مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   منتدى السيارات العام (https://www.masrmotors.com/vb/forumdisplay.php?f=2)
-   -   افضل قرار .... برجاء المساعدة ضروري لو سمحت (https://www.masrmotors.com/vb/showthread.php?t=113201)

remongamil 08-05-2013 01:08 PM
افضل قرار .... برجاء المساعدة ضروري لو سمحت
 
انا بقالي حوالي شهر بظبط نفسي علي شراء عربيه جديدة بالتقسيط وبالتحديد جيلي ايميجراند ( غبور ) , وبصراحه التردد والحيرة هما سبب كل هذا الوقت لاتخاذ القرار بسبب موضوع القسط خاصه هذه الايام ( مع العلم اني حابب الزيرو ) ... وزاد من حيرتي الان قدامي عربيه شيفروليه لانوس 2009 بحاله ممتازة ( تبع واحد قريبي اول يد من الزيرو ) حاله الفابريكه بجد

انا محتار جدا جدا بين رغبتي في امتلاك عربيه زيرو انا اول واحد اركبها وخاصه العربيه ايميجراند بكل فخامتها وكماليتها ( لكن القسط ) وبين لانوس مضمونه وشعبيه وتوفر القسط ..... برجاء المساعدة كل واحد يقولي رائيه لو كان مكاني وفي النهايه رائي الاغلبيه هيساعدني في اتخاذ القرار ان شاء الله

m_elmasoudy 08-05-2013 01:57 PM
رد: افضل قرار .... برجاء المساعدة ضروري لو سمحت
 
لو فيه إمكانية لشراء اللانوس كاش .. يبقى أنا بأرجحها هيا لأنى بصراحة مابحبش القسط ..
ومبرووووك مقدماً ...

remongamil 08-05-2013 04:49 PM
رد: افضل قرار .... برجاء المساعدة ضروري لو سمحت
 
اقتباس:
المشاركة الأصلية كتبت بواسطة m_elmasoudy (المشاركة 882340)
لو فيه إمكانية لشراء اللانوس كاش .. يبقى أنا بأرجحها هيا لأنى بصراحة مابحبش القسط ..
ومبرووووك مقدماً ...
الله يبارك فيك يا استاذ محمد ... وشكرا علي المشاركه

tamer.koko 08-05-2013 06:10 PM
رد: افضل قرار .... برجاء المساعدة ضروري لو سمحت
 
لو اللانوس حالتها حلوه فعلا ومتاكد ومعاك فلوسها توكل علي الله وخلص
وبلاش القسط كفايه مصاريف العربيه واللانوس عربيه حلوه علي فكره :286:

YOUNG DR.M 08-05-2013 11:26 PM
رد: افضل قرار .... برجاء المساعدة ضروري لو سمحت
 
لو لانوس نضيفة كاش احسن ، احسن من الامجراند في سعر اعادة البيع و الميكانيكا و قطع الغيار

الكردي2000 09-05-2013 01:25 AM
رد: افضل قرار .... برجاء المساعدة ضروري لو سمحت
 
الصيني عامل ذي البطيخه , بص للعربيات الاسبرانزا في الشارع اللي مر عليها خمس سنين وشوف سعر اعادة بيعها عامل ازاي , ده غير منظر العربيه اصلا تحس انها بتجري علي الارض من 30 سنه مش من خمس سنين , نصيحه خليك في اللانوس افضل 100 مره

tefa_memo 09-05-2013 06:17 AM
رد: افضل قرار .... برجاء المساعدة ضروري لو سمحت
 
في رايي الشخصي يا تجيب كاش يا بلاش انت مش عارف بكرة فيه ايه والقسط علي الاقل 3 او 4 سنين يعني هيجيلك يوم وتزهق ده غير ان تمن العربية هيزيد عن سعرها الاصلي وبعد انتهاء القسط ان شاء الله هتبص تلاقي العربية رخصت وسعرها في السوق بقي النص زي اغلب الصيني والكوري دلوقت ان لقيت عربية حالة كويسة جدا موديل 2009 او 2010 او حتي كسر الزيرو ومعاك فلوسها خلص ولو اللانوس دي حلوة ومصاريفها علي اد تغيير فلاتر وزيوت مفيش مشكله انما هتصرف عليها فاصرف نظر واستخير ربنا


الساعة الآن 12:21 AM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017