مشكله عوييييييصه فى تكييف الافيو
 

انا عندى مشكله فى تكييف العربيه انا عربيتى افيو 2007 و مركونه بقالها فتره , جيت استخدمها لقيت الفريون مسرب , روحت لحد معروف بتاع تكييف و كل الناس بتشكر فيه , قالى ده خرم فى السربنتينه و طلعها لحمها و كبس فريون , تانى يوم لقيت الهوا بتاع التكييف فاتر مش بارد خالص , شويه و يرجع يبرد تانى شويه و يرجع يجيب هواء فاتر , روحت للراجل تانى و قالى ان الفلتر بتاع التكييف و شاور على السربنتينه (مش اللى ورا التابلوه) مسدود و عاوز يتغير و سعره 200 جنيه !!! انا حاسيته بيهس عليا علشان انا بنت و مش فاهمه اتخانقت معاه و اخدت فلوسى و مشيت , روحت لواحد تانى قالى دا الكباس هو اللى بايظ , و غير الكباس و غير امبوبه تانيه كده ليها خرمين قالى مسدوده (امبومه تخينه ماسكه فىى جنب السربنتينه) و برضه مفيش فايده برضه بيدى هواء فاتر ؟؟ ايه المشكله بقى ؟؟؟؟؟!!!!! انا تعبت خالااص

رد: مشكله عوييييييصه فى تكييف الافيو
 

انتى ضحية نصب
البيه ممكن ميكونش حقن الفريون المناسب للعربية و الجزء اللى بيتشحن منه الفريون للعربية بيكون صمامه ضارب المفروض قبل ما يلعب فى السربنتينة كان يفحص المواسير و التوصيلات

معلش ايه وضع سينسور التكييف و ايه حالة الكونترول بانل بتاعة التكييف هل المقبض بتاع السخن و البارد سليم و هل كشف عليه

الراجل اللى غير الكباس ادالك الكباس القديم ولا اخده ليه ؟؟

صعب تحديد المشكلة دية بمجرد الوصف يا ريت تروحى لمركز تكييف متخصص

رد: مشكله عوييييييصه فى تكييف الافيو
 

رد: مشكله عوييييييصه فى تكييف الافيو
 

و الله موضوع نصبة التكييف لا ليه دعوة براجل و لا ست
انا اتلسعت 1300 جنيه على مدار 3 شهور دا غير العطلة و حرقة الدم لغاية لما ربنا رزقنى بناس بتفهم
فيا ريت حضرتك منين و الاعضاء يدلوكى على اقرب واحد عنده ضمير و بيفهم

رد: مشكله عوييييييصه فى تكييف الافيو
 

هو حضرتك الراجل اللى حضرتك روحتيلو ده وبتقولى عنه انه معروف ممكن نعرف هو مين او حتى مكان ورشته فيين ؟؟؟

رد: مشكله عوييييييصه فى تكييف الافيو
 

انا اسقه اتأخرت كنت مسافره
الراجل اللى قلت عليه اسمه المراكبى فى جسر السويس
و التانى اسمه العفريت (محل صغير) فى مدينة نصر ورا رابعه
انا ساكنه فى مدينة نصر , عاوزه اى حد فى مدينة نصر او مصر الجديده
انا شاكه انها تكون فيوزاات

رد: مشكله عوييييييصه فى تكييف الافيو
 

شكرا ليك , بس انا مش فاهمه اى حاجه فى اللى بتقولها ؟؟؟!! ايه سنسور التكييف و ايه حالة الكونتروول ؟؟؟ و ايه المقبض ؟؟؟؟ انا اسفه قوى , فهمنى كده واحده واحده .
انا شاكه انها تكون فيوزاات
و انا ساكنه فى مدينة نصر قولى على مكان كويس , ممكن مدينة نصر او مصر الجديده
شكرا