لو معاك من 40 الف الي 45 الف نركب ايه ياريت كله يشارك
سلام عليكم
انا عايز اجيب عربية في الرينج ده انا بسوق من 7 شهور وبدءت بي 128 انا حابب اوي البونتو 2003 2004 دي الي حاببها اما راي الي حواليا خليك يابني في لانوس 2004 ولا 2005 ولا اكسنت ولا فيرنا انا محتار اووووووووووووووووووووي انا مش بتاع جري وشد انا عايز تكيف تلاجة ابقي مرتاح في القعدة والسواقة محسش برجرجة ونطبات ( ال 128 كنت اوصل المشوار احس اني كنت في الجيم من الفرهدة والرجرجة) وعايز قطع الغيار تبقي معمرة ومبقاش ضيف عند الميكيانيكي وتبقي عربية ثابتة كده ولذيذه ياريت تفيدوني بخبرتكم بونتو ولا لانوس مش مقتنع ومش حابب الفيرنا خالص وضيقة والاكسنت مش مريحاني نفسيا والي حابب يقترح حاجة تانية يبقي جزاه الله خيرا .... في انتظار مساعدتكم ليا وشكراااااااا |
رد: لو معاك من 40 الف الي 45 الف نركب ايه ياريت كله يشارك
اكيد لانوس طبعا
|
رد: لو معاك من 40 الف الي 45 الف نركب ايه ياريت كله يشارك
نصيحة ابعد عن المستعمل المبلغ الي معاك كيس
قسطSLAM |
رد: لو معاك من 40 الف الي 45 الف نركب ايه ياريت كله يشارك
المبلغ الي معايا اساسا سالفه وبسدد كل شهر فميش سكة للقسط بجد مفيش حد بيركب عربية في مصر بالساهل
يارين تقولولي لانوس ولا بونتو محتاج رايكم وخبرتكم بجد وضروري |
رد: لو معاك من 40 الف الي 45 الف نركب ايه ياريت كله يشارك
لو المقارنةمحصورة بين العربيتين دول بس يبقى اللانوس
لان البونتو هتقرفك فى قطع الغيار لو كنت من خارج القاهرة |
رد: لو معاك من 40 الف الي 45 الف نركب ايه ياريت كله يشارك
باشا أنا رأيي معاك فلوس إركب زيرو أو كسر زيرو ممعكش يكمل إياك تشتري قديم، من الآخر القديم يغور! و بلاش تبات مديون! لو ربنا كتبلك حاجة هتشوفهة و كل انسان حر في قررت و يتحمل نتيجة الاختيار دة - أحمد سامي
|
رد: لو معاك من 40 الف الي 45 الف نركب ايه ياريت كله يشارك
ايه رأيك في اللوجان ؟ العربية دي داخلة دماغي جدًا واسعة من جوة وشنطة ملعب و عالية عن الأرض مش واطية زي الفيرنا و وثابتة جدًا على المطبات والطرق المكسرة
في منها ب 45 موديل 2009 و 2010 على دوبيزل وبيزات عيبها الوحيد أن قطع الغيار أغلى من عربيات تانية زي اللانوس والفيرنا لكن أكيد مُعَمِّّرة وادخل شوف كلام ملاك اللوجان عنها في موضوعات اللوجان على المنتدى ولو ملكش في اللوجان يبقى خليك في اللانوس أحسن من البونتو عشان توافر قطع الغيار ورخصها وسهولة التصليح لو حصل فيها حاجة ومتنساش صلاة الاستخارة وربنا يوفقك لشراء الأحسن والأنسب ليك |
الساعة الآن 12:39 AM. |
Powered by vBulletin® Copyright ©2000 - 2024, Jelsoft Enterprises Ltd.
www.MasrMotors.com ™ Copyright ©2008 - 2024
Egyptian Automotive Community
جميع الحقوق محفوظة - مصرموتورز 2008 - 2017