ال128 و السفر
 

السلام عليكم, الموضوع دا انا عامله للكل عشان كلنا نشارك و نفيد و نستفيد من بعض, كل واحد يقول خبرته مع الفيات 128 في السفر, ايه ابعد مسافة انتا عملتها بالعربية ؟ كام كيلو ؟ و ايه المشاكل و الصعوبات اللي واجهتها في الطريق ؟ و ايه الاحتياطات اللي بتعملها قبل ما تسافر ؟ و بتمشي على سرعة كام ؟ انا شخصيا اطول مسافة روحتها كانت العين السخنة و رجعت تاني, يعني حوالي 230 كيلو و كنت ماشي على 80 :ROFL_C~118: المهم عايزين كل الناس اللي معاهم العربية المشكلة دي تقووووول خبرتها عشان نستفيد و انا ناوي اسافر بيها مسافات اطول ان شاء الله سوقسوقسوقسوقسوقسوق

رد: ال128 و السفر
 

بص يا سيدى .. كانت معايا فيات 128 موديل 86
وضربت مشوار من القاهرة لحد مرسى مطروح يعنى 550 كيلو
العربيه كانت عامله نص عمره وحالتها زى الفل
وقفت استراحة شوية على طريق مصر الاسكندرية الصحراوى عشان العربيه تهدى وتريح من زحمة القاهرة بردو .. وفتحت الكبوت وسبتها حوالى ربع ساعه
وبعدين دخلت امون فى اول طريق العلمين يعنى بعد حوالى 160 كيلو من القاهرة

السرعه كانت 120 كم والمشوار اخد حوالى 6 ساعات
والعربيه كانت ما شاء الله ثابته وزى الفل

طبعا يا بوب قبل ما تسافر مسافه طويلة تكون مشيك على العفشه والزيوت والميه والاستين والكوريك والعدادات كلها خصوصا الحرارة والبنزين

وربنا يستر طريقنا جميعا

رد: ال128 و السفر
 

كلام سليييييييييم يا معلم ربنا يسترها معانا

رد: ال128 و السفر
 

ذهبت من القاهرة إلى السويس ورجعت إلى القاهرة فى نفس اليوم
فولت التانك قبل ما اسافر وضبطت ضغط الهواء وعملت تشك على الزيت والمياة واخذت الطريق بدون استراحة حوالى ساعتان وريحت جوة البلد لما وصلت حوالى نصف ساعة وبدئت العودة بعد نصف ساعة من الوصول
كانت السرعة حوالى 120 او 125 كم/س وماشاء الله العربية كانت ثابتة
وطبعا عمرى ما انسى اليوم دة لانة اولا كان اول مرة اسافر بالعربية وثانيا لانى فى اليوم دة اتلدعت مخالفة رادار 300 جنية والحمد لله على كل شىء

رد: ال128 و السفر
 

المهم انك بخير و الحمد لله على سلامتك :THE_PR~18:

رد: ال128 و السفر
 

اطول مسافة كانت من الجيز الي بني سويف وروحت 3 مرات ورجعت في اسبوع واحد
وارخم حاجة ضايقتني هي المطبات بتاعت الاهالي المطب كان بيرزع العربية وانا مهدي بس العربية كانت ماشاء الله عليها وناوي اروح بيها العين السخنة ان شاء الله

رد: ال128 و السفر
 

السلام عليكم ورحمه الله وبركاته
انا عربيتي 128 - موديل 83 - 1100 سي سي
قبل كل سفر لازم اشيك على العربيه زيت وميه كوتش وسيور واهم حاجه وببقى عارف الحاله العامه للعربيه ايه
اول سفريه كانت القاهرة الفيوم صد رد في نفس اليوم حوالي 400 كم وتمام الحمد لله بدون توقف الا في الفيوم السرعه كانت (90 - 110كم/ س)

ثم سفرت القاهرة - الاسكندريه في الصيف وقضيت 3 ايام مع وجود مشاكل في سخونه (كنت فاتح الكبوت بزجاجه بلاستك وانا ماشي زيادة تهويه والماتور كا ضارب زيت ... بس عادي ولا همني ) بس الحمد لله مسخنتش وريحت مرة واحد في الرست والسرعه كانت (80 - 100كم/ س)
القاهرة - العين السخمه وبرضوا فاتح الكبوت عشان معظم الطريق مطالع ومحتاجه عزم والرداتير عاوز صيانه بقاله فترة وانا مطنش برضه ريحت مرة وحدة في الطريق لصلاه الجمعه ووانا راجع مريحتش وقافل الكبوت وكانت السرعه (08- 100 كم)
كان معي عربيتين فرنا ودايوا سبقوني طبعن بس انا حصلتهم بفارق 10 دقايق واقصد بكدة ان السرعه لا تفيد :sycho26:

اسماعليه رايح جاي في نفس اليوم كذا مرة الحقيقه
وانا شغلي في العاشر من رمضان واحيانا بروح بالعربيه وبقطع حوالى 80 كم رايح جاي .

تحياتي