|
الحمد لله جبت سوزوكى فان زيرو وعندى كام سؤال
مساء الخير على اجمل اعضاء
الحمد والشكر لله لسه مستلم عربيتى الفان انا جايبها قسط فى الاول المعرض أخد منى المبلغ بتاع التأمين وقالى المعرض هو اللى بيأمن وبعد ماترخص هديك صوره من بوليسه التأمين الكلام ده صح ولا المفروض انا اللى أأمن بنفسى ؟؟ السؤال الثانى هو ايه افضل زيت موتور ليها يكون كويس جدا ليها وفى نفس الوقت ميكونش غالى اوى ؟؟ اخر حاجه بقى معلش واهم حاجه عايز اعرفها لو ماروحتش صيانه ال 1000 كيلو وغيرت زيت وفلاتر بره العربيه تخرج من الضمان ؟؟ طيب لو روحت هياخدو منى كام علشان اعمل حسابى وهل الاسعار عندهم زى بره ولا اغلى كتير وهيشتغلونى ؟؟ انا بس مش عايز العربيه تخرج من الضمان لحسن لقدر الله يجرالها حاجه وانا اول مره اكب زيرو ومعنديش اى خلفيه عن الحاجات دى واى حد عايز يعرف اى حاجه عن السعر او اجرئأت التقسيط او اى حاجه انا مريت بيها يتفضل يسأل وهجاوب على اللى اعرفه انشاء الله وشكرأ مقدما ليكم جميعأ |
رد: الحمد لله جبت سوزوكى فان زيرو وعندى كام سؤال
الف مبروك ربنا يهبك خيرها ويكفيك شرها ويعينك على سداد قسطها
بخصوص التأمين مش شرط طبعاً يكون تبع المعرض بس هما بيعملو كده علشان يطلعو بمصلحة من قيمة البوليصة ده اقل واجب والمشكلة بقى ان فيه معارض معندهومش ضمير ممكن ميعملش البوليصة او يورد تمنها فانت على الاقل لازم تاخد نسخة من بوليصة التامين وتتاكد من كل حاجة بنفسك مع شركة التأمين والسنة الجاية تأمن انت بنفسك انت كده خلاص مش عايز من المعرض اى حاجة وبالنسبة للزيوت فيه زيت اسمه فيسكو هتلاقى موضوعات عنه فى مصرموتورز كتير هو كويس ورخيص مقارنة بالماركات التانية |
رد: الحمد لله جبت سوزوكى فان زيرو وعندى كام سؤال
اقتباس:
بس انت قلقتنى جدا جدا بموضوع التأمين :( طيب معلش هى العربيه ينفع يتأمن عليها قبل ما ترخص ؟؟ لأن لو كده هتلكك ومش هرخص غير لما المعرض يدينى صوره من البوليصه وانا لو مرخصتش مش هياخد باقى فلوسه من البنك لأنها قسط الله يباركلك ساعدنى فى موضوع التأمين ده لأنى اتعكننت ومش بحب حد ياخد منى حاجه غصب عنى :( |
رد: الحمد لله جبت سوزوكى فان زيرو وعندى كام سؤال
ويسلام لو حد يقولى تكلفه الترخيص فى حدود كام من طفايه ومثلث وضريبه وتأمين وصندوق الاسعافات وشويه الرفايع تبقو خدمتونى اوى
|
رد: الحمد لله جبت سوزوكى فان زيرو وعندى كام سؤال
اقتباس:
|
رد: الحمد لله جبت سوزوكى فان زيرو وعندى كام سؤال
موبيل1 الابيض بس الكلام ده لو انتا حتشغل العربيه ومبروك يا جميل
|
رد: الحمد لله جبت سوزوكى فان زيرو وعندى كام سؤال
انهارده كنت فى المرور وبعد ما فحصت ودفعت الضريبه والتأمين والطفايه وامر استلام اللوحات اتصدمت
نزل قرار ان اللى يرخص فان لازم يكون معاه ايصال كهرباء مدفوع بأسمه على نفس العنوان والغاز والتليفون وعقد الشقه مينفعش اعدت اتحايل على الظابط علشان يمشهالى بوصل الغاز مرضيش :( عملت التماس وطلعت بيه على العقيد رئيس وحدات المرور العقيد نبيل محمد واعدت اتحايل عليه يختملى الالتماس مرضيش والعربيه مركونه والقسط هيعد عليا والمعرض عايز باقى فلوسه من البنك والشركه اللى العربيه كانت هتنزل فيها قالتلى قدامك اسبوع لو منزلتش هنجيب حد :(((((((((((((((((((((( ونفسيتى زى الزفت ومخنوق لدرجه الموت حد عنده حل لان تغيير العداد والاستعلام ولحد مايجيلى اول ايصال فيها شهرين تلاته :(( |
| الساعة الآن 12:39 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017