|
الحمد لله إشتريتها بس محتاجكم
الحمد لله اشتريت ابيزا موديل 99 والحمد لله العربيه حالتها كويسه بس في بعض المشاكل ياريت تفيدوني في حلها
صاحب العربيه كان مهبطها فسألت ميكانيكي عشان كان بيغير البوجيهات فبقول ليه هو انا عاوز اجيب مساعدين جداد عشان وهي متهبطه بتحك جامد في المطبات فقال ليا مينفعش ترفع العربيه خالص حتى لو غيرت المساعدين عشان الموتور بتاعها تقيل لإنه الموتور بتاعها جولف 1400 س س هل كلامه صح وهتفضل تحك معاي في كل مطب ولا إيه ياريت تساعدوني ضروري يا جماعه .. لإني بجد محتار ومعرفش حد ورحت لشارع كله ميكانيكيه وكلهم نازلين إشتغالات فيا مستني ردكم بفارغ الصبر |
رد: الحمد لله إشتريتها بس محتاجكم
الف مبروك علي العربية
المساعدين بتوع العربية دول هما الاصليين بتوعها ولا مساعدين سبور و السوست كذلك اصليين ولا سبور؟ و لو السوست الاصلية بتاعتها السوست مقصوص منها حلقة او حلقتين ولا لا؟ المساعدين سولام ولا خفاف عشان كده مهبطين العربية؟ و سيبك من الهجص بتاع موتورها تقيل و مش تقيل و الكلام اللي ملوش لازمه ده كله |
رد: الحمد لله إشتريتها بس محتاجكم
محمد لو سمحت هات نمرتك لاني بمر بمرحله محتاجك جنبي فيها بعد إزنك لإن خبرتي في العربيات مش قد كده
|
رد: الحمد لله إشتريتها بس محتاجكم
العربيه فيها عيوب كالأتي
العربيه بتنتش ومش عارف إيه الحل .؟؟؟؟!!!!! والراجل اللي اشترتها منه مهبط العربيه جامد اوي رحت النهارده لواحد بتاع عفشه قال ليا الموضوع سهل وبسيط وهنشيل السوست ونحط سوست جديده والعربيه هترجع لإرتفاعها الطبيعي وقال ليا هنعمل حل تاني وهو هنركب للسوست علايات وهترجع لإرتفاعها الطبيعي تنصحوني أعمل إيه ..؟؟!!! هو نصحني انه هينزل تحت العفشه وهيبص على السوست وهيشوف الحل الأمثل والأصح وهيعمله هل الراجل ده بيفهم ولا لا ..؟؟ يا جماعه ياريت تساعدوني بليز |
رد: الحمد لله إشتريتها بس محتاجكم
العفشجي دا بيفهم و كلامه صح
الافضل طبعا انك تجيب سوت اصليه و تكون جديده حترجع العربيه لاصلها دا في حاله ان المساعدين بتاع العربيه سليمه العلايات انا بصراحه مش بحبها رغم انها كويسه مع ناس كتير بس انا من انصار عدم اللعب في العفشه مهما حصل. بالنسبه للنتشه فانا مش فاهم حضرتك تقصد ايه او العربيه بتعمل ازاي عموما اعمل لها صيانه و غير فلتر البنزين و الهوا و هات منظف للرشاشات و ان شاء الله حتلاقي النتشه دي راحت. ما تنساش طالما شاري العربيه جديده غير سير الكاتينه و سير الدينامو و غيار زيت و فلتر زيت و فلتر هوا علشان تمشي بالعربيه مطمن |
رد: الحمد لله إشتريتها بس محتاجكم
شكرا يا حازم على المساعده وعلى انك طمنتنتي
انا هنزل دلوقتي اشوفهم عملوا ايه في العربيه واما هرجع هطمنكم ان شاء الله وشكرا ليكم على مساعدتي تاني مره |
رد: الحمد لله إشتريتها بس محتاجكم
اقتباس:
-طقم فلاتر(هوا-بنزين-زيت) -طقم سيور(كاتينة-دينامو) متغيرش بلية الدينامو الا لو بايظه لو سليمة متغيرهاش سير الكاتينة غيره كل 35 الف كيلو و ايد انت غيرت الزيت و سير الكاتينه عند كام كيلو تغير زيت (بي بي فيسكو 2000 بيعد 10 الاف كيلو سعره 72 جنيه بيتباع في بنزينة الغاز اللي في شارع مصدق اللي ورا بنزينة التعاون و غير بوجيهات (فيمو 3 شمعه) او ngk الاصلي او flag الماني و بنزين 92 و منظف رشاشات و انت بتفول التانك ادلقه في التانك منظف من بنزينه شل كان ب 26 جنيه برضه العفشجي ده مجابش من الاخر.. حالة المساعدين ايه؟ السوست مقصوصه ولا سليمة و اصلية ولا سبور السبور بتببقي قصيرة و المسافة بين الحلقات ضيقة الاصلية بتاعتها بتبقي سوست عادية استفسر عن الحاجات دي و قولي متحطش علايات العلايات بتخليها اعلي من ارتفاعها الطبيعي مش في الارتفاع الطبيعي بتاعها |
| الساعة الآن 08:08 PM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017