عشان يبدأ يشيك علي الحساس وكمان حساس الاكسجين بيظهر بعد مرتين (ادارتين) متتاليتين من ظهور العيب. |
الساعة الآن 05:51 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017