مصر موتورز مجتمع السيارات - كاوتش طري و مريح و ثبات و فرامل .. اديني بلف و اقرا لما دماغي ورمت

مصر موتورز مجتمع السيارات (https://www.masrmotors.com/vb/index.php)

- إطارات السيارة (https://www.masrmotors.com/vb/forumdisplay.php?f=151)

كاوتش طري و مريح و ثبات و فرامل .. اديني بلف و اقرا لما دماغي ورمت

كاوتش طري و مريح و ثبات و فرامل .. اديني بلف و اقرا لما دماغي ورمت

المعادلة الصعبة ان الكاوتش يبقى فيه كل حاجة مريح و طري و في نفس الوقت يبقى اداءه عالي و ثبات و فرامل و ضيف عليهم الامان و الاستحمال

انا عايز اشتري حاجة كويسة و مش ناوي استرخص لان انا اساسا عربيتي لانوس مقاسها 13 175/70 و فرق السعر مش بيبقى كبير في المقاس الصغير ده و كمان انا عايز اجيب حاجة من الاخر لان انا ببقى حاسس بكل زلطة في الارض و انا ماشي فعايز اعوض بكوتش مريح

انا رسيت على ان افضل الانواع الميشلان و البريدجستون و التويو و الكمهو و gt

انا اللي راكب عندي فردتين كومهو سولس و فردتين gt و حاسسهم ناشفين فهستبعدهم

ايه رايكم بقى في الانواع التانية ؟؟ و بيقولو البريدجستون ممتاز ثبات و تحمل و عمر و فرامل بس ناشف فشكلي هستبعده لان شرط اساسي يكون مريح حتى لو كان بينور في العتمة

شكلها هترسي على الميشلان

يا ريت ما تبخلوش عليا بخبراتكم و تجاربكم و للجميع جزيل الشكر مقدما

اه صحيح انا سالت على الميشلين عند الوحش (في المنيا) الفردة عاملة 425 بس نسيت اساله على بلد الصنع

و شوفت عند واحد بتاع كوتش معرفة نكسون كوري ( 335) و قاللي على نوع سموتومو او سوتوموتو حاجة كدا ب 420 انا استغربت قوي لان اول مرة اسمع عنه و غالي كده بس هو قالي انه ياباني على ابوه و ان مستحيل الاقي ياباني

و يا ريت بعد اذنكم تذكروا اسامي الموديلات او ارقامها لو تعرفوها