استشارة لشراء كيا برايد
 

السلام عليكم ورحمة الله وبركاته
أنا كنت بسال بس انا لسه اول مرة اركب عربية ولسه هتعلم السواقة وبفكر اشتري عربية كيا برايد سيدان ... ايه رايكم اختيار صح ولا غلط ؟؟؟

رد: استشارة لشراء كيا برايد
 

اختيار كويس جداااا ,العربية ناعمة ,ولو كاملة (الباور بتاعها كويس ,تكييفها كويس وتبريدوا حلو جدا) العربية عامتا جميلة من ناحية الحجم ,واقتصادية جدااااااا فى البنزين ,وقطع غيار جديد واستيراد موجودين كتير اوى اوى ,والعربية بتاعت شغل ومشاوير ومبتقولش لأ ..... بس برضوا ليها عيوب لازم تكون عارفها ,الثبات بعد ال100 مش كويس ,عفشة ناشفة بس دة ميزة وعيب ,ميزة انها بتستحمل شوارعنا الحلوة ,العيب انك حتحس بكل الدغدغة اللى فى الشارع ,العربية ماتورها كويس واى ميكانيكى يعرف يشتغل فيها وكمان اعطالها قليلة ,بس بردوا عزم الموتور مش حلو (62 حصان بس بالنسبة للكربراتير) ,وعزل العربية مش حلو تحس وانت مقفل الشبابيك انك لسة فى الشارع برضوا
بس اجمالا بالنسبة لعربية اول مرة البرايد اختيار ممتاز جداااا
بس الاهم الحاااااااااااااااااااااا اااااااالة وياسلام لو تجيب الكاملة منها (تكيف ,باور ,....) علشان حترتاح معاها اوووووووى
ربنا يكرمك ان شاء الله بواحدة كويسة
لو احتجت حاجة انا معاك

رد: استشارة لشراء كيا برايد
 

جزاكم الله خيرا
بس ايه راي حضرتك لما اشتري انزل السوق ولا اعمل ايه بالظبط
وهي في حدود كام لو حالتها كويسه

رد: استشارة لشراء كيا برايد
 

ياجماعة لو حد قدامه عربية كويسة ياريت يقولي
وشكرا

رد: استشارة لشراء كيا برايد
 

انا الصراحة مبحبذش السوق ,لأن السوق عاوز واحد فاهم فى العربيات ويعرف يحكم على العربية اللى بيشوفها كويس ودة صعب عليك بما انها اول عربية ..... خليك على النت ,موقع كونتاكت كارز او دوبيزل مليانين ... دور وخليك فى العربيات اللى ليها صور ,واتقل تاخد حاجة نضيفة ,ومتستعجلش
البرايد السيدان الحلوة اللى مفيهاش كلمة 35 او 36 الف
البرايد الهاتش باك اللى مفيهاش كلمة اخرها 32 الف
ومتستخسرش فى حالة كويسة ,لو دفعت الف او الفين زيادة حتريح دماغك وحتريح جيبك , دى بقى نصيحة مجرب :D

رد: استشارة لشراء كيا برايد
 

ياجماعة انا معروض عليا عربية كيا برايد سيدان كوري 1998 مكيفة وانذار وسنتر وازاز كهربا والحالة العامة كويسة على 35000 وكذا حد يقولي كده كتير وديه اخرها 30000 ياترى الكلام ده صح ولا كده كويس وهل المبلغ ده يجيب افضل برايد سيبيا ايراني موديل حديث وتكون احسن من الكوري 1998 ... وجزاكم الله خيرا

رد: استشارة لشراء كيا برايد