استفسار عن الماتريكس (لافيتا )
 

السلام عليكم و رحمه الله و بركاته
انا عضو جديد - و كنت بفكر اجيب العربيه الافيتا ( الماتريكس ) اوتوماتيك معاقين من بورسعيد
و عملا بالمثل ( اسأل مجرب و لاتسأل دكتور ) ممكن اسأل اهل الخبره وكل اللي معاهم العربيه دي او اي حد لسه مشتريها قريب ممكن حتي لو يبعتلي علي الخاص موبيله و اكلمه
الاستفسارت
1- العربيه حالتها ايه في الطريق - سريعه -واطيه من الارض و المطباط
2- استهلاك البنزين عامل ايه
3- اهم حاجه قطع الغيار ( كان معايا اللانوس1 - البرنسيسه انجي) كنت بسهوله القي قطع الغيار و رخيصه جدا حتي الاصلي الكوري منها كان كتير
4- بالنسبه لسعر اعاده البيع مع الاعتبار ان مفيش منها زيرو ( خاصه انها معاقين يعني في حظر 5 سنين ) يعني تفتكرو ان بعد فك الحظر ممكن تجيب هما و لا هتعب في بيعها و اخسر فيها او فطع الغيار بعد سنه او اكتر ممكن تقل

و مره تانيه اسف علي التطويل و يا ريت اكون صديق مش رخم
و شكرا مقدما علي استشارتكم:08da300846c8494 3ae1:08A742~169:

رد: استفسار عن الماتريكس (لافيتا )
 

رد: استفسار عن الماتريكس (لافيتا )
 

وانا مثلك رايح اشتري لافيتا ان شاء الله والمعلومات اللي سألت عليها حضرتك محيراني ومنتظر اجابة لو اشترين من فضلك طمني انا رايح ان شاء الله يوم 7 اكتوبر
ارجو الرد:pty:

رد: استفسار عن الماتريكس (لافيتا )
 

ahmed1_2
السلام عليكم يا باشا + و كل سنه و انت طيب
انا لسه ما اشتريتش مستني استلم الجواب + ممكن تقولي تجربتك و عملت ايه

رد: استفسار عن الماتريكس (لافيتا )
 

معانا عضو هنا معاه اللافيتا
اسمه tham 0101
بس العربية مغرقة بورسعيد و ماشية كويس و العضو الزميل بيشكر فيها

رد: استفسار عن الماتريكس (لافيتا )
 

وعليكم السلام ورحمة الله وبركاته
والله كانت تجربة صعبة على قد ما درست الموضوع واتعلمت اختيار عربية مستعملة وسمعت نصائح الناس لكن الواقع بيقول انك مش هتقدر تكشف على العربية زي ما انت عايز ولا هاتشوفها في النور والمكان مش منور انارة كافية والمكان ضيق العربيات مرصوصة جنب بعض يدوب تعدي والارض مغريقنها مياة علشان ما حدش ينام تحت العربيات عملت اللي اقدر عليه واشتريت عربية سيراتو 2006 جولد ب 58000 كل اللي كانو معايا لكن انا كنت عايز لافيتا وعايز اوفر شوية فلوس لكن لقيت كلها مصدية من تحت ولما رجعت برضه لقيت بارومة في العربية في الباب والعتب من ناحية العجل وعند باب السواق وفي الكبوت بس قالولي تتعالج عند سمكري وبعدين ترش بيتومين من الاخر مهما حصل شوف اكتر من واحد واوعى حد يثبتك ومن تجربة ما عملتهاش روح من الاخر عن ابو المعاطي بورسعيد
ادعولي ما يطلعش في حاجة تانية في العربية
في صوت حكة في الفردة الشمال قدام غيرت بطاحات وخرطت طنابير وظبط زوايا صرفت 700 جنيه ولسة الحكة موجودة
العجلة اللي فيها الحكة اوطى من الايمين بحوالي سنتيمتر
وربنا يستر

رد: استفسار عن الماتريكس (لافيتا )
 

وعليكم السلام ورحمة الله وبركاته
والله كانت تجربة صعبة على قد ما درست الموضوع واتعلمت اختيار عربية مستعملة وسمعت نصائح الناس لكن الواقع بيقول انك مش هتقدر تكشف على العربية زي ما انت عايز ولا هاتشوفها في النور والمكان مش منور انارة كافية والمكان ضيق العربيات مرصوصة جنب بعض يدوب تعدي والارض مغريقنها مياة علشان ما حدش ينام تحت العربيات عملت اللي اقدر عليه واشتريت عربية سيراتو 2006 جولد ب 58000 كل اللي كانو معايا لكن انا كنت عايز لافيتا وعايز اوفر شوية فلوس لكن لقيت كلها مصدية من تحت ولما رجعت برضه لقيت بارومة في العربية في الباب والعتب من ناحية العجل وعند باب السواق وفي الكبوت بس قالولي تتعالج عند سمكري وبعدين ترش بيتومين من الاخر مهما حصل شوف اكتر من واحد واوعى حد يثبتك ومن تجربة ما عملتهاش روح من الاخر عن ابو المعاطي بورسعيد
ادعولي ما يطلعش في حاجة تانية في العربية
في صوت حكة في الفردة الشمال قدام غيرت بطاحات وخرطت طنابير وظبط زوايا صرفت 700 جنيه ولسة الحكة موجودة
العجلة اللي فيها الحكة اوطى من الايمين بحوالي سنتيمتر
وربنا يستر


استاذ احمد
اولا ربنا يباركلك فيها
معلش انا كان ليا استفسار بسيط بخصوص سير الكاتينة بتاع كيا سيراتو 2004 خصوصا انها 1500 سي سي وكل اللي موجود بتاع 1600