دلوني علي الحل نوبيرا 1 ..جابت مكنة وفتيس
 

سلام عليكم

لدي نوبيرا 1 موديل 1997 بقالها سنتين وماشية تمام من فترة المكنة خفت وبدأت تاكل زيت ودخان ابيض ومن كام يوم الفتيس بدأ يهبل في الغيارات طبعاً أتوماتيك مرة وهو علي الرابع يرجع التاني بعد كده ممكن يفضل 5 دقايق عشان يطلع ع التاني روحت لمكيانيكي كويس مشهور في اسماعيلية قالي خلاص كده لازم فتيس والمكنة كده كده خفيفة

دلوني علي الحل الأفضل ولو هجيب مكنة وفتيس ايه احسن مكان اجيب منه واسعارهم ايه حاليا

رد: دلوني علي الحل نوبيرا 1 ..جابت مكنة وفتيس
 

فداك الف مكنة ، انته احسن حاجه تعملها تجيب شورت بلوك وفتيس اوتوماتيك استيراد ، سعرهم مش غالي ، انا من الاسماعيلية وحصل معايا نفس اللي حصل معاك وعربيتي نوبيرا وان اوتوماتيك ، ولسه بفكر هعمل ايه وهجيب المكنة والفتيس منين ، مع العلم ان عندنا في الاسماعيلية احسن واحد احمد سعيد في هدي شعراوي .

ياريت اعرف من حضرتك الميكانيكي اللي بتتعامل معاه اسمه ايه ومكانه فين
وبالنسبه لزيت الفتيس الاوتوماتيك للنوبيرا انته بتحط اد ايه زيت 5 كيلو ولا اكتر ولا اقل ، وبتاخد قراءة زيت الفتيس عندك ازاي .

رد: دلوني علي الحل نوبيرا 1 ..جابت مكنة وفتيس
 

بالنسبة للمكنة هتجيب مكنة استيراد ووسعرها فى حدود 3000 جنية كاملة بالفتيس الاتوماتيك ..

لو عاوز تجيبها من بورسعيد ممكن احاول اجبهالك ارخص شويه ..

الفتيس فى احتمال انه يكون عيب حساسات ده اذا كان بيمشى حلو ومفهوش تنتيش او رزع .. حاول تعرضة على حد شغال فى الفتايس الاتوماتيك ..

رد: دلوني علي الحل نوبيرا 1 ..جابت مكنة وفتيس
 

استاذ حسام بالنسبة لحساسات الفتيس الاوتوماتيك ممكن تتعالج وفيه حد في بورسعيد متخصص في الفتيس الاوتوماتيك ممكن اروحله ، وهل الحساس موجود داخل الفتيس ولا ن بره .

رد: دلوني علي الحل نوبيرا 1 ..جابت مكنة وفتيس
 

galal mohammed

شكرا لردك الكريم

انا امبارح واول لقيت العربية بتمشي عادي والغيارات بتعد بشكل طبيعي ومفيش لخبطة مستغرب
مع اني روحت لكهربائي الاتوماتيك الي في ابوعطوة لو تعرفه وقالي ده فتيس
روحت للميكانيكي الي عند الجلاء قال فتيس مع انه مبصش كويس
بس العربية بقالها يومين بتمشي كويس بغض النظر عن ان المكنة كده كده خفيفة وبتاكل زيت لكن العربية ماشية عادي والغيارات مبتهربش عملتها مرة او مرتين امبارح والنهاردة والباقي تمشي طبيعي

انا لسه مش عارف هعمل ايه لكن مش لاقي فعلا ميكانيكي بيفهم في اسماعيلية بتاع اتوماتيك صح كلهم شمال مع احترامي للي معرفوش

رد: دلوني علي الحل نوبيرا 1 ..جابت مكنة وفتيس
 

الفتيس امبارح والنهاردة ماشي كويس عملها مرتين او 3 بينتش ويرزع وياخد الغيار متأخر قوي لكن بيتظبط علطول والعربية باقي الوقت ماشية كويس وبتغير طبيعي

بالنسبة للشورت بلوك كامل والفتيس بس انا شفت فتيس احدث شوية من الي عندي بتاع نوبيرا 1 لكن اخر موديل منها اتوماتيك لكن مختلفة شوية في D , D1 بدل العادي D,1,2,3

عايز اعرف لو مكنة وفتيس هيعملو كام ولو شورت بلوك وفتيس هيعملو كام في بورسعيد وع التجربة قد ايه

رد: دلوني علي الحل نوبيرا 1 ..جابت مكنة وفتيس
 

بص لو زيت الفتيس مظبوط (بيتقاس والعربية دايرة وسخنه وعلى R) يبقى فى مشكلة فى الفتيس .. لو فى رزع مع الغيارات وتنتيش وخنقه يبقى الفتيس بدأ يضعف ومحتاج يتغير .. ونصيحه متصرفش على الفتيس حاجة .. بالنسبة للحساسات انا مش متاكد فى النوبيرا ايه بس انا عدى فى الافانتى فى حساسين بره الفتيس ودول مسئولين عن الغيارات ودول غالبا بيحتاجو تنضبف بس ..

بالنسبة للمكنة انا ممكن رينج سعرها بالفتيس حوالى 3000 الى 3300 لان فتيس النوبيرا 1 ماسك سعر لانه مطلوب ..

لو مكنه شورت بلوك تعمل فى حدود 1200 الى 1500 جنية ول كامله من 2000 الى 2300 ..

لو عندك استعداد تيجى بورسعيد عرفنى وهسالك على المكنه والفتيس وهحاول اجيبهملك بسعر ارخص شويتين من حبايبنا هنا .. وكفاية انك تنورنا فى بورسعيد بس ساعتها الافضل انك تركب هنا .. والتجربة بتبقى كام يوم .. يعنى ممكن 3 او 4 ايام عموما الفتيس بيبان اول ما تمشى بيه شويه والمكنه كذلك فمتقلقش باذن الله وتحت امرك ..