|
ما خطورة السير بكبالن بتطقطق فيات 128 ؟
السلام عليكم انا عندى ظهر من فترة عند لف الدريكسيون طقطقة فى العجل الميكانيكى قال لي الكبالن عايزة تتغير فكنت عايز اعرف اية خطورة أو اضرار انى امشى بيها فترة وهى تالفة وما افضل مكان ونوع اشترى منه الكبالن وكم يكون سعرها علما بان السيارة 128 مو 89 |
رد: ما خطورة السير بكبالن بتطقطق فيات 128 ؟
هتفضل تتطقطق عادى لحد ما تفصل منك مرة واحدة ونتا وحظك عند البيت او فى ملف او فى اى حته
وافضل نوع الصينى اللى علبته زرقا |
رد: ما خطورة السير بكبالن بتطقطق فيات 128 ؟
اقتباس:
ربنا يبارك فى حضرتك بس مش فاهم يعنى اية تفصل وكمان تنصحنى اشتريهم منين هل من عند الكيلانى اللى فى معروف ولا من حد تانى وياريت تقولي سعرهم التقريبى |
رد: ما خطورة السير بكبالن بتطقطق فيات 128 ؟
معنى الفصل هو انك تعطى غيار الجيربوكس لكن مفيش حاجة
يعنى العربية مش بتتحرك او تسمع صوت تكسير لكن عموما طلاما بتسمع الصوت فى الملفات الحادة فقط متقرصش عليها على ما تفرج والصراحة معرفش الكيلانى انا اعرف ماركة هامر صينى او ميلتون او اى نوع تانى يكون كويس وتقفيله مظبوط والسعر معاك من 250 جنيه لحد 480 |
رد: ما خطورة السير بكبالن بتطقطق فيات 128 ؟
كما قال العلامه هشام الجزار هات الصيني انا كنت مركبه زمان وكان كويس وفي بعض التعليمات علشان تحافظ علي الكوبلن اطول فتره ممكنه وهي
تحاول تاخد الملفات والمنحنيات وانت ممور العربيه قدر الامكان المشي الهادي في الاماكن المكسره وبلاش تجيب الكبالن المتوضبه |
رد: ما خطورة السير بكبالن بتطقطق فيات 128 ؟
هتفضل تطقطق معاك فى الملفات الجامدة جاول متكسرش الدركسيون لاخره فى الملفات دى يعنى لف على الواسع لو فى امكانيه لكده وتمور العربيه اذا امكن وانت بتلف او تدوس دبرياج للاخر
زكمان هتسمع صوت طقه اول ما تتحرك بالعربيه من وضع الثبات لو عايز تغيرهم انا كنت مغير لعربيتى 128 جوز كبالن صينى فى علبه زرقا الواحد ب 80 جنيه بافيزاته بشحمه بكل حاجه سعر الزوج 160 جنيه .. قبل ما تشتريه خلى العفجشى يبصلك الاول على العربيه عشان فى كوبلن للعادة وكوبلن للمعدل .. واشترى معاه علبة شحم كبالن ب 10 جنيه تقريبا احسن من الشحم اللى بيجى مع الكوبلن عشان نحافظ على الكوبلن اكتر وتجيب 4 حزام بلاستيك بتاع كوبلن ب 5 جنيه وتطلع على العفشجى وتقريبا المصنعيه فى حدود 30 الى 40 جنيه وبردو بعد ما تركب الجديد تمور فى الملفات او تدوس دبرياج وربنا يوفقك |
| الساعة الآن 12:55 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017