لو حتجيب سكودا اوكتافيا 2013 حتجيبها مانيوال ولا اوتتوماتيك (ارجو المساعدة)
 

السلام عليكم ورحمة الله وبركاته
لو سمحتم يا شباب انا لفيت ودورت كتير وفي الآخر قررت بإذن الله اني اتوكل على الله واجيب سكودا اوكتافيا 2013
بس انا عايز اعرف هيا الاوكتافيا 2013 المانيوال وحشة في ايه ؟
اصل في ناس قالتلي اني طلاما حجيب عربية زي دي يبقى الأحسن تجيب اوتوماتيك
مع ان وضع اسكندرية يختلف عن وضع مصر في الزحمة وكدا ومافيش مشاكل في الزحمة إلا نادر جداً جداً عندنا
فكنت عايز اعرف اوفرلي 20 الف جنيه واجيب المانيوال افضل ولا اجيب الاوتوماتيك ؟

رد: لو حتجيب سكودا اوكتافيا 2013 حتجيبها مانيوال ولا اوتتوماتيك (ارجو المساعدة)
 

طبعا انت كده اختيارك رائع بالنسبه للمانيوال
لان الاسكودا الجديده الشكل الجديد
نازله بفتيس dsgوالفتيس ده عامل مشاكل جامده مع فولكس فلو جبتها مانيوال تبقى كده العربيه تمام التمام

رد: لو حتجيب سكودا اوكتافيا 2013 حتجيبها مانيوال ولا اوتتوماتيك (ارجو المساعدة)
 

رد: لو حتجيب سكودا اوكتافيا 2013 حتجيبها مانيوال ولا اوتتوماتيك (ارجو المساعدة)
 

بس يا باشا على حد علمى انى مفيش ااوكتافيا 2013 مانوال

رد: لو حتجيب سكودا اوكتافيا 2013 حتجيبها مانيوال ولا اوتتوماتيك (ارجو المساعدة)
 

لا حضرتك هى نازله فئتين مانيوال اول فئه عامله 200 الف جنيه وامكانياتها وشكلها تحفه وهواه المانيوال هيكسبوا العربيه جدا لكن الاوتو ربنا معاهم لو مشكله الفتيس مش محلوله
ونازله بموتور 1400 سى سى تربو

وفى الاتوماتيك بردوا 1400 سى سى بيعطى عزم 122 حصان يعنى هتبقى عربيه رهيبه
تسارعها 8.5 ثانيه لسرعه 100 كيلو

رد: لو حتجيب سكودا اوكتافيا 2013 حتجيبها مانيوال ولا اوتتوماتيك (ارجو المساعدة)
 

العربية هتنزل في شهر 8 القادم..فئتين منوال..3 فئات أوتوماتيك

الفئة الأولي منوال :- سعرها 200 ألف جنيه مصري

محرك 1400 سي سي 122 حصان تيربو ( بيز لاين ) تشمل :-

- فرش قماش.
- abs/ebd/esp/mpa
- تكييف تاتش
- كاسيت سوينج شاشة عريضة زي الفانتازيا.
- بدون فوانيس شبورة.
- مرايات ضم كهربة.


الفئة الثانية منوال :- سعرها 215 ألف جنيه مصري

تختلف تختلف عن الأولي بتوفر :-

- فوانيس شبورة.
- جنط مقاس 16".
- حساسات ركن خلفية.
- مراية الصالون ذاتية التعتيم.
- مالتي فنكشن.
- فتحات تكييف خلفية.

------------------------------

الفئة الأولي أوتوماتيك بموتور 1400 سي سي 122 حصان DSG :(
" بيزلاين " وتشمل نفس كماليات الفئة الثانية منوال ما عدا الجنوط مع اضافة :-


- خاصية Follow me .
- مرايات ذاتية التعتيم.( صالون وجانبين )
- مالتي فنكشن.
- مثبت سرعة.

سعرها 230000 جنيه مصري


الفئة الثانية أوتوماتيك بموتور 1400 سي سي 122 حصان dsg
" sport " نفس مواصفات الفئة الأولي أوتوماتيك بإضافة :-

- فتحة سقف كهربة.
- زجاج فاميه.
- جنوط 16".
- حساسات أمامية وخلفية.
- كاسيت bolero شاشة تاتش.
- مخرج USB / AUX / IPOD
- فرش قماش/جلد مع بعض.
- smart key

سعرها 241 ألف جنيه مصري

------------------------------------------------

الفئة الثالثة أوتوماتيك ( مصيبة ) 1400 سي سي 140 حصان DSG :-

- كاسيت columbus شاشة تاتش مع نظام ملاحة ونظام صوتي مكون من عدد 9 سماعات وصب ووفر.

- كمبيوتر كامل للسيارة مدمج مع الكاسيت.

- lane assist
- front assist
- park assist
- multi collision brake
- crew protect assist

- adaptive cruise

- adaptive xenon

- بخاخات فوانيس.

- فرش جلد بالكامل.

- جنوط 17".

- سخانات الكراسي الأمامية فقط.

- تحكم كهربي في الكرسيين الأماميين مع lumber support

- أبانوس للأبواب والطابلوه والكونسول.

- smart key

- driving mode selection

- panorama sunroof

وسعرها 291000 جنيه مصري

http://octavia3.ru/wp-content/upload...c0e1b61c2b.jpg

http://photo.netcarshow.com/Skoda-Oc...3_photo_12.jpg

رد: لو حتجيب سكودا اوكتافيا 2013 حتجيبها مانيوال ولا اوتتوماتيك (ارجو المساعدة)
 

شاكر لكم جهودكم معايا الله يحفظكم

بس انا عندي استفسار بسيط ... في موقع كونتاكت يوجد موديل 2012 مانيوال ودا بـ 158 الف
ويوجد فئة اوتو ودي بـ 175 الف

تفتكر اجيب المانيوال واوفر 20 الف جنيه احسن ولا اتوكل على الله واجيب الاوتو ؟
اصل بصراحة انا بحترم المانيوال اوي ودا اللي بيحثثني بركوب العربية على عكس الاوتوماتيك

بس لما كلمت ناس يعني صحابي معنى اصح من الإسكندرية قالولي عيب اجيب عربية اوكتافيا واجيبها مانيوال
انا مش فاهم ايه العيب في كدا

طيب حضرتك سؤال آخير, هو نظام الفتيس الجديد دا مع موديلات 2012 بردو ولا 2013 بس