عندى مشكله مش لقيلها حل :(
 

مساء الخير
ازيكم يا جماعه
انا مقدم على سوزوكى فان وخلصت كل حاجه وهستلم الاحد الجاى انشاء الله وهنزل بيها فى شركه بس المشكله عندى انى مش حافظ الشوارع والاماكن والمناطق وبتوه من أقل حاجه :cry2W9: والشركه شرطها ان اللى ينزل يكون حافظ عنواين ومناطق القاهره الكبرى وانا اتطريت اكدب واقوله حافظ الى حدأ ما علشان الشغلانه ماترش :sd: بس انا ميييييييييييييييييييييييي يييييييييييح خالص أعمل ايه وايه رأيكم مفيش اى برنامج اذاكر منه :w6w2005041113562663 او اى طريقه احفظ بيها الشوارع والمناطق؟؟

رد: عندى مشكله مش لقيلها حل :(
 

بالتوفيق ان شاء الله
في برنامج بيتحط علي التليفون بس انا ما جربتوش قبل كده يا ريت الاخ سيد 2077 يقرا الموضوع بتاعك ويرد عليك علشان هو معاه البرنامج ومشغله علي التليفون ده اولا
ثانيا الموضوع ده بالذات بيجي بالخبره والممارسه وعلي العموم ممكن اساعدك في بادئ المر عن طريق التليفون وانا معايا 010 بيزنس واعتقد اني اعرف شوارع القاهره بنسبه كويسه نوعا ما لطبيعه عملي في شبكات توصيل الغاز الطبيعي للمنازل

رد: عندى مشكله مش لقيلها حل :(
 

جييب جهاز GPS reciever وحطو فل عربية تعرف تجيب عليه الطريق مبين أي مكانين

رد: عندى مشكله مش لقيلها حل :(
 

انا لسة جايب موبايل لابنى بـ 1025 نوعة سامسونج واى
فى جى بى اس بياخد جنية وربع فى اليوم تقريبا الا لو كان ابنى بيضحك على وهو اغلى من كدة
المهم بتقولة المكان اللى عاوز تروحة بالصوت
وهو بيحدد مكانك وبيرسم خط السير بطريقة سهلة اوى وكل ما تمشى الخريطة بتمشى معاك
انا شايفة كويس اوى بالنسبة لك واعتقد انة تمنة فى المعقول

رد: عندى مشكله مش لقيلها حل :(
 

فى الاول احب أشكر كل اللى رد وحاول مساعدتى وبالأخص الاستاذ المحترم ابو جهاد بجد كلك زوق ولو ملقتش حل هكلم حضرتك ع الخاص شكرأ جدأ على أحترامك ومساعدتك وزوقك
الاستاذ Assem Ashraf بشكر حضرتك على الرد ولو حضرتك تعرف كيفيه تشغيله وصعب ولا سهل وسعره كام تبقى خدمتنى وميرسى كمان مره

المشرف المحترم مستر ايسترا يسعدنى ردك على موضوعى هو الموبايل نفسه نازل عليه البرنامج ولا تطبيق بتنزله ؟؟ وهل هو سهل فى التعامل معاه وبيحددلك الطريق الصحيح من الطريق عكس الاتجاه ولا بيديك اقرب طريق والسلام
ومتشكر جدا لحضرتك يا مستر

رد: عندى مشكله مش لقيلها حل :(
 

السلام عليكم
البرنامج موجود على الموبايل مش انا اللى منزلة
وما فيش اسهل من كدة فى التعامل
بتجيب البرنامج وتوجهه الموبايل لوشك وتقول بالصوت المكان وليكن الهرم
بيفتح شاشة بيحدد فيها مكانك ويرسملك بالخط الازرق طريق لغاية الهرم
وتفضل ماشى مع الطريق بالظبط وهو دقيق جدا بصراحة
مرة حاولت اخدعة وكان بيؤلى ادخل يمين مثلا انا كملت على طول لقيتة من نفسة عدل خط السير ورسملى ازاى ارجع لطريقى الصحيح تانى
انا شايفة ممتاز بصراحة

رد: عندى مشكله مش لقيلها حل :(
 

لا شكر على واجب أخي الكريم ال-GPS reciever ممكن تشتريه من عند محلات الأجهزة الكهربائية وبلأخص Radio Shack عندهم الجهاز ده وبيبدأ من 1000 جنيه وبتبقى زي الموبايل فيه بطارية بتتشحن وشاشتو تاتش وبيركب عل تابلوه عادي جداً