انصحوني عايز اجيب جيب
 

السلام عليكم
يا شباب انا معايه عربية نوبيرا 2006 والحمد لله عربيه سليمه ومريحاني جدا
بس انا قرفت من المطباط الي فيل البلد انا قبلي مش في القاهره فكرت اجيب جيب عشان عليه واكل المطبات برحتي واستيل بردو
المهم مش هطول انا اول عربيه شوفتها كانت
شروكي 1994 بس مكنتش سليمه والراجل كان بيتكلم في 44 الف هي 4 سلندر
واحد بتاع قطع غيار قلي هي اخرها 35 الف والعربيات دي رخيصه دلوقت عشان البنزيم والجو الي احنا فيه دلوقت
واحد تاني بس شكله فشار قلي انه كان هيشتري واحده 2007 ب55 بش شكله فشار موت
المهم المختصر بعد مطولت عليكم
انا عايز عربيه تكون في حدود 50 الف يعني ابيع ومدفعش او ادفع قوليل
فدوني دبقه بالتقريب موديل كام والضريبه في حدود كام واستهلاك البنزيم
والي انا بفكر فيه صح ولا اكبر مخي وخليني في الي معايه

رد: انصحوني عايز اجيب جيب
 

متااااااااااابع للاهمية

رد: انصحوني عايز اجيب جيب
 

راييي بلاااااااااااااااش اي عربية فوق ال1600 سي سي عشان احتمال كبير علي شهر سبعة يكون البنزين من غير دعم علي كل العربيات فوق ال1600 البنزين ال92 هيكون في حدود 4.5 جندي

خليك في الامان

رد: انصحوني عايز اجيب جيب
 

ان شاء الله حد يكون عنده خبرة كبيرة فى الشيروكى يقدر يفيدك اكتر ....
خبرتى فى الشروكى مش كبيرة .... انا حدردش مع حضرتك شوية ... لغاية ما حد خبرة اكبر يفيدك اكتر ...

اولا ..... لو حضرتك تحب تركب عربية دفع رباعى .... متبصش للبنزين و لا للديزل .... العربيات دى استهلاكها للبنزين عالى و مفيش حاجة اسمها توفير فى البنزين
الشيروكى ال 4 سلندر 2500 سى سى .... يعنى بلاعة بنزين ... و كمان ضريبتها عالية
حاجة تانية ... قطع غيارها حتلاقيها اغلى من النوبيرا
بالنسبة للاسعار .... حتلاقيها بتختلف شوية .... و خاصة لو حضرتك خارج القاهرة ... الاسعار بتزيد شوية ... انا شوفت عربية شيروكى بتتباع فى المنوفية ب 70 الف .. 4 سلندر ... الكلام ده كان السنة الى فاتت
بالنسبة للضريبة ... حضرتك حتدفع حوالى 1200 جنيه فى السنة .... علشان الموديل اكتر من 10 سنوات فاتت

النصيحة الصغيرة ..... لو حضرتك عاوز تركب عربية عالية عن الارض ... اسال عن الفيتارا و التيريوس ... موتورها 1600 .... و زى الفل ... مش حتتعبك فى البنزين .. احتمال سعرها يزيد شوية عن الفلوس الى معاك
و بالتوفيق ان شاء الله

رد: انصحوني عايز اجيب جيب
 

شكرا علي الافاده Marlborooo
كلام جميل يا مهندسنا هشوف اسعرهم
ولسه متااااااابع

رد: انصحوني عايز اجيب جيب
 

انا شوفت من 30 الف لحد 50 الف تسعينات كلها
اولا عفشة ناشفة زي الزفت وصيانتها غاليه وكل المستعمل متبهدل جدا لان اللي بيبقي راكبها مفكر انه راكب دبابة وبيمشي علي الطرق المكسرة زي المسفلته عشان انا راكب شيروكي او جيب
ولما تروح تشتري قطعة غيار استعمال ممكن توصل لالف جنيه وكل ده عشان انت راكب جيب مش بيبوص انك جايبها بألفين جنيه بيبوص انك راكب جيب
حلو لو لسه بخيرها
يعني موصلتش ال 100000 كيلو عشان تسمتع بيها لكن بعد ال 100 وال 200 الف كيلو كله فشتك
مش عارف اقولك ايه بس خليك في الحديث
من الاخر لو جيب او عربية دفع رباعي ميزدش العداد بتاعها عن 100 الف كيلو

رد: انصحوني عايز اجيب جيب
 

انا موافق على كلام حضرتك ... بس ليا بعض التعليق عليه ....

العفشة الناشفة ..... الشيروكى عفشتها مش ناشفة اوى .... علشان سوست حلزونية ( يايات ) امامية ... و سوست ورقية خلفية .... و ده فى اغلب سيارات الدفع الرباعى فى الفترة دى ... الان ... اغلب العربيات .. سوست حلزونية امامية و خلفية ... نعومة اكتر .. و تحس براحة فى المطبات ..... مع ضعف شوية فى قوة التحمل بس مش مشكلة
و بعدين امال لو جربت عربية سوست ورقية امامية و خلفية ..... زى الجى ام سى و النيفا و اللاند كروزر التعلبة و الفورد 150 .... كنت حتقول ايه :shyy:

الى راكبها مفكر انه راكب دبابة ..... يعنى مش بالظبط اوى كدة .... بس هو انا مستحمل العفشة الناشفة و استهلاك البنزين العالى ليه ؟!!!! علشان المطبات الصغيرة ( و احيانا الكبيرة ) و الحفر .....و بعض الارصفة العالية و الواطية .... برك المياه .... المدقات

قطع غيار سيارات الدفع الرباعى غالية عن العربيات السيدان ..... و المصنعيات كمان
يعنى لو الميكانيكى حيركب تيل فرامل ب 50 جنيه ..... يركب نفس التيل فى الجيب ب 75 جنيه و يبقى كارمك اوى

اما عن عداد الكيلومتر .... انا مش عارف ظروف الجيب ايه فى الكيلو متر ..... بس حقول لحضرتك على واحد زميلى كان معاه لاند كروزر تعلبة .... شاريها و كانت عاملة 500 الف كم و باعها و هى عاملة 700 الف كم .... و الموتور زى الفل و العربية حالتها كانت كويسة جدا .... على فكرة .. العربية كانت موديل 96 و باعها ب 120 الف جنيه

كلام حضرتك عن الجديد انا طبعا موافقك عليه
و تقبل مرورى :120105~352: