|
مشكلة حرارة فى 307 sw
ظهرت عندى اليوم مشكلة جديدة وهى ارتفاع امبير الحرارة معايا فجاة ووصل لاخره لغاية مالمبة الstop نورت وركنت لغاية ما حرارة العربية نزلت علما بان شيكت على المية لقيتها مظبوطة بس لاحظت ان المية زادت عن مستواها بحاجة بسيطة والمروحة شغالة وكمان فتحت البلف قلت يمكن تكون واخدة هوا ..وبعد كدة شغلت العربية لمدة ربع ساعة والحرارة بقت طبيعية 85-90 وعند 90 المروحة بتشتغل...
ياترى المشكلة ممكن تكون فى ايه؟ |
رد: مشكلة حرارة فى 307 sw
اتاكد من مضخة الميه
وش السيلندر لو اتوماتيك ميكنش جه على الميه زيت اتوماتيك |
رد: مشكلة حرارة فى 307 sw
شكرا يابشمهندس احمد على اهتمامك وردك,,,,,
اكتشفت ان فى تسريب مياه فى الكوعة وربطت عليها واتمنع التسريب وشغلت العربية وسيبتها شغالة شويه كل ماترفع الحرارة عند 90 المروحة تشتغل وتنزل....بس لسة مجربتهاش فى المشى هل التسريب الى كان حاصل هو الى رفع الحرارة؟؟ |
رد: مشكلة حرارة فى 307 sw
العفو يا استاذ احمد
وارد يكون السبب لان قبل ما الميه تقل الضغط بيقل و الميه تغلى لان الضغط قل و تفقد قدرتها على التبادل الحرارى و فى نفس الوقت وارد يكون نتيجة لتنفيث من وش السيلندر على العموم تابعها عن قرب و ان شاء الله مش حتحصل تانى |
رد: مشكلة حرارة فى 307 sw
اقتباس:
الحمد لله العربية اتظبطت بس بعد مااكتشفت السبب وكان من الترموستات الكوعة كان بيعلق فلغيته خالص والعربية بقت تمام.... بس هل فى مشكلة لو استمريت بيها من غير تيرموستات؟؟؟ |
رد: مشكلة حرارة فى 307 sw
طيب الحمد لله انك وصلت للسبب
طبعا يفضل ان لما تيجى فرصة تركب واحدة جديدة لان من غيرها وقت التسخين حيزيد - العربية حتبرد على الطرق السريعة - و البرودة الزيادة ديى تخلى استهلاك البنزين اعلى شوية من الطبيعى - و الزيت حيبقى ابرد من الطبيعى و الافضل فى كل الاحوال ان الميه متبردش زيادة عن اللزوم طبعا مهما كان ارحم انها تسخن بس اهو لو جت لك فرصة يفضل تركب جديدة لو مجتش دلوقتى مش مهم ممكن تتأجل |
رد: مشكلة حرارة فى 307 sw
اقتباس:
ان شاء الله فى اقرب فرصة هشتريه وركبه ... جزاك الله خيـــــــــــرا |
| الساعة الآن 09:36 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017