|
هل يحمل لنا عام 2010 اشكال جديدة لموديلات بروتون !!!?
ازيكم يا شباب اكيد كلنا منعرف ان بروتون شركة تستحق الاحترام وان ليها مستقبل مهم بالنسبه لانجازاتها وخاصة انها تعتبر من الشركات حديثة العهد من فترة وانا بفكر ان ليه بروتون مابتعملش زي الشركات الباقية وبتنزل موديلاتها باشكال جديدة وكان السبب ان تكلفة الانتاج والتصميم مكلفة جدا بس مش معقول ان الموديلات تبقى بالأشكال نفسها مثلا هيونداي وكيا مستحيل يمر اكتر من ثلاث سنين وماتعمل تصميم جديد لموديلاتها أما بروتون من اول ما طرحت الواجا أول مرة سنة 2000 لسنة 2009 وهي بنفس الشكل وكل سنة التغيير بكون باضافة كماليات او تعديلات بسيطة بالصالون او بشكل الجنوطة وحتى الجين 2 نفس الشي من اول ما نزلت سنة 2004 لسنة 2009 بس تغييرات بسيطة معقول ان بروتون ماعاد تنزل اشكال جديدة لموديلاتها ! معقول ان بروتون ماعندها القدرة ان تعمل تصميمات جديدة لعربياتها في الوقت الحاضر ! معقول الواجا بقالها عشر سنين وما تتغير ! مع ان في صور كتير عالانترنت للواجا الجديدة وللأسف طلعت معمولة بالفوتوشوب بصراحة هذا الموضوع كتير زاعجني خصوصا ان بروتون بدأت تفقد زبائنها على المدى البعيد ياريت تناقشوني وتعطوني رأيكم واذا عندكم معلومات او صور بليز تحطوها عشان الكل يستفيد تحياتي للجميع
|
رد: هل يحمل لنا عام 2010 اشكال جديدة لموديلات بروتون !!!?
معقول 25 واحد دخلو طب حد يقول رأيو
|
رد: هل يحمل لنا عام 2010 اشكال جديدة لموديلات بروتون !!!?
اقتباس:
بص يا باشا زى ما قولت ... بروتون بتنتج سيارات بشكل محدود جدا بالمقارنه بالعمالقه زى هيونداى مثلا , بروتون بتصرف كتير جدا فى انتاج موديل جديد.... متخيل ان انتاج موديل جديد من الصفر ممكن يتكلف حوالى نص مليار دولار فى الابحاث و التطوير و تصنيع خطوط الانتاج ؟ مبلغ ماهول طبعا و علاشان كده موديلات بروتون بتقعد لاطول فتره ممكنه فى السوق علاشان الشركه تسترد تكلفه الانتاج المرتفعة . بس عموما ده ميأثرش على جوده و اعتماديه السياره نفسها ممكن يكون فى كلام على جوده التقفيل .. الخامات المستخدمه .. الخ , لكن الى مافهوش نقاش ... معدل الامان جوده تصنيع الاجزاء الميكانيكيه و الشاسيه الثبات الى ماتلاقهوس الى فى العربيات الاوروبيه المحترمه حاجه محدش يقدر يشكك فيها . المسأله كلها عباره عن باكدج فيه مميزات و فيه عيوب ..... انا شايف ان مميزات بروتون اكتر من عيوبها + سعرها الاكتر من ممتاز = صفقه رابحه . انا بالنسبالى بكره العربيات الى شكلها بيتغير كل شويه ....تبقى شارى العربيه انهارده .... على اخر السنه تلاقى نزل ليها فيس ليفت و غيرو شكلها و عربيتك قيمتها قلت !! تحياتى ليك سامر باشا و عاوزين نشوف اسهاماتك المميزه فى قسم بروتون . :260309~146::260309~146:: 260309~146: |
رد: هل يحمل لنا عام 2010 اشكال جديدة لموديلات بروتون !!!?
