مصر موتورز مجتمع السيارات

مصر موتورز مجتمع السيارات (https://www.masrmotors.com/vb/index.php)
-   ملاكى اسكندرية (https://www.masrmotors.com/vb/forumdisplay.php?f=142)
-   -   حشتري سيات ابيزا ومحتاج رايكم ضروري (https://www.masrmotors.com/vb/showthread.php?t=112869)

wael saeed 01-05-2013 09:06 PM
حشتري سيات ابيزا ومحتاج رايكم ضروري
 
ياريت تقولولي رايكم انا معروض عليا سيات ابيزا 94 - 1300 سي سي - فابريكة من الداخل - سنتر وجنوط اسبور وزجاج كهربا امامي
ياريت بسرعه محتاج رايكم العربية دي تسوي كام ولو حد بيفهم فيها كويس ياريت يقولنا مميزاتها وعيوبها وفي انتظار رايكم وبسرعه لو سمحتم

Hisham.Elgazzar 02-05-2013 11:43 AM
رد: حشتري سيات ابيزا ومحتاج رايكم ضروري
 
- 25-23 الف وعيوبها اكتر من مميزاتها
مش اى حد بيشتغل فيها وحاجاتها غالية

asho 02-05-2013 12:25 PM
رد: حشتري سيات ابيزا ومحتاج رايكم ضروري
 
ابعد الفكرة عن دماغك احسن وشوف اى نوع اخر عندك

naser m sh 02-05-2013 12:29 PM
رد: حشتري سيات ابيزا ومحتاج رايكم ضروري
 
انا اشتريت سيات ابيزا 91 عربية حلوة وخفيفة بس انا زيك ما اعرفش فيها حاجة وياريت اى حد من الاعضاء المحترمين يدينا تقرير عنها من حيث قطع الغيار بتاعتها من فين ونوع البنزين 80 ولا 90 وانا عايز اغير الاكرة بتاعت الباب بجوار السائق مش لاقيها عندنا فى الصعيد ياريت رقم تليفون اى بائع للقطع الغيار بتاعتها وعيوبها وومميزاتها ولكم جزيل الشكر :soccer_372:

wael saeed 02-05-2013 08:09 PM
رد: حشتري سيات ابيزا ومحتاج رايكم ضروري
 
الف شكر يا جماعه :Bravo: جزاكم الله عني خير خلاص انا طبعا حاخد برايكم وحشوف حاجه تانية غيرها انا بفكر في الريجاتا او الشاهين وربنا يسهل وياريت تنصحوني وانا معايا 25000 شايلهم عشان العربية

احمد عصمت محمد 03-05-2013 12:10 PM
رد: حشتري سيات ابيزا ومحتاج رايكم ضروري
 
اقتباس:
المشاركة الأصلية كتبت بواسطة wael saeed (المشاركة 880090)
الف شكر يا جماعه :Bravo: جزاكم الله عني خير خلاص انا طبعا حاخد برايكم وحشوف حاجه تانية غيرها انا بفكر في الريجاتا او الشاهين وربنا يسهل وياريت تنصحوني وانا معايا 25000 شايلهم عشان العربية
لو قدامك شاهين بس حالتها كويسه توكل على الله عربيه تحفه وشديده قريبي لسه جايبها وانا ركبتها على الطريق ملهاش حل

tareksakr 03-05-2013 05:08 PM
رد: حشتري سيات ابيزا ومحتاج رايكم ضروري
 
اتعجب جدا من الذين يصدرون احكاما علي اشياء لم تتح لهم الفرصة لتجربتها ويصدرون احكاما لمجرد السماع
اولا الابيزا 94 من السيارات الاعتمادية جدا ذات السمعة الطيبة واقتصادية في التشغيل واسعار قطع غيارها متوسطة ,وقطع غيارها استيرادوجديد موجودة وبوفرة واستهلاكها للبنزين 260 كم للصفيحة علي طريق سفر و 200 كم للصفيحة داخل المدينة لو الكربراتير مظبوط هي في الاصل سيارة اسبانية بتكنولوجيا فولكس واجن الالمانية بمحرك سعة 1300 سي سي امامية الدفع كربراتير
اسعار قطع الغيار متوسطة
سير كاتينة 60 جنيه ,تيل امامي 90 جنيه ,طنابير 180 جنيه , فلتر زيت 30 جنيه ,فلتر هوا 40 جنيه , طلمبة مياه 170 جنيه , سير دينامو 12 جنيه ,
طقم دبرياج (اسطوانة وديسك وبلية ) 650 جنيه مساعدين امامي 650 جنيه
العربية ممتازة جدا واعطالها بسيطة
جدا وموتورها بسيط مش معقد لانه كربراتير مش حقن اهم حاجة وانت بتشتري انك تدور علي عربية حالتها جيدة جدا مش محتاجة مصاريف كتير


الساعة الآن 06:33 PM.

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017