|
الزجاج الكهرباء مش بيفتح
السلام عليكم
كل سنه وانتوا طيبين وعيد سعيد عليكوا جماعه انا كنت راكن العربيه طول شهر رمضان وشايل البطاريه فى البيت وكنت كل عشر ايام بنزل اركبها واسخنها نص ساعه وافكها تانى نزلت يوم الوقفه ركبتها وغسلت العربيه وظبتها عشان اخرج بيها فى العيد وكانت تمام نزلت النهارده بقى الظهر كنت هخرج بالعربيه لاول مره بعد شهر رمضان لفيت الزجاج الكهرباء كله مش بينزل !!!!!! والمشكله انا الاربع ابواب كهرباء وطبعا فى عز الظهر يعنى جحيم جوه وانا التكيف عندى بايظ فطبعا مخرجتش بالعربيه ياترى ايه السبب ؟ انا لاحظت حاجه غريبه مش عارف ليها علاقه ولا لا دلوقتى المفروض لما بحط المفتاح والفه نص لفه الكونتاك بيفتح وبيجي صوت زنه كده عندى واكمل اللفه العربيه تدور انما النهارده انا بلفه نص لفه مش سامع صوت الكونتاك لكن لما بلفه للاخر العربيه بتدور عادى جدا والكلاكس والانوار والكاسيت شغالين ياترى ممكن يكون ايه السبب ؟ العربيه جيب شيروكى 93 |
رد: الزجاج الكهرباء مش بيفتح
صوت الزنة دي صوت تحضير الطلمبة بتاعت البنزين - مفيش الصوت فيه مشكلة في نظام التحكم
والزجاج فيه تسريب مايه بعد غسيلها - امشي شوية وهتتحل |
رد: الزجاج الكهرباء مش بيفتح
اقتباس:
انا هطلع بيها بكره واشوف ايه النظام بس بالنسبه للزجاج المشكله ان الاربع ابواب مش بتفتح وانا غسلتها بجركن مش خرطوم وعملتها كتير قبل كده والزجاج كان بيفتح عادى عالعموم همشى بيها بكره واشوف النظام ايه |
رد: الزجاج الكهرباء مش بيفتح
ان شاء الله خير
طب لو الزجاج مشتغلش شيك علي الفيوزات وغير التالف فك أي مفتاح وليكن الراكب الامامي وشوف فيه 12 فولت ولا لا لو مفيش شيل كرسي الراكب والسجادة وشيك علي الكابل لونه برتقالي بخط ابيض ممكن يكون مقطوع |
رد: الزجاج الكهرباء مش بيفتح
او مفتاح المستر محتاج يتغير
|
رد: الزجاج الكهرباء مش بيفتح
وشيك كمان علي الضفيرة اللي داخلة علي باب السائق ممكن فيه سلك فاصل - 90% دا العيب لان جميع الابواب مش شغالة
|
رد: الزجاج الكهرباء مش بيفتح
بجد شكرا يا باشا عالردود والاهتمام
انا نزلت النهارده بالعربيه واكتشفت ان كمان كل العدادات واقفه مش شغاله خالص عداد السرعه والار بى ام والبنزين والكيلوات وكله واقف بس الانوار والكاسيت والكلاكس شغالين هل ده ليه علاقه بفصل البطاريه طول رمضان ؟ مع العلم انى كنت كل عشر ايام بنزل اركبها واسخنها نص ساعه انا مش بفهم اوى فى الفيوزات والضفيره وخصوصا ان العربيه جيب شيروكى والكهرباء بتاعتها معقده جدا فبعد العيد ان شاء الله هوديها لكهربائى يشوفها بس اتمنى تكون مشكله فيوزات مش حساسات |
| الساعة الآن 06:37 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017