|
في حدود 43000 جنيه
السلام عليكم ورحمة الله وبركاته :أهل الخبرة
انا كان عندي فيات 127 والحمد لله اتباعت وراااااااااااحت.... اهي رااااااااحت...:waving: دلوقتي انا معايا في حدود 43 الف جنيه احنا بنتكون من اسرة 5 افراد وعندنا شقة في مطروح,يعني هحتاج عربية اسرية بتسافر وتكون موتور قوي وعفشة تستحمل الوزن هل ده ممكن في حدود المبلغ ده؟ptmnlo123per144 هو اللي عرفته ان المبلغ ده يجيب دايو لانوس, او فيات سيينا, او هيونداي اكسل لكن في ظل الظروف المطروحة سابقا انهي الانسب؟ وجزاكم الله كل خير مسبقا :260309~146: |
رد: في حدود 43000 جنيه
اهلا و سهلا بيك اخي العزيز
هو المبلغ دا يجيب لانوس فعلا و تكون حالتها نضيف لان اللانوس دلوقتي من 35 الي 50 الف حسب الموديل و الكماليات!!!!! ممكن لو تصبر شويه و تكمل المبلغ ل 45 الف مثلا تشوف لانسر كريستاله حالتها كويسه حتبقي افضل من اللانوس بمراحل |
رد: في حدود 43000 جنيه
اقتباس:
جزاك الله كل خير أخي حازم,فعلا الياباني يكسب ولكن لي استفسار لاني عديم الخبرة في مجال السيارات هيا تكون موديل سنة كام مثلا وبالنسبة لقطع غيارها هل فعلا اسعار قطع غيار العربيات الياباني مولعة نار؟ وهل هي اقتصادية من حيث استهلاك البنزين؟ وايه هيا الكماليات اللي بتكون فيها؟ لك مني خالص التحيات :260309~146: |
رد: في حدود 43000 جنيه
العفو يا اخي الحبيب
اللانسر اللي بتكلم عليها موديل 98 او 97 و قطع غيارها رخيصه جدا و اعطالها شبه معدومه شرط الحاله النضيفه . اقتصاديه في البنزين لاقصي درجه (200 كيلو في الصفيحه داخل البلد و علي الطريق اكتر ) بالنسبه للكماليات اول فئه فيها تكييف و باور و الاعلي فول اوبشن و فيه منها فول اوبشن و فتيس اتوماتيك. السعر يتراوح ما بين 40 ال 50 الف حسب الحاله و الكماليات و الموديل |
رد: في حدود 43000 جنيه
اتفق طبعاً مع حازم فى افضلية الانسر على الانوس والاتنين عامة مناسبين جداً كسيارة اسرة اقتصادية
واضيف للترشيحات الكيا برايد السيدان موديلات بعد 2000 او كسر زيرو موديلات بعد 2006 استهلاك بنزين اقتصادى جداً اكتر من 250 كم داخل المدينة كماليات : تكييف - زجاج كهرباء امامى - مزيل ضباب خلفى - وبعض الموديلات فيها باور وفوج لايتس علماً بان العربية من جوه واسعة وعفشتها اكثر من ممتازة |
رد: في حدود 43000 جنيه
اقتباس:
|
رد: في حدود 43000 جنيه
اقتباس:
جزاك الله كل خير ابو نورا علي المرور يعني بكدة من كلام حضرتك وكلام استاذ حازم وصلنا ان الانسر كرستالة افضل من الانوس وان كمان من المرشح للفلوس اللي معايا الكيا برايد سيدان موديلات مع بعد ال 2000 انا فعلا كنت شوفت عربية كيابرايد اسمها سيفيا تقريبا اعتقد هيا دي اللي قصدك عليها , كنت حاططها في الاعتبار الاول وبعد كدة عدلت عن الفكرة لان لقيت انها مش منتشرة في شوارعنا اوي زي الانوس والفيرنا والحاجات دي فخفت ليكون فيها عيوب او حاجة كدة , بس بما انك رشحتها يبقي ان شاء الله لانسر او كيابرايد حسب الفلوس بقي والمتاح ربنا يبعت |
| الساعة الآن 05:56 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017