|
ما هي عيوب السيارة Brilliance FRV
بسم الله الرحمن الرحيم ... بعيداً عن الجدل الدائر حول العربيات الصيني ,,, انا يهمني عربية واحدة منهم و هي Briliance FRV شايف امكانياتها مناسبة جدا لسعرها ,,,, كمان موتور ميتسوبيشي و باقي العفشة بورش , 2 اير باج , ABS , EBD و اتوماتيك ستيب ترونيك توكيل الشركة البافارية ( مش اي حاجة يعني توكيل محترم جدا ) _______ انا مش خبير في السيارات و علشان كده جاي اسأل الناس اللي جربت العربية او تعرف حد معاه العربية دي عايز اعرف ايه عيوبها ؟؟؟ _________________________ _____ و لما سألت قالوا ( و لو ان الناس اللي ردت علي السؤال ما جربوهاش طبعا بس فكرة عامة عن اي حاجة ب 4 عجلات و صيني ) 1. التقفيل بتاعها صيني وحش 2. صيني يعني لما تيجي تتباع هتخسر فيها كتير اوي 3. معايير الامان و موضوع ان الصيني ما بينزلش اوروبا و للاسف ما فهمتش يعني ايه تقفيل اصلا ptmnlo123per1127 !!! 2. بالنسبة لموضوع البيع و الخسارة في الثمن انا مش من الناس اللي بتغير العربية كل 6 ولا 8 سنين ... 3. رأي شخصي و بكرر انا مش خبير ,... بالنسبة لعوامل الامان في الصيني اللي بيقولوا انها تعبانة و ما قدرتش تعدي اختبارت السوق الاوروبي و كده اول حاجة اوروبا مش ناقصة عربيات صيني ارخص تنزل تغطي علي الموجود ,,, كفاية الازمة الموجودة ,,, بالتالي ده من اكبر اسباب عدم السماح ليها بالنزول ,,, يعني حتي لو سليمة ,,, مش هتنزل تاني حاجة ,,, الحوادث الكبيرة ,,, يعني اللي الواحد بيقلق منها من رؤيتي علي الواقع لحدثتين مع اتنين اصحابي واحد ب ميتسوبيشي لانسر 2008 الشكل القديم والتاني ب اوبل فيكترا موديل 2000 كل واحد رقد في المستشفي ما يقرب من 3 او 4 شهور و كويس انهم طلعوا كويسين اصلا ,, لان اعلي جزء في العربيتين كان يوصل عند وسطي او اعلي شوية .... القصد ان في الحوادث الكبيرة ,,, ربنا بس هو اللي بيستر علي اللي في العربية ( ربنا يبعد عنا اجمعين ) طبعا عوامل الامان بتساعد ,,, بس عمري ما شوفت عربية عاملة حادثة كبيرة علي طريق سريع , الا و ما هي مطبقة ولا كأنها كان بيبسي من اللي تضغط عليها بأيدك بعد ما تخلصها ... معلش حد يفهمني ... لاني خبرتي مش كبيرة زي ما هو واضح ... في كمان في المنتدي هنا موضوع لقطع الغيار ,,, هل تعتبر غالية ام متوسطة ام رخيصة بالنسبة لغيرها ولا ايه ؟؟؟ ___________________ طولت في الكلام ,,, الكلام دلوقتي ليكم و شكرا علي متابعتكم و اهتمامكم مقدماً |
رد: ما هي عيوب السيارة Brilliance FRV
أنا معرفش كتير عن السيارة دى لكن إلى عرفته من المنتدى هنا إن أسعار قطع غيارها غالية شوية و غير متوافرة
خارج التوكيل زى معظم السيارات الصينى إلى فى السوق فعلا فية إختبار تصادم للبريليانس بس الجالينا و كانت نتيجتة سيئة جدا و المشكلة إن تصادمات إختبارات الأمان مبتبقاش على سرعات كبيرة يعنى 35 أو 40 ميل يعنى من 56 إلى 64 كيلومتر فى الساعة و دى سرعة السير داخل المدن مش على الطرق السريعة لكن فعلا زى ما حضرتك قولت الحوادث الكبيرة إلى فوق 80 90 كيلومتر فى الساعة مفيش عربية تقدر تستحملها لكن على الأقل عوامل الأمان بتقدر تقلل خطورة الحادثة إلى حد ما . |
رد: ما هي عيوب السيارة Brilliance FRV
أنا معرفش كتير عن السيارة دى لكن إلى عرفته من المنتدى هنا إن أسعار قطع غيارها غالية شوية و غير متوافرة
خارج التوكيل زى معظم السيارات الصينى إلى فى السوق فعلا فية إختبار تصادم للبريليانس بس الجالينا و كانت نتيجتة سيئة جدا و المشكلة إن تصادمات إختبارات الأمان مبتبقاش على سرعات كبيرة يعنى 35 أو 40 ميل يعنى من 56 إلى 64 كيلومتر فى الساعة و دى سرعة السير داخل المدن مش على الطرق السريعة لكن فعلا زى ما حضرتك قولت الحوادث الكبيرة إلى فوق 80 90 كيلومتر فى الساعة مفيش عربية تقدر تستحملها لكن على الأقل عوامل الأمان بتقدر تقلل خطورة الحادثة إلى حد ما . انا راى من رايك يا حازم مهندس /مينا عصام |
رد: ما هي عيوب السيارة Brilliance FRV
اتصل بيا وانا اساعدك
|
رد: ما هي عيوب السيارة Brilliance FRV
هذا رقمى:0101596609
|
رد: ما هي عيوب السيارة Brilliance FRV
good work you are the best site
|
رد: ما هي عيوب السيارة Brilliance FRV
اقتباس:
والحمد لله انا طلعت سليم وكل الاضرار الى حصلت عندى هيا الرفرف الشمال اتطبق شوية والاكصدام اتخرم بسبب الجنش بتاعة والفانوس الامامى العدسة بتاعته وقعت والمقص اتعوج وتم استعدالة لكن هوا ابسط حاجة نزل متعور فى راسة والفانوسين والاكصدام الامامى والسربنتينة المياة وسربنتينة التكييف اتكسروا والزجاج الامامى اتكسر واول حاجة حصلت الكابوت بتاعة طار على عربيتى الشاسية اتطبق خالص عندة ووصلت للموتور يعنى الحمد لله الfrv اقوى من الجيتز وطبعا ستر ربنا وخلو بالكوا ياجماعة احنا ماشيين بستر ربنا وبعدين لو حضرتك رحت التوكيل ابو رواش هتلاقى frv اتقلبت اربع مرات والكابينة سليمة 100% والى فيها ماحصلهمش خدش حتى يعنى الحمد لله العربية كويسة وبالنسبة لقطع الغيار قطع غيار العفشة متوفرة من الجولف 4 بالنسبة للموتور من ميتسوبيشى لانسر 2008 البومة وبالنسبة للزجاج بتاع العربية كله موجود عند دكتور جريشة وبالنسبة للفوانيس هيا الحاجة الوحيدة الى فى التوكيل بس والفانوس الامامى ب1000 جنية وانا صحابى معاهم لانسر بومة وبيشتروة من الحرفيين ب1000جنية يعنى مايعتبرش غالى وحتى لو هوا غالى هوا بيتصنع تحت اشراف شركة هيليو(الشركة الى بتصنع عدسات البى ام والمرسيدس) بالنسبة للايرباج ب9000جنية فى حين ان اللانسر ب25000جنية يعنى انا شايف ان ماتعتبرش غالية ومعايا صور الكراش تيست بتاعها الى واخد 4 نجوم |
| الساعة الآن 03:36 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017