تركيب نظام نيتروس
 

NOS
Nitrous Oxide System
ممكن أركب نظام نيترو على BMW 116i بإضافة لتربو
http://www.flatlanderracing.com/nitrousqa.html


.
.
.
إعذروا جهلى و أنتظر تفسيراتكم مكن و لا لأ وتنصحوا بأيه علشان أظبط البيرفورمانس بتاعها ؟؟؟

رد: تركيب نظام نيتروس
 

طبعا يا باشا ممكن تركب بس اختار حاجة منهم و انا بفضل التربو

رد: تركيب نظام نيتروس
 

طيب التربو هيبقى نس تظام النيتروس فى التحكم و لا لأ
و الموتور بتاع العربيه هيتحمل و لا ايه أصله 1600 cc
http://www.rolinimports.com/products...t_launcher.jpg

رد: تركيب نظام نيتروس
 

و معلش يا باشا أصلي لسه نيو يوزر فى عالم العربيات و التعديلات و شكرا على سرعه أستجابتك و مشاركة معلوماتك

رد: تركيب نظام نيتروس
 

بص يا باشا انا هتكلم في اللي انا افهم فيه اكتر

التربو يركب علي اي موتور حتي لو 1000 سي سي تمام كده

المهم يكون التربو علي اد الموتور اللي هيتركب عليه و يكون التربو كيت كاملة بمشتملاتها من ميجا سكيرت و مواسير ايكزوزت و رشاشات سبور و كل ده يتظبط صح

لو انت عايز تركب تربو علي موتورك بدون ما تعدل في الموتور هتركب التربو بمشتملاته و انت موتورك 115 حصان هيطلعك لحوالي 200-220 حصان و يمكن اكتر حبه بسيطة ده لو انت عايز متعدلش في الموتور تمام كده

اما لو عايز قدرة اعلي من كده هتضطر تغير حاجات في الموتور عشان يستحمل القدرة العالية اللي هنطلعها من التربو او بمعني اخر عشان يستحمل ضغط التربو العالي و الخرج العالي و التغيير هينصب علي حاجتين (البساتم+البيلات) هيتشالو و يتحط بدالهم (بساتم+بيلات) forged ومعني كلمة forged يعني قطع مصنعه من مواد خفيفة و صلبة جدا مصممة لتحمل الضغط العالي بس لو غيرت الحاجات دي هتطلع ما لا يقل عن 350 حصان و اكتر من موتورك ال1600 من غير ما تسقط مكن اعلي

و طبعا التربو بيتظبط انه يطلع جزء من طاقته و ليكن عند 2500rpm و يطلع قوته كاملة او الضغط اللي التربو مظبوط عليه و ليكن 14psi عند 3500 rpm مثلا فاهمني اما النيتروس هو بالزرار تدوس تلاقي العربية اتهبلت و جالها جنان و التحكم فيها بقي صعب جدا غير ان التفجير الغير عادي اللي بيحصل في غرفة الاحتراق مبستريحلوش

اما التربو فا فكرته بتعتمد علي سحب كميات كبيرة من الهوا و ضغطها داخل غرفة الاحتراق للحصول علي خرج و اداء اعلي و بالتالي هوا اكتر يعني لازم نسبة البنزين اللي داخله تزيد عشان كده بيتحط ميجا سكيرت بدل الكنترول و رشاشات اكبر او سبور و طبعا التربو بيبقي بالكوولر بتاعه عشان كل ما الهوا حرارته قلت كل ما الاداء بقي اعلي يعني اللي بيركب(تربو-فرن التربو-الكوولر-ميجا سكيرت-رشاشات-اين تيك-مواسير ايكزوزت) و طبعا هتظبط الفرامل

اما النيتروس انا مش بحبذه لان قليل اللي بيعملوه في مصر و قليل اللي بيملوه كمان و هو اخره 3 دوسات و الانبوبه تخلص و تروح تملاها تاني انما التربو مستديم معاك

رد: تركيب نظام نيتروس
 

الله ينور عليك و يجعلها فى ميزان حسناتك أنت فاهمتنى اللى كنت عاوز بالظبط
طيب لو أنا عدلت على الموتور هتأثر على عمر الموتور
التربو كيت بالتعديلات على الموتور بفرامل محترمة هتخشلها فكام كده تقريبا
لو القوهطلعت لـ 350 حصان ptmnlo123per154 يبقى هحتاج عداد أكبر صح و لا دى بتأثر على سرعه السحب بس
و مش بتحتاج عداد أكبر يبقى الماكسيمم بتاع العربيه هيزيد من 204ك\س لكام كيلو
و ألف ألف ألف ألف ألف ألف ألف ألف ألف ألف ألف ألف ألف ألف ألف ألف شكر ليك

رد: تركيب نظام نيتروس
 

الله يخليك يا باشا:)

هو مش تعديل هو مجرد بتشيل و بتحط هتشيل بساتم و تحط بساتم فاهمني

بس انا ليا رأي..

دي bmw و مش اي bmw دي 116 و عربية جديدة و كده و التعامل معاها مش سهل يعني عشان تفك المكنة و ترجع تظبها تاني مش هتعرف تظبطها غير في التوكيل و هياخدوا منك ارقام مفزعه

كمان يعني لو ركبت تربو علي موتورك عايز ايه اكتر من 220 حصان دول حلوين اوي يا باشا الا بقي لو انت عايز تقلبها سوبر كار و تطلع علي 400 حصان و اكتر ده هيبقي صعب في حالة عربيتك لان حاجتها غالية يعني طقم البساتم الforged مثلا لعربيتي يعمل 1500 جنيه مستعمل يعني اكتر من 2000 جديد شوف انت بقي عربيتك هيوصل سعر بساتمها كام

فا عشان تاخد قدرات عالية اوي هتكلف نفسك مبالغ ضخمة

انما لو سقطت التربو علي موتورك و غيرت الحاجات اللي قلتلك عليها بس و ظبطناها هتبقي جميلة جدا و هتعجبك و هيبقي في ايدك تفتح بوست اعلي للتربو في اي وقت يعني مثلا تحط بنزين 95 يفتحلك بوست 16 تحط ميثانول يفتحلك بوست اعلي فاهم

و بالنسبة للتساؤل بتاع العداد لا طبعا مش بتأثر علي السحب بس بتأثر علي التسارع و السرعة القصوي

و شوف لو انت ناوي فعلا و مجهز فلوسك قولي و انا اساعدك في الموضوع ده سكته سالكه بالنسبة ليا