بعد عناء طوووويل 406 جايالي من فرنسا باسمي
 

بعد حيرة واختيار العربية اللي انا عاوزها
لقيت ال406 ممتازة وكويسة وشيك
قولت اشتريها المهم بعد لف بردة في معرض في 6 اكتوبر بيقولي هجبلك عربيه 406 من فرنسا عليك علطول باسمك و هات 25000 الف جنيه مقدم اللي هو تمن عربيتي الحالية اللي هي 504 وبعدين هاخد منك كل شهر 700 جنيه على مدار 5 سنين

ايه رايكوا كده ؟؟؟
وهل اجيب عادي ولا اتوماتيك ؟؟؟؟ وياريت تعرفوني هو في موديل 2005 من ال406؟؟

رد: بعد عناء طوووويل 406 جايالي من فرنسا باسمي
 

اهلا و سهلا يا هيما
بصراحه الكلام دا مريب جداااااااااا
اولا ال 406 انتهي انتاجها من 2004 في فرنسا
و غير كده موضوع المقدم و القسط دا برضه مريب
يعني العربيه بالفوايد تقف علي 67 الف جنيه!!!!!
يا سلااااااااام
مكنش حد غلب علي رأي المثل
بصراحه المعرض دا بيطمعك علشان ياخد المقدم و يماطل فيك
لو هو حسن النيه
قوله اوك تحت امرك بس العربيه تيجي الاول و بعدين اشوفها و ادفع المقدم
مش جايز ما تعجبنيش؟؟؟؟
و لو ما عجبتنيش ابقي بيعها طالما هيا لقطه كده

رد: بعد عناء طوووويل 406 جايالي من فرنسا باسمي
 

نصبايه بكل تأكيد
حذاري حذاري من هذا النصاب
الــ 406 لاتنتج حاليا بفرنسا لقد توقف إنتاجها بالفعل (كما ذكر زميلنا الأستاذ حازم) من سنة 2004
ولو قالك مستعمله أو بتاعة معاقين
خد بالك الموضوع ده فيه نصب كتير جدا
وموضوع سيارات المعاقين إللي بتتباع للغير أصبح عليها مشاكل رهيبه وبدأت الإدارات المروريه في أخذ إحتياطات كثيره بصدد هذا الموضوع لكي يتوقف تماما

ماتصدقوش ...طبعا
والميه تكدب الغطاس.... إنت مابتشتريش سمك في ميه ... شوف العربيه الأول وورقها سليم وبعد كده إدفع له المقدم وخلص ....بس مفيش حد أهبل في الزمن بتاعنا ده

رد: بعد عناء طوووويل 406 جايالي من فرنسا باسمي
 

هو اللي انا اعرفه ان علشان تنزل عربيه بأسمك تكون المالك الاول ليها من سنه الصنع ..
يعني حضرتك محتاج الاول تكون عايش في فرنسا او على الاقل في البلد اللي العربيه جايه منها من 2004 ..او قبل كده !!!
والمعاقين العربيه بتتكتب بأسم المعاق ومينفعش تتكتب بأسم أي حد تاني ... و لازم كومسيون طبي و شغلانه !!

أنا من رأيي خليك في المانيوال ... وأخلع منه اوتوماتيك ptmnlo123per1127

رد: بعد عناء طوووويل 406 جايالي من فرنسا باسمي
 

ايه ده يا باشا

اول حاجه انت متاكد من المعرض ده او ضمنه

هي حاجه من 3 حجات

1- نصبايه و شغل مش رسمي و صح

2- سياره معاقين و برده دي هيبقي فيها مشاكل شويه

3- انت يكون في واحد يعرف المعرض و عيز يبيع العربيه في مصر او ينزل بيها و حضرتك تشتريها

بس اتاكد الاول و خليك رسمي و الاحتياط واجب و لو بتقارن بين الاوتوماتيك متجيبش اوتوماتيك في البيجو لغيت ال 307

بعد كده ال 308 و ال 407 مفهمش مشاكل

خليك في المانيوال اضمن كتير

رد: بعد عناء طوووويل 406 جايالي من فرنسا باسمي
 

ربنا يخليكوا كلكم على رارئكم المفيدة بس كنت احب انوه ان الراجل قالي ان العربية هتيجي مستعملة من هناك

رد: بعد عناء طوووويل 406 جايالي من فرنسا باسمي
 

إزاي تيجي من هناك مستعمله بإسمك ؟؟؟؟!!!!!!!! وبعد مرور أكثر من ثلاثة سنوات على الموديل كمان يعني ماينفعش تنزل أصلا !!!!!!!

طيب خلينا ورا الكداب لحد باب الدار

ماينفعش تدفع مقدم في عربيه مستعمله ماشفتهاش ولا عاينتها...............فبب ساطه أطلب منه أن تراها الأول على الطبيعه وتفحصها وتقدر حالتها وتتأكد من ورقها إنه سليم وبعد كده نتفق وندفع مهر العروسه

وأظن إن ساعتها حيخترعلك أي حاجه عشان يقنعك بأن ياخد منك المقدم قبل ماتشوف وتعاين

وحتى على فكره لو مستعمله ماينفعش تبقى بالسعر ده يعني لو حبيت تكيشه تديله مثلا 40ألف ويديك العربيه بما إن تمنها على خمس سنين 67ألف
ياراجل ياطيب بلاش تسمع كلام من النصابين وإعقل الكلام
النصاب بيعتمد على عاملين مش أكتر
(الجهل , الطمع -بالإغراء-)

الجهل : إن حضرتك تكون داخل عليه وماعندكش فكره عن أنه لايسمح بدخول سياره بعد مرور ثلاثة سنوات على إنتاجها إلا في حالة شرائك لها من الزيرو بالخارج وتكون مسجلها بالسفاره عشان تبقى تنزلها مصر (يعني حضرتك تبقى المالك الأول) .

الطمع -الإغراء-: يعني يقولك حاخد عربيتك الـ 504 وحديلك كمان شويه عربيه بيجو 406 2005 يعني ياهناك وسعدك ... وحتدفع على خمس سنين 700 جنيه بس كقسط ........ فتقعد تحسبها فتلاقي إنك حتدفع في الآخر 67000 من غير ماتحس بيهم نهائي ..........ياسلام يعني مكانش حد غلب وكان كل الناس ركبت عربيات مفخفخه ببلاش


حاول تعقل الموضوع أخي العزيز