مصر موتورز مجتمع السيارات
صفحة 1 من 2 1 2
عرض 7 مشاركات من هذا الموضوع لكل صفحة

مصر موتورز مجتمع السيارات (https://www.masrmotors.com/vb/index.php)
-   القيادة فن و ذوق (https://www.masrmotors.com/vb/forumdisplay.php?f=180)
-   -   اسأله غبيه مني لاني مبتدئة (https://www.masrmotors.com/vb/showthread.php?t=112780)

enas ana 29-04-2013 01:30 PM
اسأله غبيه مني لاني مبتدئة
 
انا عارفه انها اساله غبيه شويه او هتضحكوا عليها بس هسالها بردو

اولا انا عاوزة اعرف لو ماشيه ورا عربيه وفجاه هي هديت اعمل ايه؟ادوس فرامل ولا مجرد اشيل رجلي من ع البنزين وخلاص ؟ ولا ادوس دبرياج ولا اعمل ايه بالظبط؟


ثانيا لو انا باخد مطب بشيل رجلي من ع البنزين والمس رجلي على الفرامل بس؟ ولا اشيل بنزيل وادوس دبرياج والمس ع الفرامل؟ لان 2 كانوا بيعلموني واحد قالي كده والتاني قالي كده


enas ana 29-04-2013 01:35 PM
رد: اسأله غبيه مني لاني مبتدئة
 
ياريت تردوا عليا

enas ana 29-04-2013 01:55 PM
رد: اسأله غبيه مني لاني مبتدئة
 
انتوا فيييييييييييييييييييييييي ييييييييييييييييين

momen_bondok 29-04-2013 02:11 PM
رد: اسأله غبيه مني لاني مبتدئة
 
اقتباس:
المشاركة الأصلية كتبت بواسطة enas ana (المشاركة 878891)

اولا انا عاوزة اعرف لو ماشيه ورا عربيه وفجاه هي هديت اعمل ايه؟ادوس فرامل ولا مجرد اشيل رجلي من ع البنزين وخلاص ؟ ولا ادوس دبرياج ولا اعمل ايه بالظبط؟

بتشيلي رجلك من على البنزين لو حسيتى ان العربية عايزة تهدى شوية اضغطى على الفرامل بدون دبرياج علشان تهدى من سرعتها لكن لو عايزة توقفى العربية يبقى فرامل ودبرياج

ثانيا لو انا باخد مطب بشيل رجلي من ع البنزين والمس رجلي على الفرامل بس؟ ولا اشيل بنزيل وادوس دبرياج والمس ع الفرامل؟ لان 2 كانوا بيعلموني واحد قالي كده والتاني قالي كده

الأفضل إنك قبل ما العجل يلمس المطب تكونى شيلتى رجلك من على الفرامل نهائى وتضغطى دبرياج وانتى على طالعة المطب ولو حسيتى ان العربية هتبطل منك دوسى على البنزين لغاية لما تعدى المطب
لان طلوع المطب وانتى ضاغطة على الفرامل ممكن يتلف العفشة للسيارة
الرد فى الإقتباس

spera516 29-04-2013 03:12 PM
رد: اسأله غبيه مني لاني مبتدئة
 
دى مش اسألة مبتدئه دى أسئلة واحده لسه فى أول حصه تعليم

الحاجات دى كلها تقديريه وحسب الموقف يعني لو محتاجه تهدي حاجه بسيطه بتشيلي رجلك بس من على البنزين وتحطيها فوق الفرامل بس ماتفرمليش اللا حسب مانتى عايزه

zing0 29-04-2013 04:53 PM
رد: اسأله غبيه مني لاني مبتدئة
 
بصى أدام عربيتك بفتيس مانيوال
يبقى عاوزة تهدى و أنتى ورا عربيه أو على مطب >>> إجابه واحده
هاتى الفتيس عالمور
و جهزى رجلك على دواسة الفرامل
عاوزة تهدى أكتر >>> دوسى فرامل خفيف
لو طالعه مطب >>> دوسى فرامل لحد قبل المطب, أول ما العربيه تلمس المطب لااااااااااازم تكونى شايله رجلك تماماً من عالفرامل.

حسام البورسعيدى 29-04-2013 05:47 PM
رد: اسأله غبيه مني لاني مبتدئة
 
بصى حضرتك دى كلها حاجات ليست ثوابت على الاطلاق ..

ودايما خليكى فاكره يا استاذه ايناس ان العربية دى مجرد اله تحت تصرفك .. وظروف الطريق هى اللى بتحكم القرار المناسب ... وعلى فكره الاساله اللى حضرتك ذكرتيها دى اجابتها ان لازم يكون فى بينك وبين العربية Sense ..


تمام ..

طيب بالنسبة لاسئله حضرتك :

لو عربيه هدت قدام حضرتك .. مبدئيا حضرتك بتدوسى فرامل بدون دبرياج .. اذا وجدتى ان سرعتك نزلت اوى بالنسبه للغيار اللى انتى عليه تدوسى دبرياج وتجيبى غيار اقل .. بمعنى ايه ..

يعنى .. نفترض حضرتك ماشيه على التالت بسرعه 60 مثلا .. واضطريتى انك تهدى لاى سبب (حفره - مطب - زحمه .. الخ) دوسى فرامل بس علشان تهدى .. اذا الطريق انفتح تانى من غير ما تهدى اوى كملى بنزين تانى .. اما اذا اضريتى مثلا تقفى او تنزلى سرعه قليله اوى غير مناسبه للتالت يبقى دوسى دبرياج علشان تنقلى لغيار اقل ... تمام كده ؟؟


المطب نفس الوضع برضو .. مبدئيا اغلب المطبات الافضل تتاخد على التانى .. تمام ..

طيب نفترض حضرتك ماشيه على التانى وفى مطب هيتاخد على التانى .. يبقى نهدى بالفرامل بس من غير دبرياج وناخد المطب ونكمل ..

طيب احنا مثلا على التالت او الرابع وفى مطب .. لا يبقى نهدى شويه قبل المطب بالفرامل بس وبعدين ندوس دبرياج ونجيب التانى وناخد المطب وبعدين نسيب دبرياج ونكمل ..


اللخبطه اللى عند حضرتك ان فى ناس لما بيعلموا حد (وخصوصا البنات) بيستسهلوا ويعلموهم يدوسوا دبرياج عمال على بطال مع كل فرمله .. علشان العربية متطفيش او تكركر منهم كتير .. وده غلط ..

الدبرياج وظيفته تغيير الغيارات بس .. فحضرتك اتعودى انك مش تدوسى دبرياج الا لو محتاجه تنقلى غيار فقط .. انما لو هتهدى على نفس الغيار يبقى فرامل فقط ...


لازم لازم لازم السنس بينك وبين العربية متنفعش بالحفظ كده علشان تبقى سائقة ماهره قريبا باذن الله .....


الساعة الآن 05:53 PM.
صفحة 1 من 2 1 2
عرض 7 مشاركات من هذا الموضوع لكل صفحة

Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017