عاوز اسافر مطروح بالنوبيرا حبيبتي
 

انا لسه جديد هنا معاكو يا جماعه واشتركت مخصوص علشان الناس اللي هنا بجد خبرتهم بتخليني عاوز اتكلم معاهم واستفيد من خبرتهم
انا معايا نوبيرا 2 2001 اتوماتيك وعملت فيا مصايب وبلاوي من يوم مجت وهي بتاخد في فلوس والحمد لله مش ببخل عليها بحاجه ومن اخر مشكله حصلت معايا وصلحتها حاسس دلوقتي أني سايق عربيه جديده ومش بسمع صوتها خالص المهم علشان مطولش اكتر من كده انا عاوز اسافر بيها مرسي مطروح تنصحوني بأيه وانا مسافر وايه اللي اعمله قبل الرحله دي علما بأني عندي ردياتير جديد والعفشه يدوب لسه ملينه من شهر والكاوتش لسه جديد ماركه محترمه وكود السرعه H وكمان قوليلي امشي علي كام في طريق زي ده وخصوصا انكو عرفين الاتوماتيك بعد الرابع بتبقي مغريه جدا وببقي مش عاوز ادوس فرامل ومش بسمع صوت الموتور خالص عاوز خبرتكو يا جدعان وشكرا ليكو مقدما

رد: عاوز اسافر مطروح بالنوبيرا حبيبتي
 

لازم تاكد علي الكوتش االاستبن والزيوت اللي في العربيه وفولها قبل ان تسافر

رد: عاوز اسافر مطروح بالنوبيرا حبيبتي
 

الزيوت تمام الحمد لله ولسه مغير زيت موتور امبارح والاستبن هبص عليه انشاء الله عاوز اعرف كمان الثبات في السرعات العالي بيبقي لحد كام لما يكون في العربيه حوالي 4 ركاب وشنطهم
انا اعلي سرعه جبتها بيها كانت 160 وكنت حاسس انها بدأت تطير مع مطبات الهوا علشان كنت راكب لوحدي
واريحها كل كام كيلو او كام مره واو ريحتها اريحها قد ايه كده نص ساعه مثلا ولا اقل ولو خدت المشوار متواصل هيبقي في مشاكل ولا لأ معلش يا جماعه انا بسأل علشان اول مره اسافر بعربيتي

رد: عاوز اسافر مطروح بالنوبيرا حبيبتي
 

رد: عاوز اسافر مطروح بالنوبيرا حبيبتي
 

رد: عاوز اسافر مطروح بالنوبيرا حبيبتي
 

الحمد الله رجعت اهه المسافه فعلا مش بعيده عن 500 كيلو بس وكنت سايق انا واخويا كل واحد شويه علشان الزهق والعربيه فعلا جميله جدا في السفر وفي الجري وفي كل حاجه الحمد لله مكسفتنيش وبس المشكله اللي واجهتني بس هي ان العربيه وانا علي سرعه عاليه مش بتسحب جامد وبتتخنق مني طول منا فاتح الشبابيك لما قفلت الشبابيك وشغلت التكهيف بقت كويسه شويه ولما زودت سرعه عن 140 بدأت تصفر وعرفت المشكله كانت في الجلد اللي في السقف علشان كان ناشف اوي وانا راجع غسلته ليلتها بميه سخنه وحطتله بدره تلك زي مواحد صاحبي قالي معرفش كان بيتكلم جد ولا بيقلش بس انا سمعت بنصيحته وحسيت بفرق مبقتش بتعمل صوت خالص علي اي سرعه المهم بالنسبه للسرعه العربيه اخرها 170 انا جبت اخر الدواسه عربيتي اتوماتيك بعد ال170 مبتزودش بيثبت الامبير وهي علي ال 140 بيبقي الربي ام علي 4 وبعد كده كل 10 كيلو ب 0.5 ار بي ام لما مشيت كتير علي 140 حوالي ساعتين تقريبا مكنتش بنزل عن 140 او 150 لمبه تشيك موتور نورت مني لما بنزل ل120 بتطفي وعرفت السبب هو ان فيشه حساس الهواء اتحركت من مكانها كنت مسافر معايا عربيتن نوبيرا 2 وعربيه شيفورليه لانوس والحمد لله كلو كان ماشي مشغل التكهيف وكانو عرفين اماكن الردارات وكانو بيظبطوني معاهم علي الموبايل قبل الردار بيتصول بيا علشان نهدي ونمشي علي 100 وبالنسبه لاستهلاك البنزين فكانت بتستهلك كل 12.5 كيلو 1لتر والحمد لله وده اللي كنت مستغربه شويه بس عرفت ان السرعه العاليه مبتستهلكش بنزين وبالنسبه للتسارع فالعربيه انا حاسس انها بقت اسرع من الاول ولما حسبتلها وانا مروح كانت بتجيب من 0 ل 100 في 14.5 ثانيه بالظبط

رد: عاوز اسافر مطروح بالنوبيرا حبيبتي
 

حمد الله على سلامتك وايه اخبار الطريق والمظاهرات هناك لأنى انا كنت هناك قبل رمضان وكان كله تمام لكن بسأل دلوقت عشان اروح تانى الناس بتقول الطريق مش حلو وان هناك مظاهرات كتير