![]() |
بخصوص المرسيدس 200 مو 77
انا عاوز اشتري العربية دي وكنت عاوز اعرف هل قطع غيارها متوفرة ؟؟
هل قطع الغيار غالية ولا فالمتناول ؟؟؟ هل بتسحب بنزين كتير ولا حلوة ؟ تستحمل السفر والسواقة كتير ؟؟ وايه رايكم عموما فيها كعربية ؟؟ منتظر ردكم اخوكم محمد البحيري http://www.carandclassic.co.uk/uploads/new/780984.jpg |
رد: بخصوص المرسيدس 200 مو 77
عربية اكتر من ممتازة ركوبة بجد وخاصة فى السفر والطوالى مريحة وثابتة جراية
قطع غيارها كلها استيراد فى الحرفيين مغرقة الدنيا وفيه منها سولار وفيه بتقلب غاز علشان استهلاك البنزين لكن اهم من كل الحالة ممكن عربية تكون متهانة تدوخك وراها لكن لو لقيت حالة نظيفة واساسيات سليمة تبقى لقطة |
رد: بخصوص المرسيدس 200 مو 77
زي ما ابو نورا قالك عربية كويسة جدا وقطع غيارها متوفرة واسعارها معقولة كمرسيدس واسعارها كمان بدات تنزل يعني ممكن تجيب حاجة نظيفة في حدود 40 الف وممكن اقل كمان
|
رد: بخصوص المرسيدس 200 مو 77
عربيه ممتازه و شكلها مش بيقدم و من العربيات اللي عملت اسم لمرسيدس
المشكله فعلا لو لقيت عربيه حاله الصالون بتاعها كويسه لان معظمها صالونه بدأ يتبهدل و علي فكره كل ال 77 من الموديل دا كان 230 ما شوفتش منها 200 غير الموديلات العاليه |
رد: بخصوص المرسيدس 200 مو 77
من احلى العربيات الي ممكن تركبها
وتحس فيها فعلا بالتقل والهيبه والراحه وتجربتي معاها لمدة اسبوع كانت ممتعه جدا بس المهم حالة العربيه زي الأخوه ما قالو بس المشكله انها بقالها اكتر من 30 سنه بعيده عن التكنولوجيا يعني هتنسى السحب والتصارع غير كده العربيه امينه على الي راكبها جدا |
رد: بخصوص المرسيدس 200 مو 77
والله يا ريس عربية جميلة جدا على الطريق اما كان معايا واحدة وكانت مكنتها جديدة كنت بجرى بيها اكتر من اى عربية زيرو انا ركبتها وكمان بتفرش على الطريق وعربية واسعة وشديدة جدا يعنى لو خبطت اى عربية العربي الى خبطتها هية الى هاتدمر يعنى من الاخر العربية دى دبابة والله انا قبل كدا دخلت فيها فى لادا وطبعا الادا جامدة والله الادا ادمرت والمرسيدس ما حصلهاش حاجة وكمان جريها جميل وليها هيبة على الطريق بس فعلا اهم حاجة فيها هية الحالة تكون كويس جدا وكمان عربية اقتصادية بردة وكمان سعرها فى النازل دلوقتى تقدر تجيب واحدة نضيفة جدا فى حدود 30 الف بس وكمان عربية ماحظفة على نفسها جدا من اكتر العربيات القديمة الى محافظة على اسمها لحد دلوقتى وشكرا يا غالى
|
رد: بخصوص المرسيدس 200 مو 77
المرسيدس ولامقارنه اخري وانسي بمنتهي الامانه بس اكشف عليها كويس لدي مشحمه في عباس العقاد اكترونيه 50ج فقط واطمئن وتوكل علي الله
|
الساعة الآن 05:45 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017