![]() |
معلش السواقه لا ذوق ولا أدب!!!!!!
بصراحه من اللى أنا بشوفو فى الشارع دى مفرمه دى حرب
لا فى ذوق ولا فى أدب كلها بلطجه وقله أدب أنا اسف |
رد: معلش السواقه لا ذوق ولا أدب!!!!!!
فعلا عندك حق. الموضة الجديدة دلوقتى عادى جدا كله بيمشى عكس الاتجاة
فى اوروبا و الدول المتقدمة بيعلمو الاطفال قواعد القيادة لانهم بعد عشرين سنة هيسوقو عربيات. ربنا يرحمنا من المتخلفين البيسوقو بالدراع |
رد: معلش السواقه لا ذوق ولا أدب!!!!!!
فعلاً بقى السواق العكسى عادى عالكورنيش و الأوتوستراد و ..... رغم إنها طرق سريعه
و قاعده البوز بيز مع الميكروباصات و التكاتك و إللى خايف على نفسى يبعد مع النقل و النقل الثقيل |
رد: معلش السواقه لا ذوق ولا أدب!!!!!!
ايه الجديد ؟
|
رد: معلش السواقه لا ذوق ولا أدب!!!!!!
السواقه في مصر بلطجه
|
رد: معلش السواقه لا ذوق ولا أدب!!!!!!
عشان كده أنا بدعي ربنا وبتمنى إنه يستجيب ليا إن يبقى عندنا عين تراقب و إيد تحاسب اللي بيخالف ويغلط ومايراعيش حق الناس في الطريق ايه اللي يجرى لو أمناء الشرطة والأوناش وظباط المرور اللي بيتراخموا على الناس المحترمه ويعملوا لهم مخالفات وياخدو فلوس إنهم يشدوا شوية على بتوع الميكروباص ويخلوه مايقفش ينزل ويطلع في وسط الطريق وايه المشكلة لما الدولة تعمل مواقف مخصصة ليهم ومحطات معينه واماكن للوقوف بدل من الأرصفة الواسعة اللي مالهاش لزمة دلوقتي وزاحمة الطريق على الفاضي وأيه المشكلة لما يجبروا التكاتك تمشي في الشوارع الداخلية والحارات بس بدال الخروج للشوارع العمومية والطرق السريعة والكباري ويمشوا فيها بالعكس وأيه المشكلة لما يحطوا كاميرات وأكمنة تعاقب اللي بيجري ويخالف السرعة بجد وبضمير وأيه المشكلة لما مانكسرش الأسفلت السليم ونبدله بأسفلت جديد ونحاول نعالج الشوارع المكسرة أساساً ونسفلتها ونخليها تنفع للأستخدام الآدمي للناس وللعربيات وأيه المشكلة لما يكون في تصليح في أي شارع او طريق خلقه ربنا انه يكون بالليل بعد الساعة 12 عشان نخف الضغط والزحمة ( بدال ما الطريق بيقف طول النهار ) وأيه المشكلة لما الدولة تجبر المواطنين المالكين للسيارات اللي موديلاتها قديمة بتبديلها بجديدة وتوفر لهم سيارات بديلة وتشيل الجمارك من على أسعار السيارات عشان مايحصلش المصادمات اللي بنشوفها كل يوم ( ماهو مايبقاش واحد ماشي بعربية بي أم دابليو أو حتى بدايو أو فيرنا وماشي جنبه عربية 125 موديل 70 وتمنها مش هيعدي ال 4000 جنية ويمشي يخربش ويخبط في خلق الله ومش هامه حد ) ايه المشكلة لو بصينا للناس وحلينا مشاكل بلدنا ايه المشكلة لو خدنا خطوة بجد والله لو خدنا خطوة بجد هتبقى جميلة اوي وهتساعنا كلنا وهنعيش فيها زي الفل |
رد: معلش السواقه لا ذوق ولا أدب!!!!!!
المشكله مش في السواقه نفسها المشكله في الناس اللي مفكره كل حاجه تمشي بقله الادب وبالعافيه عموما دي بقت ثقافة شعب الناس اخدت علي كده
|
الساعة الآن 03:33 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017