|
سؤال بخصوص الاوكتافية a4
1 مرفق
اولا وقبل اى شىء تحياتى لكل اسرة المنتدى مشرفين واعضاء انا الحمد لله استلمة الاوكتافيا خلاص من بور سعيد يعنى انتم كده فهمتو انها معاقين حاجة بسم الله مشاء الله فبريكة بجد ولانى كان معايا ميراج 99 وكانت فبريكة برة وجوه وندمة انى بعتها المهم ربنا كرامنى بالاوكتافيا ال a4 مو2002 اوتوماتيك طبعا كلنا عارفين ان فيه فرق شاسع فى الاوبشن والحركات فانا مش عارف فيها اى حاجة فى زراير فى مفتاح المسحات كتير وكمان فى دراع الاشارة بيشتغلو ازى وبيعملو ايه مش عارف والطريقة اللى استخدمهم فيها دون ان اخرب حاجة ولو امكن الوصف بالصور يبقه تمام اوى ده السؤال الاول السؤال الثانى الفتيس تمام و100 100 بس العصا بتتحرك معايا دون الضغط على زر السفتى حاسس ان السوسته هربانة ومش عارف افك العصاء حد يقولى افكها ازى وايه علجها.؟ واى حد عموما عنده معلومة يفدنى بيها حتى لو بعيد عن استفسارى ربما اكون مش واخد بالى منها ده غير ان مطلوب حد كويس فى صيانتها ثقه عشان اخليه يشيك عليها عارف انى طولت عليكم اعزورونى وتقبلو تحياتى وشكرى مقدما على المساعدة اه معلش نسيت حاجة اخيرة هى مجهزة بالتليفون وركبة القاعدة وكل الوصلات وكل حاجة.. واقفة على العدة بردو حد يفدنى اجدها فين وعملة كام ودى صورة لنفس القاعدة الموجودة عندى |
رد: سؤال بخصوص الاوكتافية a4
والله مش عارف اقولكم ايه وفين الناس الخبرة يعنى 50 واحد يدخل الموضوع ومفيش اى رد!!!!! |
رد: سؤال بخصوص الاوكتافية a4
100000000 مبروك عليك السيارة يا أستاذ .عبدالله
اهلاً بك عضو فى المنتدى الرائع والاسرى لعل من شاهد مشاركتك ليست عنده المعلومات الكافيه ننتقل إلى أسئلتك 1.فى العموم عليك اخى الكريم بتغيير كل الزيوت والسوائل والسيور وكل رولمان بلى السيور والبوجيهات والفلاتر هواء بنزين تكييف 2.ولولا ان مكانى بالاسكندرية كنت حضرت لك وابلغتك بكل شىء 3.يوجد من أعضاء المنتدى الكرام الميكانيكى المحترم جداً والامين حمدى ومكانه بالجيزة وتليفونه:01065229805 وهو اخ فاضل ولن يتأخر عن مساعدتك وعن طريقة سوف يرشدك لهربائى محترم وفاهم مثل ليكمل لك لك ما تريد اما بخصوص شرح كل الازرار والاستخدامات بالاذرع فعذراً لن استطيع مساعدتك لعدم وجود صور بالشرح لدى للرفع لعل احد الاعضاء الكرام يستطيع ذلك بارك الله لك فى سيارتك وحفظك الرحمن وعام سعيد عليك وعلى جميع المسلمين إن شاء الله |
رد: سؤال بخصوص الاوكتافية a4
اشكرك يا استاذ احمد على زوقك واجابتك وان شاء الله هروح عند ادمون اللى فى شارع المسيرى بالزيون قد ارشدنى اليه صديق وربنا يعمل اللى فيه الخير واكرر شكرى لسيادتكم
|
رد: سؤال بخصوص الاوكتافية a4
سلام عليكم و رحمة الله و بركاته
اولا مبروك اخي الكريم و ربنا يكفيك شرها اولا بالنسبة لموضوع التليفون انا حاسس ان الحاجات اللي فالصورة موديل قديم و تعوز تليفون قديم و لو راكبة فعليا استحدمها حامل للموبيل بس ماتستناش كتير اما بالنسبة لموضوع دراع المساحة فهو مش حيبوظ حاجة متخافش هو في اختيارات كتير لشاشة العرض منها مثلا المسافة بالكيلومتر للببنزين اللي في تانك العربية و في بعض السيارات درجة الحرارة لو تكييفك تاتش و حاجات كتير انا عندي 2006 و بتعامل مع واحد مهندس في الحي الغاشر شاطر جدا و بيستخدم البرنامج بتاع الغربية و اسمه المهندس خالد و تليفونه 01002970564 و انصحك بالتعامل معاه عنده صنايعية حلوين جدا و اسعاره معقولة العربية حتريحك اوي ان شاء الله و انا ركبت بيجو 406 و فيتارا قبلها و هي احسن مالاتنين |
رد: سؤال بخصوص الاوكتافية a4
السلام عليكم أخى الكريم.. بخصوص النصيحة اللى الأخ أسامة نصر نصحك بيها بخصوص المهندس خالد .. أنا كمان أنصحك بيه بشدة و رقمه كما أوضح لك العضو المحترم سابقا..
و بخصوص الأزرع للمساحات و الأشارات و خلافه ..لا تخف من تشغيلها أو العبث بها .. فلن يضر ذلك فى شئ.. و لكن جرب تستخدمها لتعلم وظائفها و لا داعى للخوف.. فبها أمكانيات عديدة قد تفيدك أثناء القيادة.. مثلا معدل أستهلاك الوقود لكل 100كم ..و آخر رحلة كام كيلو.. و خلافه و بخصوص طقم السيرفيس .. ينصح بعمله كاملا و يفضل لو عند المهندس خالد فى العاشر مدينة نصر و دعه هو يخبرك بماذا يجب أن تفعل من صيانة لسيارتك الجديدة و بخصوص حكاية التليفون دى .. من وجهة نظرى ملهاش لازمة خالص.. أنا عن نفسى شيلته من العربية... هى نزاهة مش أكتر.. متشغلش بالك بيه.. و ألف مبروك يا باشا و ربنا يكفيك شرها |
رد: سؤال بخصوص الاوكتافية a4
تحيه للاستاذ فادى والاستاذ اسامة على اهتمامهم وردهم والله انا كنت نسيت الموضوع لان محدش عبرنى فيه كان المهم الحمد لله فعلا عرفة موضوع دراع المساحات تمام وكمان جبت تليفون نوكياء 6310 وشغال تمام وان شاء الله هروح للبشمهندس فى الحى العاشر لانه كويس اوى انا فى مدينة نصر فده هيكون قريب بجد الف شكر لكل من شارك فى الموضوع واى جديد هعرفكم ان شاء الله |
| الساعة الآن 02:44 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017