تجربة تغيير ماتور الفيرنا
 

كان فى تجربة واحد صاحبى معاة فيرنا ملاكى وكانت ماشية 122 الف كيلو وجابت ماتور والراجل الميكانيكى قالو روح هاتة استيراد
فا نزلنا لفينا علية فى عزبة شلبى والحرفيين فالمهم استقرينا على ماتور بس واضح ان حالتة كويسة والراجل قالنا اربعة الاف المهم بالعافية خدناة ب 3700
ورحنا واخدينة للراجل الميكانيكى عشان بيفك القديم ويركب الجديد
تتصورو لقينا اية......
اغلب المكونات صينى من الاسطوانة والديسك وكمبريسور التكييف برضة صينى
والطنابير مصرى بجد كل حاجة بتتفك بنلاقيها مكتوب عليها صناعة صينى
فا المهم ركبنا الماتور الجديد مكان القديم وكان حظة كويس الماتور طلع حكاية
ربنا يبركلة فية احسن مافى الموضوع ان انا وهو لما كنا بنشغل التكييف بنحس ان العربية تحولت الى بطة وتلاقى العربية متكتفة
لما غير الماتور حبينا نجرب التكييف لقناة مش ماثر خالص على السحب ولا فية رجة ولا حاجة والعربية فرقت خالص عن ماكان جايبها زيرو
انا طولت عليكو بس حبيت اقولكو ان ازاى بيضحك علينا فى البلد دى ويبعولنا عربيات انتاج مشترك بين مصر والصين وب 80 الف ويقولك دى كورى

رد: تجربة تغيير ماتور الفيرنا
 

الفيرنا دي اصلا مقلب غبور عامله في المصريين بس نقول ايه لو فيه رقابة كويسة على المنتجات مكانش دا حصل
بس قولي هوا ليه العربية جابت ماتور بدري يعني انا شايف ان 122 الف كيلو مش كتير ؟؟

رد: تجربة تغيير ماتور الفيرنا
 

غبور عليه من الله مايستحق حول السياره فيرنا الى سياره 27 فقيره الامكانيات
اقل عربيه فيرنا ف العالم هى فيرنا اللى موجوده ف مصر
وحسبى الله ونعم الوكيل

رد: تجربة تغيير ماتور الفيرنا
 

حسبى الله ونعم الوكيل فى الغشاشين

رد: تجربة تغيير ماتور الفيرنا
 

بس ازاى مكونات الماتور صينى غبور مبيعملش مواتير ده بيستوردوا زى ما هوا من كوريا ويركب الاجزاء الميكانيكية موتور وما شابة كورية 100 % اما عدا ذلك كالجسم الخارجى والشكمان محلى

او عالفكرة ممكن يكون من مصنع هيونداى اللى فى الصين

رد: تجربة تغيير ماتور الفيرنا
 

والمشكلة انها من اعلى العربيات مبيعا فى مصرMADDRIVE

رد: تجربة تغيير ماتور الفيرنا
 

انا مش عارف ايه حكاية موتور الفيرنا ده .. ناس كتير اوى معاهم فيرنا وجابت موتور على كيلو متر قليل ...

مش عارف ليه ؟؟؟

حتى حبيت استفسر عن الموضوع ده وانا فى الحرفيين فسالت كذا ميكانيكى واكدوا لى الكلام ده .. ودايما يحصل ان المكنه تكسر بستم او اكتر وتبدا تاكل زيت ... وشكرولى فى موتور الفيفا او الفيرنا 1500 اكتر .. بالرغم من انه 1500 و12 صباب SOHC (كامة واحده) بس حمال اسيه عن التانى بتاع الفيرنا 1600 ..


طبعا الكلام ده كله على اساس التاكسى لان حوالى 80% من التاكسى هنا فيفا وفيرنا (الفيفا اكتر) ..