كل من يعرف في السيارات يدخل و يساعدني
 

السلام عليكم اخواني
انا عاوز اشتري عربية في حدود 22000- 25000 جنيه بس مش عارف احدد نوع معين لاني معرفش في العربيات بس لية ملاحظات في العربية اللى عاوزها
1- اقتصادية في البنزين و قطع الغيار تكون متوفرة
2- تكون مكيفة او ينفع يركب لها تكييف و ميتعبش الموتور
3- تتحمل السفر و تكون واسعة الى حدا ما
4- في حدود السعر المعلن
5- موديل اواخر الثمانينات او اوائل التسعينات
لو سمحتوا اللى عاوز يساعدني يرد و لو حد عندة سيارة يكتب بيانتها و رقم التليفون بس ياريت تكون العربية فبريكة دواخل وبسرعة قبل مشاكل المدارس
برجاء انصحوني لو فية اراء اخري ابعتولى
واشكركم اخيرا و ليس اخرا و الله الموفق و كل عام وانتم بخير

رد: كل من يعرف في السيارات يدخل و يساعدني
 

رد: كل من يعرف في السيارات يدخل و يساعدني
 

المواصفات اللى انت كاتبها و بالسعر ده لا تنطبق غير على البولونيز,
سعرها فى الحدود ديه, و تتحمل السفر و ثابتة و مريحة على الطريق, و اقتصادية الى حد ما, و واسعة الى درجة لا تصدق.
رخص سعرها النسبى يرجع الى كون المستهلكين فى مصر لا يحبون شكلها خاصة من الخلف.
و فيه منها موديلات أواخر التمانينات و أوائل التسعينات كتير, أهم حاجة بص على حالة العربية.
برضو ممكن الريجاتا أفضل كثيرا بس صعب تلاقى منها كويس فى السعر ده, و ممكن ال131 و ال132 بس مش هتلاقى موديلات حديثة منهم.

رد: كل من يعرف في السيارات يدخل و يساعدني
 

شكرا ليك جدا فادي طب اية رايك في ال131 ممكن يركبلها تكييف

رد: كل من يعرف في السيارات يدخل و يساعدني
 

ال131 عربية اعتمادية جدا و ممتعة فى القيادة و لها شهرة واسعة فى مصر و فى العالم, و ممكن يركبلها تكييف نظريا, خاصة انها مجهزة لذلك, المهم انها تكون حالتها كويسة.

رد: كل من يعرف في السيارات يدخل و يساعدني
 

سييبك من الفيات خالص عندك المازدا ال 323 عربية حلوة جدا ومكيفة وفي حدود السعر وممكن تلاقي ابيزا في حدود 25000 بس حالتها مش هتكون تمام لكن لو عرفت تزود لغايت 28 او 29 الف هتلاقي خيارات كثيرة وحديثة

رد: كل من يعرف في السيارات يدخل و يساعدني
 

امامك خياران اما سيارة اوروبية او يابانية فقط
1-السيارة الاوروبية على حسب مواصفاتك فليس امامك سوى فيات (الافضل 131)

http://www.masrmotors.com/vb/showthread.php?t=3169
2-اما اليابانية فامامك تويوتا, مازدا, ميتسوبيشى
تويوتا----http://www.contactcars.com/UsedCars_...D=32&ModelID=5
مازدا----http://www.contactcars.com/UsedCars_...27&ModelID=161
وتقريبا انت تصف فيات131 بس لو عايز عربية اعطلها اقل نسبيا منك على اليابانى و ابتعد تماما عن اى ماركة اوروبية اخرى علشان فى تلك الفئة السعرية لن تحصل الا على سيارة صغيرة او اقدم من 1980 او اغلى فى السعر