مصر موتورز مجتمع السيارات - مشكله فتيس بيجو 307

مصر موتورز مجتمع السيارات (https://www.masrmotors.com/vb/index.php)

- بيجو PEUGEOT (https://www.masrmotors.com/vb/forumdisplay.php?f=17)

- - مشكله فتيس بيجو 307 (https://www.masrmotors.com/vb/showthread.php?t=118543)

مشكله فتيس بيجو 307

بعد اذنكوا حصل معايا موقف كنت عاوز اسألكوا عليه
انا معايا بيجو 307 قتيس اوتوماتيك المهم وانا ماشي علي الD وقفت علشان اركب حد ثواني ومشيت تاني مع العلم اني منقلتش الفتيس علي الN بس لما جيت امشي حسيت ان الفتيس موجود ع الN يعني سبت الفرامل والعربيه مش عاوزه تمشي رجعتها علي الR وبعد كده علي الD تاني وكأن العربيه ع الموور ومش عاوزة تتحرك روحت دوست سنه بنزين العربيه نتشت ناتشه كدة وبعد كدة اتحركت ومشيت عادي وبعدها اتكرر الموضوع ده كتير
بس روحت غيرت زيت فتيس والموضوع اتظبط معايا لمده اسبوع كدة والنهارده رجع تاني يعمل كدة اروح اغير زيت فتيس كل اسبوع يعني ولا دي حاجة تانيه
مش عارف اعمل ايه بقي لو حد يفدني بس
واســــــــف جدا ع الاطاله

رد: مشكله فتيس بيجو 307

السلام عليكم
كده في مشكله في كهربة الفتيس والبرمجه الخاصه به
اكشف على كهرباء وبرمجة الفتيس
هل غيرت فاتر زيت الفتيس مع الفتيس
والله المستعان

رد: مشكله فتيس بيجو 307

اقتباس:

المشاركة الأصلية كتبت بواسطة eng/walaaeldeen (المشاركة 916317)

طب يا باشا مشكله في كهربه الفتيس ولا حاجة اسمها شنابر فتيس
علشان في واحد قالي لازم تغير 4 شنابر فتيس والواحد بيبقي في حدود 100 جنيه

رد: مشكله فتيس بيجو 307

السلام عليكم
معلش يعني ايه شنابر فتيس هل لها اسم تاني
متابع معاك ممكن حد يعرفنا ويفيدنا
والله المستعان

رد: مشكله فتيس بيجو 307

اقتباس:

المشاركة الأصلية كتبت بواسطة eng/walaaeldeen (المشاركة 916326)

السلام عليكم
معلش يعني ايه شنابر فتيس هل لها اسم تاني
متابع معاك ممكن حد يعرفنا ويفيدنا
والله المستعان

والله حضرتك انا مش عارف بس لما سألته نفس السؤال قالي عباره عن حاجات كدة عامله زي الحلقان الكبيره اللي بتلبسها البنات في الاذن شبهها يعني كدة والله اعلم

رد: مشكله فتيس بيجو 307

السلام عليكم
المشكلة دي في السويتش بتاع الفتيس عاوز يتحط علي الكمبيوتر لان السويتش هو المسئول عن ضبط اماكن الغيارات

رد: مشكله فتيس بيجو 307

المشكلة مش مشكلة كهربة ولا برمجة,, وفلتر الفتيس مش بيتغير بسهولة لأنك لازم تنزل الفتيس من العربية وتحله كله عشان تطلع الفلتر من قلبة.
والمشكلة مهياش في السويتش برضه زي ما الأخ الفاضل قال, لأنها لو مشكلة سويتش كان الفتيس هيطلع لك علي الشاشة جيربوكس فولت.
وكانت هتاخد معاك الغيار كل مرة بنتشة ورزعة,, ودي مش حالتك طبعاً.
المشكلة فعلاً في شنابر الفتيس, وأسمها كلاتشات الفتيس, وهيا اللي بتحكم ضغط الزيت في الفتيس,,
ولما بتكون العربية سخن وتقف مرة واحدة وتيجي تطلع تاني وهيا لسه عال D هتلاقيها أكنها واخدة N
وهتطلع برزعو معاك عشان الضغوط مش مظبوطة,, لكن غير كدا مش هيكون في مشاكل في نقل الغيارات معاك
ومعني كدا أن السويتش سليم, والكهرباء سليمة ومفيش مشاكل فيهم..

وكان في موضوع هنا عنها خد بص عليه بصه عشان تعرف شكلها عامل أزاي, هما ف تالت صورة
http://www.masrmotors.com/vb/showthr...t=20868&page=2