|
إهتزاز عنيف على الثالث
السلام عليكم
كان عندى خبطه لما بأخد الغيارات, أول ما أخد الغيار من المور فقط, و طلع كرسى النص الله يرحمنا المهم غيرته و لاقينا صليبه بليها فارط, الميكانيكى رص البلى تانى و شحمه و ركب الكردان المشكله الجديدة (هيا اللادا كده كل ما تسد حاجه تطلع لك بحاجه غيرها) المشكله دلوقتى فى الغيار الثالث, أو بالأصح لما سرعة العربية تكون 30/40 كم/س بلاقى نفسى راكب مرجيحه, رجرجه عنيفه و مستمرة Vibration قبل السرعة دى و بعدها مفيش حاجه ,الحمد لله فى أى أفكار أو إقتراحات |
رد: إهتزاز عنيف على الثالث
السلام عليكم الكردان فيه مشكله او في غلط في تركيبه او الصليبه باظت تاني والله المستعان |
رد: إهتزاز عنيف على الثالث
جرب تعمل الموضوع دة وانت رافع عجلة من ورا
وانزل تحتها اشك في الكردان |
رد: إهتزاز عنيف على الثالث
بما ان حضرتك ظبط كرسي النص وحكمتة لازم اى عييب فى الكردان يظهر وكمان يومين تلاتة هتلاقى كرسي النص باظ تانى لان الكردان فى رفة
لازم الكردان دة يتفك ويتظبط عند اخصائى كردان لو تعرف الراجل اللى فى الظاهر .....دة افضل واحد يعملة |
رد: إهتزاز عنيف على الثالث
اقتباس:
|
رد: إهتزاز عنيف على الثالث
طيب الميكانيكى رحتله تانى و قولتله عالمشكله دى, قاللى رصص عجل كويس
و قالى لو الرجه على 40 يبقى ترصيص لو 80/90 يبقى الكاوتش بايظ لو فوق الـ 100 يبقى ضبط زوايا ---------------------- رجعت على بتاع كاوتش ركب العربية و ساقها بنفسه و قالى مفيش حاجه طلعت من عنده على العفشجى برضه بيقولى مفيش حاجه بس أنا متأكد إن فيه رجرجه على سرعة 40 لدرجة إنى من غير ما أبص عالعداد ,بقيت أول ملاقى الكرسى بيتهز بيا أعرف إن العداد على 40, و فعلاً بيكون على 40 كم/س يعنى دى مش تهيأت فى ناس بتقول على ما الكرسى و الصلايب تطبع و فى ناس بتقول لو فى حاجه غلط هتلاقى الرجه فى كل الغيارات و بتزيد مع السرعة العالية و الكلام كتير و كالعاده بدأت أتوه و أتعقد و أقفل |
رد: إهتزاز عنيف على الثالث
معلش يا جماعة إستحملونى شويه, عاوز أفهم
دلوقتى عندى Vibration إهتزاز على سرعة 40 بالضبط, سواء حارق عالثانى, أو الثالث أو عالمور رحت أرصص الأول (بما إن الترصيص أسهل من حوار الكردان) و بعد لف و دوران على البنزينات طلع الترصيص لازم بجهاز إسمه الحصان (الفنى بيبقى قاعد علية زى الحصان و يرفع العربية و يدخل يرصص العجل بالدوران السريع و ده إللى بيرصص كل العربيات القديمة : لادا -128 -شاهين - ....إلخ) و ملقيتوش غير فى بنزينة واحده و القنى بيشتغل من بعد المغرب, مكنتش فاضى أروحله. المهم دلوقتى علشان متوهش: ================ هل رفى الكردان بتظهر فى كل السرعات و لا سرعه محددة؟ و هل ترصيص العجل لما إهتزاز العربية يكون على السرعات العاليه و لا فى أى سرعه؟ - يعنى من الآخر: إللى عندى ده ترصيص و لا رفه؟ و آخر طلب: أعرف إن متخصصين رفة الكردان فى القاهرة 2: - كمال بتاع الظاهر و واحد فى الملك الصالح, عاوز تليفون أو عنوان بتاع الملك الصالح لو حد يعرفه لأن ده الأقرب لى. و تجنباً للمشاكل الأمنية للطرق فى وسط المدينه. |
| الساعة الآن 07:24 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017