http://www.terato.com/cars/images/st...roton_gen2.jpg والله يا سامر انت عندك حق التغيير والتنويع فى الموديلات بيكسب الشركة انتشار وشعبية اكبر بلاشك بس فى نفس الوقت ممكن جداً تبقى فيه موديلات ناجحة واشكالها لا تتغير باستمرار مثلاً النيسان صنى شوف بقالها كام سنة بنفس البودى مجرد تغييرات شكلية بسيطة او فيس ليفت وفيه عربيات ناجحة اشكالها بتتغير للاسواء زى الجولف مثلاً وفيه شركات كبيرة زى تويوتا عربياتها ناجحة وتصميمتها من سىء الى اسواء فالشكل برضو مش معاير اساسى لنجاح العربية خاصة ان الشكل الحالى مازال حديث ويحتمل تعديلات شكليه متعددة من ناحية تانية زى ما مهاب شرح الناحية الاقتصادية مهمة جداً وليها مردود قوى على المستهلك اولاً عربيتة مش هينزل تمنها جامد بعد فترة قليلة لان الاشكال ثابتة ثانياً توفر اكبر لقطع الغيار لان مفيش تغييرات جذرية بتحصل فى العربية وبتالتالى مع الوقت مستهلكى نفس قطع الغيار فى ازدياد مما يدفع السوق لتوفير كميات اكبر منها ثالثاً سعر العربية نفسة سهل المصنع يخلية منافس قصاد العربيات التانية المعاد تصميمها او المصممة حديثاً وده الحاصل فعلاً فى موديلات بروتون انها كل سنة بتنزل الموديل تقريباً بنفس السعر وبكماليات اعلى وسعرها مازال منافس جداً قدام النظائر الكورية او الهندية او الصينية او الايرانية مع اختلاف نوعى فى التصميم والهندسة طبعاً لصالح بروتون انا شخصياً راضى عن الوضع الحالى بس اتمنى ان يكون فيه تنوع على مستوى الموديلات (توسع افقى) ومنور يا سامر وفى انتظار مشاركاتك الجميلة |
رد: هل يحمل لنا عام 2010 اشكال جديدة لموديلات بروتون !!!?
أنا للأسف مش عايز أرد علي الموضوع ده
لأني شايفها نقطة ضعف بروتون يعني فضلت تنتج الويرا اللي هيا ميتسوبيشي موديل اوائل التسعينات بنفس الشكل و الواجا نفس الحال رغم انها عربية محترمة جدا لكن لما تقارنها باشكال السيارات الحديثة من فئتها زي الالنترا و الكورولا و السيفيك و اللانسر و السيراتو تحس انها قادمة من أواخر التسعينات و لا تقارن بيهم فقط الجين 2 و البيرسونا هما اللي كانوا مجاريين لاشكال عصرهم و متفوقين كمان و طبعا شفنا النتيجة انتشار ساحق من غير دعاية لأن اول شء بيشد المستهلك شكل العربية و يا سلام لو فيه لمسة حداثة |
رد: هل يحمل لنا عام 2010 اشكال جديدة لموديلات بروتون !!!?
اقتباس:
اقتباس:
لا يا استاذ احمد اكيد يهمنا نسمع رأيك :) . اسمحلى انا حبدأ من اخر نقطه حضرتك ذكرتها .... للاسف غالبيتنا مش بيبص لشكل العربيه على انه شى اساسى فى قرار الشراء ... و ده للاسف منطبق على حاجات كتير فى حياتنا مفتقده للشكل الجمالى فى كل حاجه .... يعنى هل معقول ان الكورولا الشكل القديم شكلها حلو ؟ ديه كنبه متحركه باربع عجلات و الناس كانت بتشتريها ب 100 الف جنيه و مفهاش غير تكيف و باور علاشان اسمها تويوتا !!! .. اكيد مش علاشان شكلها حلو " و حتى الجديده شكلها مش احسن حالا و مفتقده لاى خطوط جماليه " . هل الماتركس شكلها حلو ... لا بس تعتبر عربيه عمليه و الشكل مش هو العامل الاساسى فيها انما العمليه و برده منتشره انتشار ساحق . الانسر الى مش بتتباع غير عندنا فى مصر و مش معروفه على مستوى العالم غير بفئه الايفوليوشن برده شكلها مش ثورى ولا ملفت و مع ذلك مغرقه الشوارع . الاسبرانزا ال213 !!!