جيلى ck2
 

السلام عليكم
انا قدامى عربيه جيلى ck2 العربيه حالتها حلوه فوى ماشيه 40000 مويل 2008 هى جديده خالص انا بس عايز اخد رايكم فى العربية دى و استفسر عن قطع غيارها و صيانتها و مراكز الخدمة اللى بتشتغل فيها و ياريت لو حد يعرف مركز خدمة بيشتغل فيها فى الهرم عشان اكشف عليها هناك قبل ما اشتريها
و يا ترى هى التوكيل بتاعها فين انا اتصلت بغبور قالولى ان العربيات اللى تبعهم هى الجيلى الجديده بس فياترى الموديلات القديمه توكيلها فين

رد: جيلى ck2
 

بص يا باشا انا من الهرم ومعايا ck1 وقطع غيارها حتى الآن مش بلاقيها غير عند قاصد كريم اللي في فيصل بجوار بشبش الحلواني وصيدلية غادة وليه فرع تاني في شارع البورصة اللي جنب دار القضاء العالي برمسيس ومافيش عندهم فصال ، أما بالنسبة للتوكيل فسألتهم وقالولي انه على طريق مصر الإسماعيلية تقريبا الكيلو 6.5 مش متذكر قوى
اتمنى اني أكون قدرت اساعد حضرتك

رد: جيلى ck2
 

شكرا يا باش على الرد لكن مقلتليش انت ايه رايك فى العربيه بشكل عام مميزاتها و عيوبها و تنصحنى اشتريها و لا لا

رد: جيلى ck2
 

هى معروضة عليك بكام ؟
كان في واحد كاتب ان غير الموتور وحط موتور الفيرنا قولت اعرفك علشان مستقبلا برضة

Re: رد: جيلى ck2
 

تمام يا باشا هى معروضه ب 38 ماشيه اربعين الف كيلو فبريكه جوه و بره حالتها ممتازه

رد: جيلى ck2
 

والله ياريس العربية اللي معايا ck1 وبالنسبة لأني أول مرة أسوق ومش هاقدر أحكم بصفة الخبير عليها وأقول حلوة ولا وحشة بس العربية مريحاني جدا ماتورها كل اللس ركبها قال تمام التكييف عندي بايظ فمش هاقدر اقول كويس ولا لأ عيوبها طبعا سر قطع الغيار بالمقارنة بنفس فئتها بس هيه مريحاني الحمد لله

رد: جيلى ck2
 

انا معيا جيلى 2008 بصرحة انا شايف انها عربيه محترمة بنسة للفئه والسعر ده
وبالنسه لقطع الغيار دى مفهاش مشكلة لان فى ناس بتبيع قطع غيارها وفى حاجات من التويوتا 98-99 بتركب عليها لانها تقريبا فيها نفس الموتور
http://www.masrmotors.com/vb/showthread.php?t=97743
بس انا جيبها عمل تقريبا 100 الف وكان عندى صوت فى الفيتيس وغيرت البليى بتاعه
و اعرف ان فى ناس حصل معهم نفس المشكله ده بعد ال100 الف وغيروه بلبى الفيتس
وفى حد جاب فيتيس استيراد تقريبا ب 2500
والتوكيل تعبان وانت مش محتاجه فى حاجه