ماهيندرا سكوربيو 2012 4x4 تقييم كامل بعد 6000 كلم
تقرير عن سيارة ماهيندرا سكوربيو 2012 4x4 بعد 6000 كلم http://www.masr1.com/di-8378.jpg السلام عليكم ورحمة الله وبركاته تقريري عن سيارة ماهيندرا سكوربيو 2012 4x4 https://sphotos-a.xx.fbcdn.net/hphot...19919111_n.jpg الموتور : 2000 سي سي بنزين وهو موتور رينو فرنسي 116 حصان و210 عزم دوران التورك عند 4000 لفه في الدقيقه الفتيس : 5 سرعات مانيوال نظام الدفع : نظام دفع رباعي وبها فتيس غرز بكره اوتوماتيك وهي كارونا نوع الشاسيه : السياره لها شاسيه نقل وبه 2 كارونا والسياره ثقيله وناشفه السرعه القصوي : انا اقصي سرعه وصلت ليها كانت 140 كلم الثبات : بصراحه العربيه ليست ثابته وهي خطر جداااا في السرعات العاليه وعلي سرعه 140 كلم كانت خطر وبدات تعوم علي الطريق انا اعطيها 6/10 الفرامل : فرامل زيت عاديه هي كويسه لكن جسم السياره بيميل لقدام عن الفرمله القويه في السرعات العاليه اكتر من 100 كلم انا اعطيها 7/10 العزل الصوتي : متوسط لما تكون فاتح الزجاج وجيد وانت قافل الزجاج انا اقيمها ب 7.5/10 التسارع : العربيه ثقيله جداااا وتسارعها بطيء في البدايه لكن عندما تسرع اكتر تزداد سرعتها وقوه الموتور اقيمه ب 7/10 المقاعد والراحه: الكراسي والفرش جلد ممتاز ومريح لكن كرسي السواق ضيق نوعا ما في منطقه الرجل اعطيه 7/10 استهلاك البنزين : سيء جداااا بصراحه هي بتشرب البنزين شرب واعطيه 3.5/10 قوة وصلابة العربيه : بصراحة العربيه قوووويه جدااا والبدي بتاعها قوي جدااا وبتتحمل اقصي مجهود واعطيه 10/10 القيادة وسواقه العلابيه : بصراحه صواقتها ممتعة جدااا ومميزه لان وضعية السواقه عااااليه جدا كانك سايق اتوبيس او عربيه همر اتش تو واعطيها 9.5/10 ارتفاع العربيه : بصراحه العربيه مرتفعه جدااا وعاليه جدااا من الارض وممتازه في الجبل والطرق الوعره وهي صنعت مخصصه لكده واعطيها 9.5/10 التشطيب والتقفيل : التشطيب الخارجي كويس لكن التشطيب الداخلي هو المشكله الخامات بتاعه الطابلوه فقيره شويه لكن المقاعد كويسه واعطيها 7/10 التكييف : قووووي جداااا وممتاز وتلاجه واعطيه 9/10 اهم مميزات السياره : 1-قوه تحمل العربيه لاقصي واصعب انواع الشغل والتعب ودرجه الحرارة 2-نظام الدفع الرباعي والكارونا والشاسيه النقل القوي 3-الارتفاع العالي من الارض 4-صوت الموتور قوي ويخليك تحس ان العربيه 8 سلندر مش 4 سلندر 5-وضعية القياده المرتفعه ومتعة السواقه والقياده 6-العربيه 7 راكب وفيها صفين تكيف امامي وخلفي 7-القدره الممتازة في الجبل والطرق الوعره اهم عيوب العربيه : 1-استهلاك البنزين الكتيييير والسيء 2-عدم ثبات العربيه في السرعات العاليه 3-ضيق المقاعد الاماميه للسواق عند منطقة الارجل 4-خامات التابلوه فقيره وبلاستيك 5-الفرامل زيت ولايوجد abs وانا اشتريت العربيه ب 125.000 الف جنيه بعض التخفيض من 150.000 الف جنيه http://2.bp.blogspot.com/_BvmYHajzXO...Q4/s1600/8.jpg وارجو ان ينال الموضوع اعجابكم وانتظر تعليقاتكم وارائكم الرائعة وشكراااااااااااا |
رد: تقرير عن سيارة ماهيندرا سكوربيو 2012 4x4 بعد 6000 كلم
رينا يباركلك في العربية وتقرير رائع
|
رد: تقرير عن سيارة ماهيندرا سكوربيو 2012 4x4 بعد 6000 كلم
اقتباس:
شكراااااا علي مشاركتك الرائعة |
رد: تقرير عن سيارة ماهيندرا سكوربيو 2012 4x4 بعد 6000 كلم
تسلم ايدك على التقرير الراااااااااااااااااااااا اااااااائع ده بس يا ريت لو صور للسياره |
رد: تقرير عن سيارة ماهيندرا سكوربيو 2012 4x4 بعد 6000 كلم
تسلم إيد , بس فييييين الصور يا كبير , عايزييييين صور , وشكراً على التقرير الحيادى الصادق .
|
رد: تقرير عن سيارة ماهيندرا سكوربيو 2012 4x4 بعد 6000 كلم
اقتباس:
شكراااااااااا علي المشاركه الرائعه وانا هنزل الصور بس في مشكله ان الصور بتنزل مقفوله مش عارف ليه لو تعرف تساعدني وشكرااااااا |
رد: تقرير عن سيارة ماهيندرا سكوربيو 2012 4x4 بعد 6000 كلم
اقتباس:
شكراااااااااا علي المشاركه الرائعه والمميزه وانا هنزل الصور بس في مشكله ان الصور بتنزل مقفوله مش عارف ليه لو تعرف تساعدني وشكرااااااا |
الساعة الآن 05:22 PM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017