|
كنت هلبس مخالفة مشي عكس الاتجاه
النهاردة بعد ما غسلت العربية جي خارج من البنزينة و لسة في الحرم بتاع البنزينة مشيت حتة صغيرة جداا عكس عشان ادخل في فتحة كدا في الطريق المهم لقيت امين الشرطة وقفني قالي الرخص
روحت مطلع الرخص شافها قالي اركن عشان هنروح للظابط قولت بس كدا لبست في الحيط المهم قولتلة اركب بس نتفاهم روحت قولتلة بس نحلها كدا مع بعض بدل البهدلة و الحبس و الغرامة قالي خلاص انا هكتب مخالفة على الرخصة لما تيجي تجدد قولتلة كام قالي 1200 ج قولتلة لو فوري قالي 50 ج قولتلة طيب انا عايز فوري قالي تعالى نروح للظابط قولتلة بلاش ظباط تعالى نخلص مع بعض قولتلة دول 30 ج اللي معايا بس قالي صباح الخير و خدهم و نزل اية تعليقكم على الموقف دة انا اتحرق دمي بصراحة هل كدا اتنصب عليا و لا دة كدا اقل الاضرار |
رد: كنت هلبس مخالفة مشي عكس الاتجاه
متبقاش تغسل العربيه في البنزينه دي تاني ...
يا اما امشي عدل ... يحتار الي مش امين فيك هي بانت من ساعه ما ركب جنبك ... عموما هو كله نصب ... بس بدل ما كان حيتنصب عليك ب 50 جنيه لصالح الدوله ... اتنصب عليك ب 30 لصالح ابليس ... مع انه اجازه اليومين دول ... |
رد: كنت هلبس مخالفة مشي عكس الاتجاه
ياباشا كله نصب فى نصب
انا من حوالى 3 سنين كنت معزوم على الفطار فى رمضان عند واحد صاحبى فى الشيخ زايد قلت اخد الدائرى وانزل المنصورية ومنها على ميدان الرماية ثم طريق اسكندرية الصحراوى فالشيخ زايد المهم عديت نزلة المنصورية على الدائرى - اليافطة ماكنتش موجوة وبعديها بحوالى 100 متر لاقيت بلوكامين بسأله قاللى وشوف الحلاوة ارجع بضهرك ال 100 متر دول هاتلاقى نزلة المنصورية - ياعم مافيش نزلة تانية - لا مفيش وبعدين الطريق فاضى وانا هاشاورلك - ربنا يكرمك - ورجعت بضهرى لحد النزلة الاقى امين شرطة تانى واقف بيقولى الرخص ماشى بضهرك على طريق سريع ياعم يهديك يرضيك دا زميلك اللى قالى قالى ولا اعرفه الرخص يا أما تخلينا نفطر فطورة حلوة طب اعمل ايه رشوة قبل المغرب ويضيع اليوم والا ياخد الرخص قلتله خد الرخص وجبتها بالكوسة من غير ولا مليم يبقى انهى ارحم الكوسة والا الرشوة والا النصبة وهى دى مصر ويجعله عامر |
رد: كنت هلبس مخالفة مشي عكس الاتجاه
مفيش حاجة اسمها 50 لصالح الدولة هو كده كده كان بيعمل حوار بس احمد ربنا انها جت على قد كده
انا واحد من اياهم برضو شاورلى من كام شهر وطنشتة خالص ومشيت ولقيتها نازلة على النت 1000 جنيه منوره ماشاء الله فمشى أمورك احسن |
رد: كنت هلبس مخالفة مشي عكس الاتجاه
يا ابو نورا لو فضلنا نكبر دماغنا ونمشى حالنا
كلنا هانمشى منها ومش هانلاقى حتة نقعد فيها وساعتها مش هانعرف ندخل المنتدى :HAPPY_~211: |
رد: كنت هلبس مخالفة مشي عكس الاتجاه
اقتباس:
|
رد: كنت هلبس مخالفة مشي عكس الاتجاه
هو لو كان في ظابط فعلا كان ممكن يروح ليه ويدفعه اي محالفه ب 50 جنيه تصالح فوري .. لإن السير عكس الاتجاه مفيهوش تصالح ...
وده لو كنت حضرتك قلت له اروح للظابط ... وطبعا قدام الظابط مكنتش حتقدر تقول انك كنت ماشي عكس .. و كنت حتدفع اي مخالفه علشان تخلص ال 50 دول كنايه عن المبلغ اللي مش امين كان عايز يدبه في جيبه كونه سجل المخالفه ولا لأ فدي ترجع اذا كان خلص الدفتر اللي معاه ولا لأ ... اصل كل ظابط لازم يسجل مخالفات ب 500 جندي على الاقل في خدمته !!! بس معتقدش انه سجلها .. لأن لازم المخاالفه تتمضي من الظابط |
| الساعة الآن 06:13 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017