|
ارجو الافادة من احبائى
انامعايا عربية فيات 124 لسة شاريها من شهرين موديل 1971 عاوز اعرف خطوة خطوة اية اهم شيى ابداء بية فى العمرة الكاملة من الالف للياء علشان اركب عربية ماتزعلنيش مستقبلا لان العربة دى عزيزة عليا جدا
|
رد: ارجو الافادة من احبائى
اولاً 1000مبروك
ثانياً حاله السيارة العامة حتى تحصل على إفاده كاملة والاهم انك توضح سقف إمكانياتك المادية ويفضل ارفاق صور لحاة السيارة متابع معك |
رد: ارجو الافادة من احبائى
هاتعمل اربع شمايز على طقم بستم جديد وراكب فية طقم شنبر المانى او برازيلى
هاتجلخ الكرنك عند الخراط وتجيب سبيكة مصانع حربية نفس الزيرو بتاع خرط الكرنك هاتودى الوش لخراط اوشاش يغير طقم دلايل وطقم صباب ويعمل فريزة ورودية للوش تغير طلمبة الزيت +ترس طلمبة الزيت تغير طلمبة المياة تغيرالكاتينة وبلف الكاتينة والشدادات وطقم جوانات محترم وتنقى ميكانيكى محترم |
رد: ارجو الافادة من احبائى
اقتباس:
اولا استاذى العظيم حالة السيارة العامة مش ولابد زى مابيقولوا كدا ماشية بالزق مع ان الماكينة استاندر لم تفتح من قبل بتاتا وجايبة زيت ماقولكش نفر وبالنسبة لسقف امكانياتى فى حدود 8000 جنية وممكن يزيدواشوية بسيطة بحدود |
رد: ارجو الافادة من احبائى
اقتباس:
طيب ممكن اعرف منك فين ميكانيكى محترم فى الاسكندرية ويكون عندة ضمير لانى فى السيارات لسة جديد و باقول يا هادى ودى اول عربية اركبها فعاوز اركبها صح علشان ما تزعلنيش مستقبلا :Bravo: |
رد: ارجو الافادة من احبائى
للاسف انا مش من اسكندرية ....انا من القاهرة
الـ 8000 جنية حلوين اوى ويكفو وزيادة اهم حاجة تصرف فى الاولويات ميكانيكا +عفشة +سمكرة وبعدين الات جر وكاوتش لو الشغل دة اتعمل بالمظبوط هاتبقى كويسة اهم حاجة بودى السيارة يكون متين ومفهوش ولا بارومة ولا شروخات وخصوصا الحوض وكرتيرات خلفى الموتور اتفقنا اننا هانعملة عمرة كاملة والفرق بين العمرة الكاملة والنص عمرة لو حسبتها مش كتير بالعكس على المدى البعيد هاتكون ارخص اصل ما ينفعش نعمل ونحكم الموتور من فوق ونسيبة من تحت لازم يكون فى توافق بين اجزاء الموتور عمرة العربية دى مش مكلفة خصوصا فى اسكندرية فك الموتور واعملة اربع شمايز على بساتم جديدة هات طقم شنبر محترم وانا فى راى البرازيلى كويس اوى لو الكرنك فى تعتيب لازم يتجلخ ويجى علية سبايك مصانع حربية ووش السلندر يروح للخراط يتعمل فية اللازم مع نضافة كاملة للوش بالنسبة للعفشة حاجتها رخيصة عندك مش غالية طقم بيض بلغارى او تركى طقم جلب بولندى جوز مساعدين امامى تيش نص مناول علبة دركسيون وطقم كاوتش امامى على الجنوط الحديد بعد مراجعتها اما العفشة الخلفية بسيطة جدا جدا سوستتين ووز مساعدين واربع شدادات وغالبا مفيش حاجة فيهم بتبوظ بس نشيك على بودى السيارة من عند اماكن رباط الشدادات |
رد: ارجو الافادة من احبائى
اخى المحب مستر استرا
اولا اشكرك من عميق قلبى على ردك السريع ليا وارجو ان لا اكون صديق تقيل على المنتدى ومعلش استفسار عن الضفيرة للكهرباء اجيبها اية حيت التابلوة عندى لادا 2015 وهو الحاجة الوحيدة عندى جديدة |
| الساعة الآن 11:39 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017