مصر موتورز مجتمع السيارات - شراء سيارة عليها حظر بيع

مصر موتورز مجتمع السيارات (https://www.masrmotors.com/vb/index.php)

- المرور والشهر العقارى (https://www.masrmotors.com/vb/forumdisplay.php?f=89)

- - شراء سيارة عليها حظر بيع (https://www.masrmotors.com/vb/showthread.php?t=120286)

شراء سيارة عليها حظر بيع

السلام عليكم أخوانى الكرام
معروض على سيارة مودل 2013 عاملة 10000 كم مكتوب على الرخصة حظر هل فيه مشكلة فى ذلك ؟ و كيف يتم البيع ؟ أرجو الرد سريعا لأهمية مع خالص الشكر و التقدير :GROWIN~12:

رد: سيارة عليها حظر

اقتباس:

مكتوب على الرخصة حظر

لو تقصد محظرة لصالح بنك
يبقى الحل انك تشترى بتوكيل
مكتوب فية لو انها هيونداى اكسنت مثلا يبقى مكتوب فية جميع العربيات الهيونداى اكسنت موديل 2013
ولازم تشترى من واحد ثقة تكون تعرفة

رد: سيارة عليها حظر

اقتباس:

مكتوب فية لو انها هيونداى اكسنت مثلا يبقى مكتوب فية جميع العربيات الهيونداى اكسنت موديل 2013
ولازم تشترى من واحد ثقة تكون تعرفة

شكرا لأهتمام لاكن مش فاهم هذه الجزئية

رد: سيارة عليها حظر

و ما رأيك فى هذا الكلام

اقتباس:

أفضل طريقة عن طريق البنك نفسه !!!
وتسديد الأقساط باسمك أنت بعد اخذ
الضمانات عليك بالطبع ..........
اذا وافق البنك على ذلك .......
أما اذا لم يوافق :

فما عليك الا أخذ عقد بيع السيارة من
البائع لك .............
وتوكيل بالادارة حتى تتعامل مع البنك

و شكرا :GROWIN~12:

رد: سيارة عليها حظر

ما اقصدة هو
اى شهر عقارى مش هاينفع يعملك توكيل "البيع للنفس والغير" والرخصة محظرة لصالح بنك
انما الحل اللى وجدوة المحامين انك تعمل توكيل بكل نوع السيارة موديل 2013
وبيتكتب كدة فى التوكيل " البيع للنفس والغير كل عربيات هيونداى موديل 2013"

رد: سيارة عليها حظر

أخى الفاضل من وجة نظرك ما أفضل هذه الحلول أيضا و التى أقتبستها من عدة مشاركات بالنت :GROWIN~12:

اقتباس:

رد: شراء سيارة عليها حظر بيع
_________________________ _______________
لو مستعجل علي استلامها يعني ممكن صاحب العربيه يعملك حاجه اسمها توكيل عام سياره في الشهر العقاري وبتكتب فيه البيع للنفس والغير والتعامل مع المرور والتجديد والترخيص والتعامل مع البنك ( اسم البنك اللي عليه العربيه ) , طبعا التوكيل بيكون علي نوع العربيه وموديلها يعني مثلا شيفروليه لانوس 2009 , وبتتعامل به مع المرور والبنك والشهر العقاري وبتلخص انت كل الاوراق بنفسك من فك حظر ونقل ملكيه وكل حاجه .... ومبروك مقدما

قانونا
مش هتقدر تسجل ملكية فى الشهر العقارى
او تخللى الرخصة باسمك فى المرور طالما عليها حظر بيع
يبقى لازم الحظر يتشال الاول
عندك طريقتين
الاولى صعبة ان البنك ينقل الاقساط باسمك وتبقى انت مقسط مع البنك
اغلب البنوك ان مكنش كلها مش بتردى
التانية
تكيش للبائع جزء من المبلغ او كله
ياخد الفلوس يفك الحظر
ياخد جواب من البنك للمرور يطلع رخص من غير حظر
يبيع ليك وتسجل فى الشهر العقارى
مخاطر الطريقة التانية
ان البائع يكون نصاب وتيت وهنا انت معاك العربية لكن مش هتعرف تمشى بيها ولو مسروقة ورخصها مضروبة تبقى كملت
ولو خد الفلوس واختفى مش هتعرف تجيبه
يبقى لازم تتأكد ان البائع
ليه محل عمل
ليه محل اقامة
يكتب وصل امانة بالمبلغ مش كمبيالة
لان وصل الامانة فيه حبس
الكمبيالة لا
شيكات من بنك اه
شيكات من مكتبة برده لا
وتاخد العربية وتخليها معاك هيا والرخص
وممكن تدى الفلوس وانت معاه فى البنك وتاخد الجواب وليا صديق عملها فى كونتاكت بس البائع كان ليه معارف خد الجواب فى ساعتها

أفضل طريقة عن طريق البنك نفسه !!!
وتسديد الأقساط باسمك أنت بعد اخذ
الضمانات عليك بالطبع ..........
اذا وافق البنك على ذلك .......
أما اذا لم يوافق :

فما عليك الا أخذ عقد بيع السيارة من
البائع لك .............
وتوكيل بالادارة حتى تتعامل مع البنك
باسمه ان احتاجت الى ذلك .........

الاخ العزيز
العقد المبرم بين المتعاقدين صحيح ولكن لا ينفذ قبل البنك فمن الناحيه العمليه اكتب عقدك بشكل عادي واجعل البائع يقوم بعمل توكلين الاول توكيل اداره وده للاستخدام امام البنك واداره المرور والثاني توكيل بالبيع للنفس والغير وده هتستخدمه لما تخلص اقساط البنك وتاخد جواب بفك الحظر تقوم بنقل الملكيه بتسجيل العقد الابتدائي في الشهر العقاري بموجب التوكيل الثاني الذي يبيح لك البيع

رد: سيارة عليها حظر

اقتباس:

و مستعجل علي استلامها يعني ممكن صاحب العربيه يعملك حاجه اسمها توكيل عام سياره في الشهر العقاري وبتكتب فيه البيع للنفس والغير والتعامل مع المرور والتجديد والترخيص والتعامل مع البنك ( اسم البنك اللي عليه العربيه ) , طبعا التوكيل بيكون علي نوع العربيه وموديلها يعني مثلا شيفروليه لانوس 2009 , وبتتعامل به مع المرور والبنك والشهر العقاري وبتلخص انت كل الاوراق بنفسك من فك حظر ونقل ملكيه وكل حاجه .... ومبروك مقدما

هو دة الكلام اللى انا قلتة فى المشاركتين السابقتين واللى معمول به فى البيع على عربية محظرة لصالح بنك
بس خلى بالك اللى انا فاهمة انك عاوز تكمل اقساط مش تشتريها كاش فهل ما فهمتة صح ؟؟؟