@#%$^!!! و ال516, الانوس . الفيرنا .................. و الليستا طويله . و مع ذلك عربيه زى بروتون واجا نزلت من سنه 2000 ...و العربيات الى كانت فى فئتها فى نفس الوقت كانت بالشكال ديه ..... http://img.alibaba.com/photo/1106103..._2000_2000.jpg -------------------- http://www.cars4egypt.com/temp/33d99...1edfb88c44.jpg -------------------- http://www.canada4salebyowner.com/im...cloc/civic.jpg ------------ http://www.atozautolights.com/images...s/HYEL9600.jpg ------------------ http://liveimages.redbook.com.au/red...KIA%200077.jpg ---------------- http://www.singaporemotors.net/newsl...j/img_3677.jpg ------------------- ---------------- ------------ --------- ----- -- http://upload.wikimedia.org/wikipedi...9,_Serdang.jpg http://www.thecar.com.my/images/img_...eewahA2121.JPG -------- http://media.paultan.org/mme/mme_waj...rior_small.jpg بالنسبالى كشكل و تصميم الواجا تتفوق عليهم بمراحل . ---------------------------- * الويرا كانت بتنتج من سنه 95 و حتى سنه 2005 ...بس بالرغم من كده كانت متفوقه على الفيرنا و الانوس الى هما من نفس الفئه و كانت ارخص منهم سعرها و فيها كل الكماليات و الرفهيات الى موجوده فيهم + انها كانت اوسع بكتير منهم و اثيت بمراحل على السرعات العاليه .... و كشكل تعتبر عاديه مش فارقه كتير عن الانوس و الفيرنا الى لسه بينتجو لحد دلوقتى و تمنهم 70 الف جنيه ! * الواجا الحاليه سعرها مانيوال 82 الف جنيه , اوتوماتك 87 الف جنيه فل اوبشن " فل اوبشن بجد مش مجرد ازاز كهربا و سنتر " + جنط 15 - 195 , ABS+EBD , AIR BAGS , باركنج سينسور , كاست ام بى ثرى بتحكم من الدركسيون , ريموت كنترول + ايموبليزر ............ و حاجات تانيه كتير . + شاسيه بالتعاون مع فولفو و ميتسوبيشى و تعديل كامل من لوتس . *الالنترا الاوتوماتك ب 100 الف جنيه و بيقولو عليها فل اوبشن و هى هاف اوبشن بالمقارنه بالواجا... و اغلى فى السعر ... كفايا الانذار الى بيشتغل لوحده و الكاست التعبان الى مركبه غبور عند واحد فى الشارع علاشان يوفر كام جنيه !!ptmnlo123per111 السيراتو اوتو اول فئه ب 104 الف لانسر اوتو اول فئه 135 الف كورولا .. 145 الف سيفك .. 150 الف يعنى فرق سعر بين الواجا و بينهم بالنسبه للاوتو بيبدأ من 13 الف : 63 الف بصراحه الى معاه يجيب من اول السيراتو لحد السيفك ... اكيد مش حيفكر فى الواجا الى87 الف .... , و بصراحه بالنسبالى لو معايا المبلغ ده ... مش حفكر فى اى عربيه فيهم و حجيب عربيه اوروبى بنفس السعر و بالنسبالى حتكون اقيم بكتير... فورد فوكس ... " التحفه فيات برافو ".. سيات ليون ..308 . * الواجا تتقارن بالاوبترا , الصنى . الانسر القديمه ...و بالمقارنه بيهم فهى سعرها اقل و بكماليات اعلى و بشاسيه و موتور افوى و بعوامل امان اعلى . |
رد: هل يحمل لنا عام 2010 اشكال جديدة لموديلات بروتون !!!?
ماحنا مبنتكلمشي عن مقارنة عامة ،، السعر - الامكانيات - الخ إحنا بنتكلم في نقطة الشكل و التصميم فقط ،، الواجا كان شكلها جميل سنة 2000 بس دلوقتي شكلها عواجيزي قوي ،، |
| الساعة الآن 09:53 AM. |
Powered by vBulletin® Copyright ©2000 - 2025, Jelsoft Enterprises Ltd.
www.MasrMotors.com ™ Copyright ©2008 - 2025
Egyptian Automotive Community
جميع الحقوق محفوظة - مصرموتورز 2008 - 2017